1 Simiang Siyiex ah nin ka Mose mai Arun, 2 “Pui ku kaux khaing daux ceu pui Isarelax khankix, tak peung ti ot tau mai bang glawk cie cao kix, hawt praok man chix nyiex ma keeing nawh khankix, kix tak bang hawt vung viang see nyiex gox bwan man bang kum pui hun khawm pon daog heue. 3 Ka plak lih singaix, ka dee hoik ciak dah dee son kix, mawh glawk cie cub kru naing ceu pui Yudax tau mai man chix cie nawh mai kix tak bang tan, awm koe kru naing kix. Nashon pa mawh kawn simex Aminadat tak mawh cao kaing naing ceu pui Yudax heue. 4 kru naing nawh pa hoik simin tix, koe aliah mheen pon rheng liah yieh kaux heue. 5 Can pui pa bang ti ot dia hawt khaix nawh, tak mawh doeh ru Issakha mai Natanelax pa mawh kawn simex Zu-ax tak mawh cao kaing naing ceu pui Issakha heue. 6 Kru naing nawh pa hoik simin tix, koe phwan mheen pon rheng pon yieh kaux heue. 7 Khaix an pa bang ti ot tak mawh doeh ru Zebulun mai Eliabax pa mawh kawn simex Helon tak mawh cao kaing naing ceu pui Zebulun heue. 8 Kru naing nawh pa hoik simin tix, koe phwan mheen aliah rheng pon yieh kaux heue. 9 Can pui pa hoik simin tix khawmuik, awm pa koe riang rao kru naing kix tau mai Yudax, koe tix sien daix mheen liah rheng pon yieh kaux heue. Inkix tak mawh cub kru naing pa preeng ti hu sivoe heue. 10 “Ka plak seh tak mawh cub glawk riang rao kru naing pa koe tau mai man chix Rubin, awm pa mawh dee ot son kru naing cie kix khankix mai cao kaing naing ceu pui Rubin, tak mawh Elizurax pa mawh kawn simex Shedurax heue. 11 Kru naing nawh pa hoik simin tix koe pon mheen liah rheng phwan yieh kaux heue. 12 Can pui pa bang ti ot hawt khaix nawh, tak mawh ru ceu pui Simion mai cao kaing naing ceu pui Simion tak mawh Shelumelax pa mawh kawn simex Zurishadie heue. 13 Kru naing nawh pa hoik simin tix khankix, koe phwan mheen dim rheng loe yieh kaux heue. 14 Khaix an pa bang tix ot hawt khaix nawh tak mawh ru Gat mai cao kaing naing ceu pui Gat, tak mawh Elishaphax pa mawh kawn simex Doelax heue. 15 Kru naing nawh pa hoik simin tix khankix, koe pon mheen phwan rheng liah yieh tixphwan kaux heue. 16 Can pui pa hoik simin tix khawmuik, awm pa koe riang rao kru naing kix tau mai Rubin, koe tix sien phwan mheen tix rheng pon yieh tixphwan kaux, kix tak mawh kru naing cub ra pa preeng tix lih hu khaing nyiex bang heue. 17 Khaix an nyiex gox bwan man bang kum pui hun tak gah tix lih hu tau mai nyiex gox bang ceu pui Lewix mai kieh kix ot ka daux sigreung nyiex gox bang kix, awm pan peung kix tix ot, mawh kheu nan kix tak gah tix lih hu kaux mawx kaux an, khaing dee ot kix, awm pa koe glawk ot kix khankix heue. 18 Ka plak glip singaix, tak mawh cub glawk cie riang rao kru naing pa koe tau mai man chix Epharem, awm dee ot son kru naing kix mai cao kaing naing ceu pui Epharem tak mawh Elishama pa mawh kawn simex Amihut heue. 19 kru naing nawh pa hoik simin tix khankix, koe pon mheen mai phwan yieh kaux. 20 Hawt khaix Epharen, tak mawh ru ceu pui Manashe mai cao kaing naing ceu pui Manashe, tak mawh Gamalelax pa mawh kawn simex Pedazurax heue. 21 Kru naing nawh pa hoik simin tix khankix, koe loe mheen ra rheng ra yieh kaux heue. 22 Khaix an pa bang tix ot khaix nawh tak mawh ru ceu pui Binyamin mai cao kaing naing ceu pui Binyamin, tak mawh Abidan pa mawh kawn simex Gidawnix heue. 23 Kru naing nawh pa hoik simin tix khankix, koe loe mheen phwan rheng pon yieh kaux heue. 24 Can pui pa hoik simin tix khawmuik, awm pa koe riang rao kru naing kix tau mai Epharem, koe tix sien mai daix rheng tix yieh kaux, kix tak mawh cub kru naing cub loe pa preeng tix lih hu khaing nyiex bang heue. 25 Ka plak laong, tak mawh cub glawk cie riang rao kru naing pa koe tau mai man chix Dan, awm pa koe kru naing kix mai cao kaing naing ceu pui Dan tak mawh Aheza pa mawh kawn simex Amishadie heue. 26 Kru naing nawh pa hoik simin tix khankix, koe liah mheen ra rheng aliah yieh kaux heue. 27 Can pui pa bang ti ot hawt nawh tak mawh ru ceu pui Asha mai cao kaing naing ceu pui Asha tak mawh Pagelax pa mawh kawn simex Awkharan heue. 28 Kru naing nawh pa hoik simin tix khankix khawmuik, koe pon mheen tix rheng phwan yieh kaux heue. 29 Khaix an cub pa bang tix ot hawt khaix nawh, tak mawh ru ceu pui Napthalix, tak mawh Ahirax pa mawh kawn simex Enan heue. 30 Kru naing nawh pa hoik simin tix khankix khawmuik, koe phwan mheen loe rheng pon yieh kaux heue. 31 Can pui pa hoik simin tix khawmuik, awm pa koe riang rao kru naing kix tau mai Dan, koe tix sien phwan mheen aliah rheng liah yieh kaux, kix tak mawh cub kru naing pa preeng tix lih hu khaing nyiex bang mai ghoik ti ot plak khaix, tau mai glawk cub caw cao kix heue. 32 Inkix mawh carang pui pa hoik simin tix khaing ceu pui Isarelax khankix, khaing doeh nyiex ma keeing kix khawmuik heue. Can pui pa hoik simin tix, awm pa koe riang rao kru naing kix, koe liah sien mai loe rheng phwan yieh tixphwan kaux heue. 33 Viang mawh nan ceu pui Lewix, mawh pa ang simin daux sinax ceu pui Isarelax, awm lox pa hoik tawm Simiang Siyiex ka Mose heue. 34 Mawh kheu nan ceu pui Isarelax khankix, hawt ti yuh awm lox pa hoik tawm Simiang Siyiex ka Mose khawmuik, kix bang tix ot awm pa koe glawk cie kix mai kix preeng tix lih hu khaing nyiex bang tix, cub nyiex ma mawx, cub nyiex ma an, awm pa koe doeh ru nyiex ma keeing kix khankix heue.