7
Grawng Doeh Nyiex Ma Isakha
1 Kawn simex Issakha khankix mawh Tolax, Pu-a, Yashu mai Shimarom khawmuik pon kaux heue.
2 Kawn simex Tolax khankix mawh Uzix, Rephayax, Yerelax, Yamie, Yibasan mai Shemoelax, pa mawh cao kaing ka daux doeh nyiex ma keeing kix heue. kawn simex Tolax khankix mawh cub pui pa ting riang mai pa vao rhawm ka daux doeh ru kix; baux singaix ju simiang Davit kix koe ra mheen ra rheng liah yieh kaux heue.
3 Kawn simex Urix mawh Izarahix mai kawn simex Izarahix khankix mawh Mikhelax, Obadiyax, Yolax mai Ishayax, kix phwan kaux khawmuik mawh cao kaing pui heue.
4 Khaing daux doeh ru nyiex ma keeing kix khankix cub kru naing kix pa sang puing naing koe loe mheen liah rheng kaux, mawh kheu koe moeng koe kawn kix tom nie heue.
5 Puxaik kix ka daux sinax doeh nyiex ma Issakha, khawmuik mawh cub pui ting riang rao mai pa koe rhawm vao rhawm kwa awm pa koe carang khaing daux doeh ru khankix khawmuik koe pui daix mheen aliah rheng kaux heue.
Grawng Doeh Nyiex Ma Benyamin
6 Kawn simex Benyamin khankix mawh Belax, Bekha mai Yedayelax khawmuik loe kaux heue.
7 Kawn simex Belax khankix mawh Ezabon, Uzix, Uzelax, Yerimot mai Irix khawmuik phwan kaux heue. Kix mawh cao kaing ka daux doeh nyiex ma keeing kix mai mawh pa ting riang rao mai koe rhawm vao rhawm kwa, awm pa koe carang khaing daux doeh ru kix, khawmuik koe pui ra mheen ra rheng tixngoe pon kaux heue.
8 Kawn simex Bekha khankix mawh Zemirax, Yosha, Eliaza, Eliawnie, Omrix, Yerimot, Abiyax, Anatot mai Alemiet, inkix khawmuik mawh cub kawn simiex Bekha heue.
9 Kix mawh cao kaing khaing daux doeh nyiex ma keeing kix mai mawh pui pa ting riang mai pa koe rhawm vao rhawm kwa, awm pa koe carang khaing daux doeh ru kix khawmuik koe pui ra mheen mai ra yieh kaux heue.
10 Kawn simex Yedayelax mawh Bilahan mai kawn simex Bilahan khankix mawh Yusha, Benyamin, Ehut, Khenanax, Zetan, Tashishax mai Ahishaha heue.
11 Inkix mawh kawn simex Yedayelax khawmuik pa mawh cao kaing ka daux doeh nyiex ma keeing kix, mawh pui pa ting riang mai pa koe rhawm vao rhawm kwa khankix sonsang hu puing naing ka daux biang naing koe tix mheen aliah rheng ra yieh kaux heue.
12 Shupim mai Hupim mawh kawn simex Erax mai Hushim mawh kawn simex Aha heue.
Grawng Doeh Nyiex Ma Napthalix
13 Kawn simex Napthalix khankix mawh Yazelax, Gonix, Yezax mai Shalum, pa mawh kawn simex pa kaoh khaing doeh nyiex ma Bilaha heue.
Nyiex Ma Manashe Plak Klip Singaix
14 Asirelax kawn simex Manashe pa pon nawh khaing moeng iak tix ceu pui Surix mai baox keh ka Nakhirax pa mawh keeing Gilat heue.
15 Makhirax teei ti moeng pux bun Hupin mai Shupin pa kaux Makha, ceu kaux kawn Nyi nawh mawh Zelawphenat, viang mawh nan, Zelawphenat koe ngie kawn bun tix kaux khaing heue.
16 Nakha pa mawh moeng Nakhirax keh kawn simex tix kaux mai kok ceu kaux nawh mawh Periet, ceu kaux pux nawh mawh Sheriet mai kawn simex Sheriet mawh Ulam mai Rekem heue.
17 Kawn simex Ulam mawh Pedan, inkix mawh doeh ru Gilat kawn simex Makhirax, Makhirax mawh kawn simex Manashe heue.
18 Nan Gilat Hamawlekiet keh Ishahawt, Abeza mai Malax khankix heue.
19 Kawn simex Shemidax khankix mawh Ahi an, Shekhem, Likahix mai Aniam heue.
Grawng Doeh Nyiex Ma Epharem
20 Kawn simex Epharem mawh Shutelax mai kawn simex Shutelax mawh Pheret mai kawn simex Pheret mawh Tahat mai kawn simex Tahat Eladax mai kawn simex Aladax mawh Tahat,
21 Kawn simex Tahat mawh Zabat mai kawn simex Zabat mawh Shudelax, khaix an Epharem baox koe kawn simex pa mawh Eza mai Elat, pui veng Gat khankix ka daux haktiex an, pah ti tik kix kheu jao lih hoek kix tix tud rhim tobrie eei kix hu heue.
22 Khaix an, keeing kix Epharem kied koe krax khrup rhawm tom rheung singaix sawm mai puxaik nawh khankix hoek ti khu rhawm nawh heue.
23 Yam hoik deeh laig ot nawh mai moeng tix, bun an deeh koe kaux mai keh kawn simex tix kaux mai kok ceu kaux nawh mawh Beriyax, mawh kheu hoek krax pa khi rhawm piang nyiex ma nawh heue.
24 Kawn bun nawh Sherax, mawh pa hoik sum veng Biet Horom plak seh mai veng Biet Horom plak laong mai veng Uzen Sherax,
25 Kawn simex Epharim mawh Repha, kawn simex Repha mawh Reshiep, kawn simex Reshiep mawh Telax, kawn simex Telax mawh Tahan,
26 Kawn simex Tahan mawh Ladan, kawn simex Ladan mawh Amihut, kawn simex Amihut mawh Elishama.
27 Kawn simex Elishama mawh Nun mai kawn simex Nun mawh Yawsux heue.
28 Haktiex sinngao mai dee ot dee koe kix mawh veng Betelax mai khawm nyiex yaong cie nawh khankix, pa koe ka plak lih singaix veng Naran mai khawm plak klip singaix veng Geza mai khawm nyiex yaong cie nawh khankix mai veng Shekhem khawm nyiex yaong cie nawh khankix, tom hoek ka veng Kaza mai khawm nyiex yaong cie nawh khankix,
29 mai baox hoek tom baoh mee haktiex kawn praix Manashe pa mawh veng Bietshan mai khawm nyiex yaong cie nawh khankix, veng Tanak mai nyiex yaong cie nawh khankix, veng Megido mai nyiex yaong cie nawh khankix, veng Dora mai khawm nyiex yaong cie nawh khankix, ka daux nyiex yaong veng in kix mawh dee ot dee koe cub kawn praix Yosiep, pa mawh kawn simex Isarelax khankix heue.
Grawng Doeh Nyiex Ma Asha
30 Cub kawn simex Asha khankix mawh Imanax, Ishava, Ishavi, Beliyax mai nan kix Sherax heue.
31 Kawn simex Beriyax khankix mawh Heba mai Malakhelax, pa mawh keeing Birazek heue.
32 Heba pon kawn tix Yephaliet, Shoma, Hotam mai nan kix Shoa heu.
33 Kawn simex Yaphaliet khankix mawh Pasiet, Bomahalax mai Ashaliet, inkix mawh cub kawn praix Yephaliet heue.
34 Kawn simex Shoma khankix mawh Ahix, Rukax, Yehobax mai Aram heue.
35 Kawn simex pux nawh Helim mawh Zophax, Imanax, Sheliet mai Amalax heue.
36 Kawn simex Zophax khankix mawh Soa, Hanepha, Sholax, Berix, Imarax,
37 Beza, Hodax, Shama, Shilashax, Yetaran mai Birax heue.
38 Cub kawn simex Yata khankix mawh Yephunie, Pisapax mai Arax heue.
39 Kawn simex Ulalax khankix mawh Arax, Hanelax mai Riziyax heue.
40 Inkix khawmuik mawh kawn praix Asha mai pa mawh cao kaing doeh nyiex ma keeing kix, ka pui pa laug kix pa kied ting riang mai pa koe rhawm kwa khankix, mawh cao kaing ting mai kix mawh pa teei carang khaing daux sinax doeh ru pa mawh cub kru naing pa keung tix hu daux naing, kix koe ra mheen liah rheng kaux heue.