YAOGYAW 12
1 Siyiex eue, taoh aux liak, grawh grawng nawh, pui pa mhawm ang koe mai pui pa kaux sijax kawx, hoik grai hu khaing kawn pui heue.
2 Paox plawg paox nyhawm pa ot tau kawx, tix kaux lai tix kaux, lah cha ka paox tix, ka siyieb jheeh pie lhen mai kix sikah ka paox tix mai koe rhawm ra mu heue.
3 Siyiex tak sang pat ti tik siyieb jheeh mai dak pa ah lox ting lox lhaong mai pie lhen khawmuik heue.
4 Pui pa ah nin, ex teei dak tix pex heue, siyieb jheeh ex tang koe mai ex mai pui mawx mawh Simiang ka piang ex, kix nieb ah nan heue.
5 Siyiex ah nin, “Aux tak kaoh cung sipiag kix, pui pa yaox ti kham geu ka pa tuktiak tukte mai krax kha rhawm mai krax pa cai rhawm mai pui pa ngheeik ngia khankix heue. Mai Aux tak sang tawx krax pa nyawm rhawm ka pui pa yaox ti kham geu krax pa nunai khankix heue.
6 Sijax mukheu Siyiex mawh pa singax singeh awm mau pa hoik thi mai hoik tieh aliah bawg heue.
7 Siyiex eue, Maix kia ngien ka kix mai tiebtie ka kix, ceu pui yam in jheung jheung heue.
8 Pui pa ang rahsee khankix, vuvie tix sinax kawn pui kudah kudee tom yam hoek bawg yam yaog lhaong ka pui pa tiiem khankix heue.