1 Yam hoik sidah yuh Mose nyiex gox bwan man, nawh groi bee ka piang nyiex gox bwan man mai khrawm kraung pa shiao khankix mai baox groi rawm bee ka piang khu dee tan mai kraung pa shiao khankix tau mai kieh ceu an singax heue. 2 Cao kaing ceu pui Isarelax khankix mai cao kaing doeh nyiex ma keeing kix, pa mawh cao kaing doeh ru kix mai pui pa hoik laig carang khankix yuh krax tan, 3 mai kix viex krax tan tix hoek sivoe Simiang Siyiex, ling lawx koe braux liah lhang mai mawie mhaing kao ra mu, son cao giex kaing ra kaux ling lawx koe braux tix lhang mai mawie mhaing tix kaux tix mu, kix tan ceu an ka Simiang Siyiex sivoe nyiex gox bwan man heue. 4 Khaix an Simiang Siyiex ah nin ka Mose, 5 “Rieb ceu in khaing kix sonsang shiao ka daux kaing jhaw nyiex gox bwan man bang kum mai ap ceu an ka ceu pui Lewix awm pa koe kaing jhaw pa yuh kix heue.” 6 Mose rieb ling lawx an mai mawie khankix mai ap ka ceu pui Lewix. 7 Nawh tawx ling lawx ra lhang mai mawie pon mu ka kawn simex Gerashon, awm kaing jhaw pa yuh kaux mawx kaux an, 8 mai nawh tawx ling lawx pon lhang mai mawie daix mu ka kawn simex Merarix, awm kaing jhaw pa yuh kix pa ot greem pa thong Itama pa mawh kawn simex Arun cao giex kaing li heue. 9 Viang mawh nan nawh ang tawx ka kawn simex Kawhat, mawh kheu kaing jhaw kix mawh kaing jhaw pa klawm kraung pa singax. 10 Cao kaing khankix yuh krax tan pa appong ka khu dee tan ka daux singaix pa groi rawm bee mai cao kaing khankix yuh krax tan tix ka plak sivoe khu dee tan. 11 Simiang Siyiex ah nin ka Mose, “Cao kaing tak yaox ti yuh krax tan tix ngaix tix kaux son krax tan pa appong ka khu dee tan heue. 12 Pui pa tawx krax tan singaix jah, mawh Nashon kawn simex Aminadap khaing doeh ru ceu pui Yudax, 13 pa tan nawh mawh pan mau pa cien tix yieh tixngoe shekhe mai pan khoek mau pa cien atixgliah shekhe, awm pa hoik sawn kix ka plak mau shekhe dee pa singax, an khawm ra naog ka phawng nghox ca ceu pa mhawm, pa hoik klao ti mai bee son krax tan phawng nghox ca im, 14 mai klong khri pa koe kao shekhe tix mu pa naog nyawng bhawng pa sang gleeing, 15 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 16 son krax tan pa pluat ploi phimap kawn pex iak tix mu, 17 mai son krax pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Nashon kawn simex Aminadap. 18 Ka daux ra ngaix Natanelax kawn simex Zurax, pa mawh cao kaing doeh ru Issakha yuh krax tan, 19 pa tan nawh mawh panmau tix mu pa cien tix yieh tixngoe shekhe, khawm pan khoek mau tix mu pa koe atixgliah shekhe, awm pa hoik sawn kix ka plak mau shekhe dee pa singax, an khawm ra naog ka phawng nghox ca ceu pa mhawm, pa hoik klao ti mai bee son krax tan phawng nghox ca im, 20 klong khri pa koe kao shekhe tix mu mai pa naog nyawng bhawng pa sang gleeing, 21 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 22 son krax tan pa pluat ploi phimap kawn pex iak tix mu, 23 mai son krax pa appong ka krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Natanelax kawn simex Zurax. 24 Ka daux loe ngaix Eliabax kawn simex Helon, pa mawh cao kaing doeh ru Zebulun yuh krax tan, 25 Krax tan nawh mawh panmau tix mu pa cien tix yieh tixngoe shekhe, khawm pan khoek mau tix mu pa cien atixgliah shekhe awm pa hoik sawn kix ka plak mau shekhe dee pa singax singeh, an khawm ra naog phawng nghox ca ceu pa mhawm, pa hoik klao ti mai bee son krax tan phawng nghox ca im, 26 klong khri pa koe kao shekhe tix mu pa naog nyawng bhawng pa sang gleeing, 27 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 28 son krax tan pa gleeing kawn pex iak tix mu, 29 mai son krax pa appong ka krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Eliabax kawn simex Helon heue. 30 Ka daux pon singaix Elizurax kawn simex Shedurax, pa mawh cao kaing doeh ru Rubin yuh krax tan, 31 krax tan nawh mawh panmau tix mu pa cien tix yieh tixngoe shekhe, khawm pan khoek mau tix mu pa cien atixgliah shekhe, awm pa hoik sawn kix ka plak mau shekhe dee pa singax singeh, an khawm ra naog ka phawng nghox ca ceu pa mhawm, pa hoik klao ti mai bee son krax tan phawng nghox ca im, 32 klong khri pa cien kao shekhe tix mu, pa naog nyawng bhawng pa sang gleeing, 33 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 34 son krax tan pa pluat ploi phimap kawn yung iak tix mu, 35 mai son krax pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Elizurax kawn simex Shedurax heue. 36 Ka daux phwan singaix Shelumilax kawn simex Zurishadie, pa mawh cao kaing doeh ru Simion yuh krax tan, 37 krax tan nawh mawh pan mau tix mu, pa cien tix yieh tixngoe shekhe, khawm pan khoek mau tix mu pa cien atixgliah shekhe, awm krax pa hoik sawn kix ka plak mau shekhe dee pa singax singeh, an khawm ra naog ka phawng nghox ca ceu pa mhawm pa hoik klao ti mai bee son krax tan phawng nghox ca im, 38 klong khri pa cien kao shekhe tix mu, pa naog nyawng bhawng pa sang gleeing, 39 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 40 son krax tan pa pluat ploi phimap kawn pex iak tix mu, 41 mai son krax pa appong krax tan pa nhim tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Shelumilax kawn simex Zurishadie heue. 42 Ka daux liah ngaix Eliasap kawn simex Doelax, pa mawh cao kaing doeh ru Gat yuh krax tan, 43 krax tan nawh mawh pan mau tix mu pa cien tix yieh tixngoe shekhe, khawm pan khoek mau tix mu pa cien atixgliah shekhe, awm krax pa hoik sawn kix ka plak mau shekhe dee pa singax singeh, an khawm ra naog ka phawng nghox ca ceu pa mhawm pa hoik klao ti mai bee son krax tan phawng nghox ca im, 44 klong khri pa cien kao shekhe tix mu, pa naog nyawng bhawng pa sang gleeing, 45 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 46 son krax tan pa pluat ploi phimap kawn pex iak tix mu, 47 mai son krax tan pa ap pong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Eliasap kawn simex Doelax heue. 48 Ka daux aliah singaix Elishama kawn simex Amihut, pa mawh cao kaing doeh ru Epharen yuh krax tan, 49 krax tan nawh mawh panmau tix mu pa cien tix yieh tixngoe shekhe, khawm pan khoek mau tix mu pa cien atixgliah shekhe, awm pa hoik sawn kix ka plak mau shekhe dee pa singax, an khawm ra naok ka phawng nghox ca ceu pa mhawm mai pa hoik klao ti mai bee son krax tan phawng nghox ca im, 50 klong khri pa cien kao shekhe tix mu, pa naog nyawng bhawng pa sang gleeing, 51 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 52 son krax tan pa pluat ploi phimap kawn pex iak tix mu, 53 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu. In mawh krax tan Elishama kawn simex Amihut heue. 54 Ka daux daix singaix Gamalelax kawn simex Pedazurax pa mawh cao kaing doeh ru Manashe yuh krax tan, 55 krax tan nawh mawh panmau tix mu pa cien tix yieh tixngoe shekhe, khawm pan khoek mau pa cien atixgliah shekhe awm pa hoik sawn kix ka plak mau shekhe dee pa singax, an khawm ra naog ka phawng nghox ca ceu pa mhawm mai pa hoik klao ti mai bee son krax tan phawng nghox ca im, 56 klong khri pa cien kao shekhe tix mu, pa naog nyawng bhawng pa sang gleeing, 57 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa hoik naog num tix mu, 58 son krax tan pa pluat ploi phimap kawn pex iak tix mu, 59 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa tak naog num phwan mu, in mawh krax tan Gamalelax kawn simex Pedazurax heue. 60 Ka daux dim singaix Abidan kawn simex Gidawnix, pa mawh cao kaing doeh ru Binyamin yuh krax tan, 61 krax tan nawh mawh pan mau tix mu pa cien tix yieh tixngoe shekhe, khawm pan khoek mau pa cien atixgliah shekhe, awm pa hoik sawn kix ka plak mau shekhe dee pa singax, an khawm ra naog ka phawng nghox ca ceu pa mhawm mai pa hoik klao ti mai bee son krax tan phawng nghox ca im, 62 klong khri pa cien kao shekhe tix mu, pa naog nyawng bhawng pa sang gleeing, 63 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 64 son krax tan pa pluat ploi phimap kawn pex iak tix mu, 65 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu, in mawh krax tan Abidan kawn simex Gidawnix heue. 66 Ka daux kao ngaix Aheza kawn simex Amishadie, pa mawh cao kaing doeh ru Dan yuh krax tan, 67 krax tan nawh mawh panmau tix mu pa cien tix yieh tixngoe shekhe, khawm pan khoek mau pa cien atixgliah shekhe, awm pa hoik sawn kix plak mau shekhe dee pa singax, an khawm ra naog ka phawng nghox ca ceu pa mhawm, pa hoik kluklao ti mai bee son krax tan phawng nghox ca im, 68 klong khri pa cien kao shekhe tix mu, pa naog nyawng bhawng pa sang gleeing, 69 son krax tan pa gleeing mawie mhaing pa awn ju tix mu, yung mhaing tix mu, kawn yung mhaing pa naog num tix mu, 70 son krax tan pa pluat ploi phimap kawn pex iak tix mu, 71 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu, in mawh krax tan Aheza kawn simex Amishadie heue. 72 Ka daux kao tix singaix, Pagelax kawn simex Awkharan pa mawh cao kaing doeh ru Asha yuh krax tan, 73 krax tan nawh mawh pan mau tix mu pa cien tix yieh tixngoe shekhe, khawm pan khoek mau pa cien atixgliah shekhe, awm pa hoik sawn kix plak mau dee pa singax, an khawm ra naog ka phawng nghox ca ceu pa mhawm pa hoik klao ti mai bee son krax tan phawng nghox ca im, 74 klong khri pa cien kao shekhe tix mu, pa naog nyawng bhawng pa sang gleeing, 75 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 76 son krax tan pa pluat ploi phimap kawn pex iak tix mu, 77 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung pa naog num phwan mu, in mawh krax tan Pagelax kawn simex Awkharan heue. 78 Ka daux kao ra ngaix Ahirax kawn simex Enan pa mawh cao kaing doeh ru Napthalix yuh krax tan, 79 krax tan nawh mawh pan mau tix mu pa cien tix yieh tixngoe shekhe, khawm pan khoek mau pa cien atixgliah shekhe, awm pa hoik sawn kix plak mau shekhe dee pa singax, an khawm ra naog ka phawng nghox ca ceu pa mhawm pa hoik klao ti mai bee son krax tan phawng nghox ca im, 80 klong khri pa cien kao shekhe tix mu, pa naog nyawng bhawng pa sang gleeing, 81 son krax tan pa gleeing mawie mhaing pa awn ju tix mu, yung mhaing tix mu mai kawn yung mhaing pa naog num tix mu, 82 son krax tan pa pluat ploi phimap kawn pex iak tix mu, 83 mai son krax tan pa appong krax tan pa nhim, tak mawh mawie ra mu, yung phwan mu, pex mhaing phwan mu mai kawn yung mhaing pa naog num phwan mu, in hoik mawh krax tan Ahirax kawn simex Enan heue. 84 In mawh krax tan khaing cao kaing pui Isarelax, singaix groi rawm bee mai pa appong khu dee tan pan mau kao ra mu, pan khoek mau kao ra mu mai klong khri kao ra mu. 85 Pan mau ku mu cien tix yieh tixngoe shekhe mai pan khoek mau ku mu cien atixgliah shekhe, tawg klong mau khankix khawmuik cien ra rheng pon yieh shekhe, awm pa hoik sawn kix plak mau shekhe dee pa singax singeh, 86 klong khri kao ra mu, pa naog nyawng bhawng pa sang gleeing, ku mu cien kao shekhe awm pa hoik sawn kix plak mau shekhe dee pa singax singeh, klong khri khankix khawmuik cien tix yieh tixnga shekhe, 87 son krax tan pa gleeing khawmuik mawh mawie mhaing kao ra mu, yung mhaing kao ra mu, kawn yung mhaing pa naog num kao ra mu, tau mai krax tan phawng nghox ca im, mai son krax tan pa pluat ploi phimap kawn pex iak kao ra mu, 88 mai son krax pa appong krax tan pa nhim mawie tixnga pon mu, yung tixgliah mu, pex mhaing tixgliah mu mai kawn yung mhaing pa naog num tixgliah mu. in mawh krax tan pa appong son khu dee tan khaix hoik groi rawm bee heue. 89 Yam laig Mose ka daux nyiex gox bwan man bang kum sonsang sikah tix tau mai Siyiex, nawh mhong lox pa sikah ka nawh khaing ka piang dangngeung krax pa caux rhawm, pa koe ka piang dawb teug bwan pa kham mhai ruk, khaing sinax riang Cherubin ra mu, Nawh Cao sikah mai nawh heue.