1 Siyiex eue, kia ngien ka aux liak, grawh grawng nawh, aux deuh rhawm ka Maix heue. 2 Aux ah nin ka Siyiex, “Maix mawh Simiang aux, lheu khaing Maix ceu pa mhawm ang koe mai aux.” 3 Pui pa singax singeh pa ot ka daux meung Maix, mawh pui pa mhawm pa khaw rhawm aux heue. 4 Can pui pa hawt khaix siyiex tang kaux, tak pon krax pa kha rhawm tom nie heue. Aux ang rhawm kieh nham ti lih, sonsang tan ka son kix pie ceu kaux kix kawx, aux ang rhawm kieh simawd. 5 Siyiex mawh sonsang pon aux sin mai son kawk pa sang nyaux aux heue. Maix mawh Cao pa priex sin aux mai Cao pa chix gwieh heue. 6 Mee haktiex pa keung aux ti kwang, caw dee mhawm mai sin pa pon aux mawh pa mhawm heue. 7 Aux yaogyaw bwanson Siyiex, ka pa tawx krax pa tawng pa yung ka aux, yam ponsawm kawx, rhawm aux deeh so ka aux heue. 8 Aux deuh Siyiex sivoe ngai aux jheung jheung. Grawh grawng nawh kheu Nawh Cao ot plak khawn dawm aux mai ang aux lai greed lai gah. 9 Mawh kheu in, rhawm aux tom nyawm rhawm mai min plakngai aux tak gaux rhawm gaux rhi, tokaux aux kawx, ot ka daux krax krox jun heue. 10 Grawh grawng nawh, Maix ang tik grham ju aux ka daux meung yumRef 16:10 1Kaw 15:4. mai Maix ang kieh pui pa singax singeh cie Maix hoek krax cux sium.Ref 16:10 Cau 13:35. 11 Maix tak jhi aux yaox krax pa im ju, krax pa grum naog mai krax pa gaux rhawm gaux rhiRef 16:8-11 Cau 2:25-28. sivoe ngai Maix mai koe krax pa gaux rhawm gaux rhi dex taix khawn dawm Maix jheung jheung heue.