YAOGYAW 82
1 Siyiex cung ka daux siyiex Pa haoh hun mai prawng ca ka sinax kix heue.
2 Pex jhak ka pakngai pui pa ang rah ang see mai kawn prawng ca pa ang rah ang see rheung miex grheung?
3 Pex prawng ca mai ot plak pui pa hot pa sibhawm mai kawn doe pa ang koe miex keeing khankix, yuh pa khaw mai beenli mai ot plak kix pa hot pa sia mai pa cai rhawm cai rhi khankix awx.
4 Taoh ka pui pa hot pa sibhawm mai pa cai rhawm khankix, luan khaing daux taix pui pa ang rah ang see khankix awx.
5 Kix ang tawng ang yung, kix lailing ka daux pa vhaik mai jaong num haktiex yung yiang khawmuik heue.
6 Aux ah nin ka pex, pex mawh siyiex, Ref 82:6 Yo 10:34. mai can pa koe khawmuik mawh kawn Siyiex Cao pa ting lhaong heue.
7 Viang mawh kawx nan, pex tak sang yum awm kawn pui mai hoek krax laux krax sum awm kawn simiang heue.
8 Siyiex eue, kaoh mai prawng ca ka haktiex liak, grawh grawng nawh, kawn pui khawmuik mawh cie Maix heue.