YAOGYAW 11
1 Aux deuh rhawm ka Siyiex, mawh kheu patix pex ah nin ka ju aux, “Pu hu ka piang gawng awm sim yuh ka mawx?”
2 Jhak heue, pui pa ang rahsee khankix, hoik vaik ak mai sau te sonsang puing ka pui pa rahsee khankix ka daux pa faik heue.
3 Phan num hoik laux leeing, pui pa rahsee chix yuh ka mawx?
4 Siyiex ot ka daux nyiex bwan Nawh pa singax singeh heue. Dangngeung Siyiex koe ka piang meung raoma, ngai Nawh jhak mai siyieb ngai Nawh sigaig ka pa yuh kawn pui heue.
5 Siyiex cheuk ti yaox ka pui pa rahsee mai pui pa caox caig, mai Nawh koeng ka pui pa moh ti yuh ceu pa laux leeing khankix heue.
6 Nawh Cao kieh gaox ngu rup lih ka piang kix pa caox caig, pa mawh ngu mhat mai bhaung caox pa kied hax, tak sang kieh mawh son pa ih kix heue.
7 Siyiex mawh pa rahsee, grawh grawng nawh, Nawh moh ka pa rahsee mai Nawh ot plak pui pa rahsee heue.