YAOGYAW 124
1 Ceu pui Isarelax ah nin, “Keud ti yaox phan Siyiex ang ot plak ex,
2 pui pa koeng ka ex tang plak khankix,
3 Krax pa song rhawm kix lih mai hoik bleet ti ih ex khawm kaux khawm ju pleue.
4 Yam an, rawm khankix kheem ex mai rawm klawng khankix hoik jao hu ka piang ju ex pleue,
5 rawm klawng caox khankix hoik jao hu ka piang ju ex pleue.”
6 Kieh Siyiex pa ang tawx ex hoek ka krax pa laux leeing ting bwan son heue.
7 Ju ex hoik pon ti luan hu, awm sim pa luan khaing maox jhawk pa taong kix, ex kawx hoik pon ti luan kheu hoik dud maox jhawk heue.
8 Cao pa teem ex koe ka daux ceu kaux Siyiex Cao pa yuh raoma mai haktiex heue.