YAOGYAW 15
1 Siyiex eue, pui mawx sang ot ka daux nyiex bwan Maix? Pui mawx sang ot ka piang gawng pa singax singeh Maix?
2 Pui pa hu ka daux krax pa rahsee mai pui pa yuh pa mhawm mai pui pa krai lox pa kaux sijax ka daux rhawm tix.
3 Pui pa ang teei dak ti coh lox sikah mai pui pa ang yuh kaing pa ang mhawm ka paox grawm tix mai pui pa ang salao ka paox plawg tix.
4 Pui pa ang yuh paox pie ka pui pa caox caig sivoe ngai nawh mai lhat graung ka Siyiex, viang tokaux nawh laux leeing kawx, sijax mukheu nawh ang yuh laux awm pa hoik tiex tu nawh heue.
5 Nawh tawx pui yaog yaing mau kawx, ang teei rao mai mawh pui pa ang ih mau chun praok ka pui pa ang koe phimap mai nawh tak mawh pa kaux cong leeing ju heue.