YAOGYAW 125
1 Pui pa deuh rhawm ka Siyiex kaux cong jheung jheung, awm gawng Zion ang chix gah greed tix bawg kawx heue.
2 Awm rob gawng hawt vung viang veng Yerusaliem, Siyiex rob hawt pui Nawh khankix, jah tom yam in mai hu sivoe ngai leeing ju heue.
3 Pui pa rahsee khankix, tak ang pon ti yuh phimap mai krong pliah pui pa ang rahsee khankix ang lai pon ti giex kaing ka piang sin pui pa rahsee heue.
4 Siyiex eue, yuh bwanson ka pui pa mhawm mai pui pa rahsee daux rhawm khankix liak.
5 Pui pa lud hu ka krax pa kawk vawk khankix, Siyiex tak teei lih tau mai pui pa ang rahsee khankix heue. Kieh pa nhim koe tau mai ceu pui Isarelax liak.