1 Yam in, Simiang Siyiex sikah mai Mose ka daux tiag gawng Sina, ka daux nyiex gox bwan man bang kum pui hun, ka daux num ra, khix ra tix ngaix, khaix hoik lih hu kix khaing daux meung Ejiptux ah nin. 2 “Teei carangRef 1:1-46 Si 26:1-51. cub caw pui hun ceu pui Isarelax khankix khawmuik mai kawn nyiex ma kix mai nyiex ma keeing kix maix simin ceu kaux can pa mawh simex ku kaux, 3 jah ka pa koe ju tixnga num haok plak piang, can pui pa pon hu daux naing, khaing daux ceu pui Isarelax khankix maix mai Arun tak simin ti deuh kix tau mai kru naing kix heue. 4 Can pui pa ot tau mai maix khankix, tak mawh pui tix kaux, pa kaoh khaing doeh ru mawx ru an ku cub mai pa mawh cao kaing tix kaux ka nyiex ma keeing nawh khankix heue. 5 Inkix mawh ceu kaux pui pa sang teem cung tau mai maix, khaing ceu pui Rubin, mawh Elizurax pa mawh kawn simex Shedurax, 6 khaing ceu pui Simion mawh Shelumilax pa mawh kawn simex Zurishadie, 7 khaing ceu pui Yudax mawh Nashon pa mawh kawn simex Aminadat, 8 khaing ceu pui Isakha mawh Natanelax pa mawh kawn simex Zuah, 9 khaing ceu pui Zebulun mawh Eliabax pa mawh kawn simex Helon, 10 khaing kawn simex Yosiep khankix, khaing ceu pui Epharen mawh Elishama pa mawh kawn simex Amihut, khaing ceu pui Manashe mawh Gamalelax pa mawh kawn simex Pedazurax, 11 khaing ceu pui Binyamin mawh Abidan pa mawh kawn simex Gidawnix, 12 khaing ceu pui Dan mawh Aheza pa mawh kawn simex Amishadie, 13 khaing ceu pui Asha mawh Pagelax pa mawh kawn simex Awran, 14 khaing ceu pui Gat mawh Elishaphax pa mawh kawn simex Doelax, 15 khaing ceu pui Napthalix mawh Ahirax pa mawh kawn simex Enan khankix heue. 16 Inkix mawh pa hoik laug tix khaing cub caw pui hun khankix, pa mawh cao thung cao bung ka doeh ru keeing kix mai cao kaing ka piang pui tix rheng, ku cub ku caw daux ceu pui Isarelax heue. 17 Khaix an Mose mai Arun kok pui in khankix, pa hoik laug tix mhai ceu kaux kix, 18 mai kix kraix khrawm cub pui hun khawmuik tau, haok khix tix ngaix, daux khix ra heue. Kix deeh ciied tix yaox doeh ru kix, tau mai kawn nyiex ma kix, tau mai nyiex ma keeing kix, awm pa hoik simin ceu kaux khankix, jah ka pa koe ju tixnga num haok plak piang kaux mawx kaux an ku kaux daux pui heue. 19 Awm hoik tawx Simiang Siyiex lox ka Mose, mawh kheu nan nawh simin kix ka daux tiag daux tu gawng Sina heue. 20 Kawn Ai Isarelax pa mawh Rubin mai kawn praix nawh khankix mai doeh ru kix mai kawn nyiex ma kix mai nyiex ma keeing kix, awm pa simin kix ceu kaux kix khankix, can simex ku kaux, jah ka pa koe ju tixnga num haok plak piang, pa pon hu daux naing khawmuik, 21 Can pui ankix pa hoik simin khaing daux doeh ru ceu pui Rubin khankix, koe pon mheen liah rheng phwan yieh kaux heue. 22 Khaing daux kawn praix Simion khankix, doeh ru kix mai kawn nyiex ma kix, khawm nyiex ma keeing kix, carang pa hoik teei kix, awm pa simin kix ka ceu kaux kix khankix, can pa mawh simex, jah ka pa koe ju tixnga num haok plak piang, pa pon hu daux naing khawmuik, 23 khaing daux ru ceu pui Simion khankix, koe phwan mheen dim rheng loe yieh kaux heue. 24 Khaing daux ceu pui Gat khankix, pa mawh doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khawmuik, 25 Can pui ankix pa hoik simin tix khaing daux doeh ru ceu pui Gat, koe pon mheen phwan rheng liah yieh tixphwan kaux heue. 26 Khaing daux kawn praix ceu pui Yudax doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khawmuik, 27 Can pui ankix pa hoik simin khaing daux doeh ru ceu pui Yudax koe aliah mheen pon rheng liah yieh kaux. 28 Khaing daux kawn praix ceu pui Isakha khankix doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 29 Can pui ankix pa hoik simin khaing daux doeh ru ceu pui Issakha koe phwan mheen pon rheng pon yieh kaux heue. 30 Khaing daux kawn praix ceu pui Zebulun doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 31 Can pui ankix pa hoik simin khaing daux doeh ru pui Zebulun, koe phwan mheen aliah rheng pon yieh ( 57400) kaux heue. 32 Khaing kawn simex Yosiep khankix, pa mawh ceu pui Epharem mai doeh ru kix, khawm pao nyiex kix mai nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 33 Can pui ankix pa hoik simin khaing daux doeh ru ceu pui Epharem koe pon mheen mai phwan yieh kaux. 34 Khaing daux ceu pui Manashe doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 35 Can pui ankix pa hoik simin khaing daux doeh ru pui Manashe koe loe mheen ra rheng ra yieh kaux heue. 36 Khaing daux kawn praix ceu pui Binyamin doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 37 Can pui ankix pa hoik simin khaing daux doeh ru ceu pui Binyamin koe loe mheen phwan rheng pon yieh kaux heue. 38 Khaing daux kawn praix ceu pui Dan doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 39 Can pui ankix pa hoik simin khaing daux doeh ru ceu pui Dan, koe liah mheen ra rheng aliah yieh kaux heue. 40 Khaing daux kawn praix ceu pui Asha doeh ru kix mai pao nyiex kix, khawm nyiex ma keeing kix, awm carang ceu kaux pa koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 41 Can pui ankix pa hoik simin khaing daux doeh ru ceu pui Asha koe pon mheen tix rheng phwan yieh kaux heue. 42 Khaing daux kawn praix ceu pui Napthalix doeh ru kix mai pao nyiex kix, khawm nyiex ma keeing kix, awm carang ceu kaux pa hoik koh kix khankix, jah ka pa koe ju tixnga num haok plak piang, pa pon hu daux naing khankix khawmuik, 43 Can pui ankix pa hoik simin khaing daux doeh ru ceu pui Napthalix koe phwan mheen loe rheng pon yieh kaux heue. 44 Inkix mawh pui pa hoik simin Mose mai Arun mai cao kaing ceu pui Isarelax khankix kao ra kaux, son tang nyiex ma keeing nawh, kaux mawx kaux an heue. 45 Mawh kheu nan can pui pa hoik simin tix khaing daux ceu pui Isarelax khankix mai nyiex ma keeing kix, jah ka pa koe ju tixnga num haok plak piang, pa pon hu daux naing khankix khawmuik, ka daux ceu pui Isarelax khankix, 46 Can pui pa hoik simin tix khawmuik koe liah sien mai loe rheng phwan yieh tixphwan kaux heue. 47 Viang mawh nan ang simin ka ceu pui Lewix mai doeh ru keeing kix heue. 48 Grawh grawng nawh Simiang Siyiex hoik ah nin ka Mose, 49 “Maix tak ang pon ti simin doeh ru ceu pui Lewix nong nong mai ang pon ti koh carang pui kix, khaing daux sinax ceu pui Isarelax khankix heue. 50 Viang mawh nan maix tak tawx beeh glawm ka ceu pui Lewix, son kaing jhaw daux nyiex gox bwan man pa koe teug kham mhai ruk sijax mukheu mai ka piang kraung khrai pa shiao ka daux nyiex gox bwan man khawmuik mai can ceu pa mawh cie daux nyiex gox bwan man khawmuik heue. Kix tak mawh pa klawm nyiex gox bwan man mai kraung khrai nawh khankix hu khawmuik, kix tak yuh kaing nyiex gox bwan man mai peung tix ot hawt vung viang praok nyiex gox bwan man heue. 51 Yam gah nyiex gox bwan man hu ka plak sivoe ngai, ceu pui Lewix khankix tak teei nawh lih. Yam jung kix tix sum ka nyiex gox bwan man, ceu pui Lewix khankix, tak jung tix sum nawh heue. Pui tang kaux pa hoek dex an, tak mawh pa pon ti yum heue. 52 Ceu pui Isarelax khankix tak sum nyiex bang cao tix mai nyiex bang cao nawh ku kaux mai glawk cie cao nawh ku kaux, awm man chix pa koe kru naing kix heue. 53 Viang mawh nan ceu pui Lewix tak bang tix ot hawt vung viang nyiex gox bwan man Teug kham mhai ruk, son ang krax song rhawm lih tix koe ka piang cub caw pui hun ceu pui Isarelax khankix mai ceu pui Lewix tak mawh pui pa priex rien ka nyiex gox bwan man Teug kham mhai ruk heue.” 54 Mawh kheu nan ceu pui Isarelax khankix, hawt ti yuh awm gumlox pa hoik tawm Simiang Siyiex ka Mose khankix khawmuik heue.