YAOGYAW 126
1 Yam kieh Siyiex pui Zion pa phyawk hu deeh hoek, ex awm ngie pui pa camaox heue.
2 Yam an, jheeh ex grum naog ka krax nyiah mai dak ex grum naog ka lox rhax pa gaux rhawm heue. Pui tang ceu khankix kawx, ah nin, “Siyiex hoik yuh kaing pa ting son kix heue.”
3 Siyiex hoik yuh kaing pa ting lhaong son ex mai ex kawx, koe krax gaux rhawm kah heue.
4 Siyiex eue, can ex pa hoik phyawk hu khankix kieh deeh hoek awm rawm klawng plak seh liak.
5 Pui pa jah rawm ngai mai rhuat simie khankix, tak gaux rhawm gaux rhi mai vawg nghox heue.
6 Pui pa jah rawm ngai mai viex simie lih hu sonsang rhuat, tak sang deeh viex lhiem nghox hoek khawm gaux rhawm tix tete heue.