6
Grawng Doeh Nyiex Ma Davit
1 Kawn simex Lewix khankix mawh Deshon, Kawhat mai Merarix heue.
2 Kawn simex Kawhat khankix mawh Amaram, Izarax, Hebron mai Zelax heue.
3 Kawn praix Amaram khankix mawh Arun, Mose mai Meriam mai kawn simex Arun khankix mawh Nadat, Abihux, Elaza mai Itama heue.
4 Elaza pon kawn tix Phinahat mai Phinahat pon kawn tix Abishua;
5 Abishua pon kawn tix Bokkix mai Bokkix pon kawn tix Uzix;
6 Uzix pon kawn tix Zerahiyax mai Zerahiyax pon kawn tix Merayok;
7 Merayok pon kawn tix Amariyax mai Amariyax pon kawn tix Ahitup;
8 Ahitup pon kawn tix Zadok mai Zadok pon kawn tix Ahemaza;
9 Ahimaza pon kawn tix Azariyax mai Azariyax pon kawn tix Yohanan,
10 Yohana pon kawn tix Azariyax nawh mawh pa yuh kaing jhaw Siyiex Cao giex kaing li ka daux nyiex bwan sum Sawlamon, ka daux veng Yerusaliem;
11 Azariyax pon kawn tix Amariyax mai Amariyax pon kawn tix Ahitup;
12 Ahitop pon kawn tix Zadok mai Zadok pon kawn tix Shalum;
13 Shalum pon kawn tix Hilakiyax mai Hilakiyax pon kawn tix Azariyax;
14 Azariyax pon kawn tix Serayax mai Serayax pon kawn tix Yehozadak.
15 Yehozadak hu ka daux pa giex laung yam kieh Siyiex pui haktiex Yudax mai pui Yerusaliem khankix hoek ka daux pa giex laung ka daux tawm taix Nebukhaneza heue.
16 Kawn simex Lewix khankix mawh Geshon, Kawhat mai Merarix heue.
17 In mawh ceu kaux kawn simex Geshon pa mawh Libanix mai Shimix khankix heue.
18 Kawn simex Kawhat khankix mawh Amaram, Izaha, Hebron mai Uzelax heue.
19 Kawn simex Merarix mawh Mahalix mai Mushix kix mawh doeh nyiex ma ceu pui Lewix khankix awm koe doeh nyiex ma keeing kix heue.Ref 6:16-19 Lih 6:16-19.
20 Kawn simex Goshon mawh Lipanix, kawn simex Lipanix mawh Yahat, kawn Yahat mawh Zimma heue.
21 Kawn simex Zimma mawh Joah, kawn simex mawh Ido, kawn simex Ido mawh Zerax kawn simex Zerax mawh Yerarie heue.
22 Kawn simex Kawhat mawh Aminadat, kawn simex Aminadat mawh Korax mai kawn simex Korax mawh Asirax,
23 Kawn simex Asirax Elakanax, kawn simex Elakanax mawh Ebiasap mai kawn simex Ebiasap mawh Asirax,
24 Kawn simex Asirax mawh Tahat, kawn simex Tahat mawh Urilax, kawn simex Urilax mawh Uziyax, kawn simex Uziyax mawh Shawlax heue.
25 Kawn simex Elakanax mawh Amashie mai Ahimot khankix heue.
26 Kawn simex Ahimot mawh Elakanax, kawn simex Elakanax mawh Zophie, kawn simex Zophie mawh Nahat,
27 Kawn simex Nahat mawh Eliabax, kawn simex Eliabax mawh Yeroham, kawn simex Yeroham mawh Elakanax heue.
28 Kawn Ai Samoelax mawh Yolax mai kawn Nyi nawh mawh Abiyax heue.
29 Kawn simex Merarix mawh Mahalix, kawn simex Mahalix mawh Lebanix, kawn simex Lebanix mawh Simix, kawn simex Simix mawh Uzax,
30 Kawn simex Uzax mawh Simax, kawn simex Simax mawh Hagiyax mai kawn simex mawh Asayax heue.
Cao Tah Ting Khankix Ka Nyiex Bwan Siyiex
31 Inkix mawh can pui pa hoik laug Davit ti deuh sonsang kia ngiien kix kaing jhaw pa ah lai rax ka daux nyiex bwan Siyiex khaix hoek teug bwan sijax mukheu tan heue.
32 Kix yuh kaing jhaw Siyiex tau mai ah tix lai rhax, ka plak sivoe nyiex gox bwan man bang kum pui hun, tom hoek bawg yam hoik sum simiang Sawlamon ka nyiex bwan Siyiex ka daux veng Yerusaliem mai kix yuh kaing awm bawg yam pa koe beeh glawm cie mawx cie an heue.
33 Inkix ku kaux mawh pui yuh kaing jhaw Siyiex tau mai kawn simex kix, ka daux kawn simex ceu pui Kawhat khankix koe cao pa rhax lai mawh Heman. Heman mawh kawn simex Yolax, Yolax mawh kawn simex Samoelax,
34 Samoelax kawn simex Yehoram, Yehoram mawh kawn simex Elilax mai Elilax mawh kawn simex Toa,
35 Toa mawh kawn simex Zophax, Zophax mawh kawn simex Elakanax, Elakanax mawh simex Mahat, Mahat mawh kawn simex Amashie,
36 Amashie mawh kawn simex Elakanax, Elakanax mawh kawn simex Yolax, Yolax mawh kawn simex Azariyax, Azariyax mawh kawn simex Zephaniyax,
37 Zephaniyax mawh kawn simex Tahat, Tahat mawh kawn simex Asirax, Asirax mawh kawn simex Ebiasap, Ebiasap mawh kawn simex Korax,
38 Korax mawh kawn simex Ezaha, Ezaha mawh kawn simex Kawhat, Kawhat mawh kawn simex Lewix, Lewix mawh kawn simex Isarelax heue.
39 Haman puxaik Asapha, pa cung ka plak khawn dawm nawh mawh Asapha, pa mawh kawn simex Berakhiyax, Berakhiyax mawh kawn simex Sima,
40 Sima mawh kawn simex Mikhalax, Mikhalax mawh kawn simex Baseyax, Baseyax mawh kawn simex Malakhiyax,
41 Malakhiyax mawh kawn simex Etane, Etane mawh kawn simex Zerax, Zerax mawh kawn simex Adiyax,
42 Adiyax mawh kawn simex Ethan, Ethan mawh kawn simex Zimma, Zimma mawh kawn simex Simi,
43 Simi mawh kawn simex Yahat, Yahat mawh kawn simex Geshon, Geshon mawh kawn simex Lewix heue.
44 Puxaik kix pa mawh cub kawn simex Merarix, pa ot ka plak khawn gwiex khankix mawh Ethan, Ethan mawh kawn simex Kisix, Kisix mawh kawn simex Abadix, Abadix mawh kawn simex Maluk,
45 Maluk mawh kawn simex Hashabiyax, Hashabiyax mawh kawn simex Amazix, Amazix mawh kawn simex Hilakiyax,
46 Hilakiyax mawh kawn simex Amazix, Amazix mawh kawn simex Banix, Banix mawh kawn simex Shama,
47 Shama mawh kawn simex Mahalix, Mahalix mawh kawn simex Mushix, Mushix mawh kawn simex Merarix, Merarix mawh kawn simex Lewix heue.
48 Puxaik kix pa mawh ceu pui Lewix khankix, mawh pa laug tix sonsang yuh kix kaing kuceu daux nyiex gox bwan man ka daux nyiex gox bwan Siyiex heue.
Grawng Doeh Nyiex Ma Arun
49 Arun mai cub kawn simex nawh khankix appong krax tan pa gleeing, piang khu dee tan mai krax tan pa gleeing nyawng bhawng piang khu dee tan dee pa kied singax singe khawmuik mai yuh pa pluat ploi phimap son ceu pui Isarelax, awm gumlox pa hoik tawm Mose pa mawh kawncau Siyiex ka kix khawmuik heue.
50 Inkix mawh kawn simex doeh nyiex ma Arun, kawn simex Arun mawh Elaza, kawn simex Alaza mawh Phinahat, kawn simex Phinahat mawh Abishua,
51 Kawn simex Abishua mawh Bokhi, kawn simex Bokhi mawh Uzix, kawn simex Uzix mawh Zerahiyax,
52 Kawn simex Zerahiyax mawh Merayok, kawn simex Merayok mawh Amariyax, kawn simex Amariyax mawh Ahitup,
53 Kawn simex Ahitup mawh Zadok, kawn simex Zadok mawh Ahimaza heue.
Dee Ot Dee Koe Ceu Pui Lewix
(Yaw 21:1-42)
54 Inkix mawh dee ot dee koe kix, ka mee haktiex pa gwieh kix awm pa hoik pon cawk kix silak, son kawn simex Arun khankix, khaing doeh nyiex ma Kawhat heue.
55 Kix hoik pon veng Hebron ka daux haktiex Yudax mai haktiex pa koe hawt rawb rim an heue.
56 Viang mawh nan, tong kaung veng mai khawm nyiex yaong khankix kix hoik tawx ka Kaliep kawn simex Yephunie heue.
57 Son kawn simex Arun khankix kix hoik tawx veng tix veng khaing daux veng an hankix pa sang to pui khankix ti paung ka pa mawh veng Hebron mai baox pon khawm veng Libanax tau mai haktiex rawb nawh khankix, veng Yatirax, veng Eshatemaw, tau mai haktiex rawb rim nawh khankix,
58 Veng Hilin tau mai haktiex rawb rim nawh khankix veng Debirax, tau mai haktiex rawb rim nawh khankix,
59 Veng Ashan tau mai haktiex rawb rim nawh khankix mai veng Bietshemiet tau mai haktiex rawb rim nawh khankix heue.
60 khaing daux cub cie doeh ru Benyamin khankix, kix hoik tawx veng Gebax tau mai haktiex rawb rim nawh khankix, veng Alamiet, tau mai haktiex pui hun nawh khankix mai khawm veng Anatot tau mai haktiex rawb rim nawh, veng cie kix khawmuik ka daux doeh nyiex ma kix koe kao loe veng heue.
61 Son pa kawn deuk khaing daux doeh nyiex ma Kawhat khankix, kix hoik pon veng kao veng, ka daux pa cawk kix silak khaing daux haktiex cie doeh ru Manashe tix plak heue.
62 Son kawn simex Geshon mai doeh nyiex ma kix khankix, kix hoik tawx kix cie veng kao loe veng khaing daux haktiex cie doeh ru Issakha mai khaing daux cie doeh ru Asha mai khaing daux cie doeh ru Napthalix mai khaing daux doeh ru Manashe, pa koe ka daux haktiex Bashan heue.
63 Son kawn simex Merarix mai doeh nyiex ma kix, kix hoik tawx kix cie veng kao ra veng khaing daux cie doeh ru Rubin, khaing daux cie doeh ru Gat mai khaing daux cie doeh simiex ru Zebulun khankix heue.
64 Mawh kheu nan, kawn praix ceu pui Isarelax khankix hoik tawx veng inkix, tau mai haktiex rawb rim nawh khankix ka ceu pui Lewix heue.
65 kix hoik veng an khankix ka kix ka daux pa cawk silak, khaing cie ru kawn praix Yudax, khaing daux cie doeh ru kawn praix Simion mai khaing daux cie doeh ru kawn praix Benyamin khankix pa mawh veng awm pa hoik kok kix ka ceu kaux veng heue.
66 Cub doeh nyiex ma kawn simex Kawhat khankix tiblah hoik tawx kix cie veng haktiex khaing daux cie doeh ru Ephanrem khankix heue.
67 Hoik tawx kix cie veng tix veng sonsang to pui tix paung ka pa mawh veng Shekhim, tau mai haktiex pa koe rawb rim nawh khankix pa koe piang gawng Epharem mai khawm veng Geza, tau mai haktiex rawb rim nawh khankix,
68 Veng Yokmam tau mai haktiex rawb rim nawh khankix, veng Biethoron tau mai haktiex rawb rim nawh khankix,
69 Veng Ayalon tau mai haktiex rawb rim nawh khankix mai veng Gatrimon tau mai haktiex rawb rim nawh khankix heue.
70 Khaing daux cie doeh ru Manashe tix plak, kix hoik tawx veng Anax tau mai haktiex rawb rim nawh khankix mai veng Biliam, tau mai haktiex rawb rim nawh khankix son pa kawn deuk khaing daux doeh nyiex ma kawn simex Kawhat khankix heue.
71 Khaing daux doeh simex ru Manashe an tix plak, kix hoik tawx kawn simex Geshon khankix cie veng Golan pa koe ka daux haktiex Bashan tau mai haktiex rawb rim nawh khankix mai khawm veng Ashatarot tau mai haktiex rawb rim nawh khankix heue.
72 khaing daux cie doeh ru Issakha khankix kix hoik tawx kix cie veng Kedeshax tau mai haktiex rawb rim nawh khankix, veng Dabarat tau mai haktiex rawb rim pui hun nawh khankix,
73 Veng Ramot tau mai haktiex rawb rim nawh khankix mai khawm veng Amen tau mai haktiex rawb rim nawh khankix heue.
74 khaing daux cie doeh ru Asha khankix, hoik tawx veng Mashala tau mai haktiex rawb rim nawh khankix, veng Abadon tau mai haktiex rawb rim nawh khankix,
75 veng Hukok tau mai haktiex rawb rim nawh khankix mai veng Rehop tau mai haktiex rawb rim nawh khankix heue.
76 Daux cie doeh ru Napthalix khankix; kix hoik tawx veng Kedasha pa koe ka daux haktiex Galilie tau mai haktiex rawb rim nawh khankix, veng Hamon tau mai haktiex rawm rim nawh khankix mai veng Kirayatim tau mai haktiex rawb rim nawh khankix heue.
77 Son kawn praix Merarix pa kawn deuk khankix, kix hoik pon haktiex khaing daux doeh ru Zebolon, pa mawh veng Rimmon tau mai haktiex rawb rim nawh khankix mai veng Tabo tau mai haktiex rawb rim nawh khankix heue.
78 Ka praok rawm klawng Yawdan pa koe ka plak sivoe Yerikho ka plak lih singaix hoik tawx kix cie veng khaing daux cie doeh ru Rubin; pa mawh veng Beza pa koe ka daux tiagtu tau mai haktiex rawb rim nawh khankix, veng Yahaza, tau mai haktiex rawb rim nawh khankix,
79 veng Kedemot tau mai haktiex rawb rim nawh khankix mai veng Mephat tau mai haktiex rawb rim nawh khankix heue.
80 Khaing daux doeh ru Gat khankix hoik tawx kix cie veng Ramot pa koe ka daux haktiex Gilat tau mai haktiex rawb rim nawh khankix, veng Mahanem tau mai haktiex rawb rim nawh khankix,
81 veng Heshabon tau mai haktiex rawb rim nawh khankix mai veng Yaza tau mai haktiex rawb rim nawh khankix heue.