5
Grawng Doeh Nyiex Ma Rubin
1 Yam in Rubin pa mawh kawn Ai Isarelax viang nawh mawh kawn Ai kawx mawh kheu hoik kieh dee it tum keeing tix seeing brai, Ref 5:1 Jah 35:22; 49:3-4. sinngao pa caw kawn Ai ti pon khankix hoik mawh pa deeh loe ti tawx ka Yosiep pa mawh kawn simex Isarelax, sonsang ang doeh ru kix lai mawh pa sawn tix mawh kawn Ai pa pon sinngao khankix heue.
2 Yudax hoik mawh pa blon piang puxaik nawh khankix, cao pa kwang haktiex tak lih khaing daux nawh;Ref 5:2 Jah 49:8-10. viang mawh nan, sinngao pa pon kawn Ai hoik mawh cie Yosiep heue.
3 Kawn simex Rubin pa mawh kawn Ai Isarelax khankix mawh Hanok, Phalu, Hezaron mai Khamix heue.
4 Kawn Ai Yawlax mawh Shemiyax, kawn simex Shemiyax mawh Gawgax, kawn simex Gawgax mawh Shimix,
5 Kawn simex Shimix mawh Mikha, kawn simex Mikha mawh Rayax mai kawn simex Rayax mawh Balax,
6 Kawn simex Balax mawh Berax, pa hoik teei Tigalat Pilesa, pa mawh simiang Asurix, nawh hu mawh pa giex laung heue.Ref 5:6 2Sim 15:29. Nawh hoik mawh cao thong cao bung ka ceu pui Rubin khankix heue.
7 Yam teei kix carang doeh ru puxaik nawh khankix khaing cao kaing ting ka daux doeh nyiex ma kix mawh Yeyelax mai Zakharix,
8 Belax mawh kawn simex Azat, mawh kawn simex Shemax, Shemax mawh kawn simex Yawlax pa ot ka daux veng Araw tom hoek ka veng Nebaw mai veng Balax Mawn heue.
9 Kix bang ti ot baoh plak lih singaix tom hoek ka dee laig kix ka daux tiag praok rawm klawng Yobrethix plak in, kheu kied haoh hun tobrie eei kix ka daux haktiex Gilat heue.
10 Ka daux baux singaix glang im ju Sawlux, kix hoik yuh naing ka pui Hagrax mai pui Hagrax som ka daux taix kix; mai hoik ot ka daux nyiex gox kix pa koe hawt baoh haktiex ankix khawmuik ka plak lih singaix haktiex Gilat heue.
Grawng Doeh Nyiex Ma Gat
11 Kawn praix Gat khankix ot ka see pui Rubin ka haktiex Bashan, tom hoek ka veng Salakha heue.
12 Yawlax mawh cao kaing pa ting mai greem nawh mawh Shapham mai khaix an mawh Yanie mai Shaphat pa ot ka haktiex Bashan,
13 mai puxaik kix khaing doeh nyiex ma keeing kix, Mikhelax, Meshulam, Shebax, Yawrie, Yakha, Zayax mai Hebax khawmuik aliah kaux heue.
14 Inkix mawh cub kawn praix Abihelax, Abihelax mawh kawn simex Hurix, Hurix mawh kawn simex Yaraw, Yaraw mawh kawn simex Gilat, Gilat mawh kawn simex Mikhalax, Mikhalax mawh kawn simex Yeshishie, Yeshishie mawh kawn simex Yahadaw mai Yahadaw mawh kawn simex Buza;
15 Ahix mawh kawn simex, Abadelax mawh kawn simex Gonix mawh cao kaing pa ting khaing daux doeh nyiex ma keeing kix heue.
16 Cub kix ot ka daux haktiex Gilat, ka daux haktiex nyiex yaong Bashan khankix hawt vung viang haktiex ot pui hun khankix da veng Shalon, plak daux mee haktiex cie kix heue.
17 Inkix khawmuik hoik mawh carang pa teei ti priex khaing daux ru kix ka daux baux singaix kwang Yerobom simiang Isarelax ka haktiex heue.
18 Ceu pui Rubin, Ceu pui Gat mai khawm doeh ru Manashe khankix tix plak, pui pa koe rhawm vao rhawm kwa mai pui pa pon giex plah tie naok mai vaig lawm, pa pon puing ka ak mai pa min ka daux naing pa pon hu daux naing khankix hoik koe pon mheen pon rheng liah yieh tigliah kaux heue.
19 Kix yuh naing ka pui Hagarax, pui Yeturax pui Naphishax mai Nawdat khankix heue.
20 Kix pon krax teem khaing Siyiex, cub ceu pui Hagarax mai can pui pa ot tau mai kix khankix hoik mawh pa ap ti ka daux tawm taix kix heue. Mawh kheu kix kok yo ka Siyiex ka daux biang naing, Nawh Cao nghiet lox rawg kix bwan kheu een kix rhawm tix ka daux Nawh Cao heue.
21 Khaix an, kix hoik rhim tix viex tobrie eei kix pa mawh Kala uk phwan mheen mu, yung ra sien phwan mheen mu, la ra rheng mu mai khawm pui kix tix sien kaux.
22 Kheu hoik kied nie goh pui koeng kix tix yum, grawh grawng nawh naing an hoik mawh naing cie Siyiex mai kix ot ka dah dee pa ot kix tom hoek bawg yam mawh kix pa giex laung heue.
Nyiex Ma Manashe
23 Mawh kheu nan, kawn praix doeh ru Manashe khankix tix plak ot ka daux haktiex an, krax pa hu kix jah khaing veng Bashan tom hoek ka veng Balax, Hamon mai ka veng Senira piang gawng Hamon khankix heue.
24 Inkix mawh cao kaing doeh nyiex ma keeing kix, pa mawh Epha, Ishe, Elelax, Azarelax, Yeramix, Hodaviyax mai Yadelax khankix, kix mawh pui ting riang rao pa koe rhawm kwa rhawm vao mai pui pa ao min mai mawh cao kaing khankix ka daux doeh nyiex ma keeing kix heue.
25 Kix ang lai kaux sijax ka Siyiex keeing kix mai hoik lud vao mai siyiex ceu pui pa ot ka daux haktiex an khankix ka pui pa hoik yuh Siyiex laux leeing ka plak sivoe kix heue.
26 Mawh kheu nan, Siyiex ceu pui Isarelax so ka rhawm PulaxRef 5:26 2Sim 15:19. pa mawh simiang haktiex Asurix mai Tigalat PilesaRef 5:26 2Sim 15:29. simiang Surix heue. Nawh hoik rhim ti teei ceu pui Rubin ceu pui Gat mai khawm ceu pui Manashe khankix tix plak hu mawh pui pa giex laung, nawh viex kix hu ka veng Halax, veng Habo, veng Harax mai ka hawt rawm klawng Gozan khankix tom hoek daux singaix in heue.Ref 5:26 2Sim 17:6.