YAOGYAW 127
1 Phan Siyiex ang yuh nyiex, kix pa yuh mawh pa giex going heue. Phan Siyiex ang pau veng in, kix cao pa pau mawh pa giex going heue.
2 Viang pex kaoh caocao mai ang it tom lha pon sawm kawx, viang khin kha tix ih priex kawx, ang koe bwanson. Siyiex tawx krax pa nyawm it ka pui pa moh Nawh khankix heue.
3 Can kawn praix pa keh khankix mawh bwan son, sin pa tawx Siyiex. Mawh totaix pa tawx Nawh Cao heue.
4 Kawn praix pa keh yam awn ju khankix, awm te pa koe ka daux taix pui pa kwa pa vao heue.
5 Pui pa naog mawk te ka kix, koe bwanson heue. Kix ang koe pa kaig tua mai: tak tieb tie ka pui pa koeng ka daux diang siviex heue.