12
1 Epharem ih ka bhaung mai hawt ti hu khaix bhaung plak lih singaix, nawh hoik baox ah lox pie lhen mai krax pa laux leeing heue. Kix deeh yuh sijax mukheu tau mai pui Asurix khankix mai hoik teei ti viex rawm bee ing ka meung Ejiptux heue.
2 Siyiex yuh see ka Yudax mai tak sang tawx krax kham geu ka Yakop awm krax pa yuh nawh khankix, Nawh Cao tak sang deeh pawk ti tawx ka nawh awm krax pa yuh nawh khankix heue.
3 Yakop hoik giex loek caong puxke nawh ka daux vaig miex nawhRef 12:3 Jah 25:26 mai yam koe riang rao nawh, nawh hoik silah tix tau mai Siyiex heue.
4 Nawh hoik silah tix tau mai kawncau Siyiex mai pex kah heue. Nawh yiiem mai khyox khaw ka Nawh Cao heue.Ref 12:3-4 Jah 32:24-26Nawh hoik yaox ka Nawh Cao daux veng Betelax,Ref 12:4 Jah 28:10-22 mai Nawh Cao hoik sikah lox tix ka nawh tan,
5 pa mawh Siyiex Cao kru naing raoma, Siyiex mawh ceu kaux Nawh Cao heue,
6 Mawh kheu nan, deeh ing hoek ka Siyiex maix, priex ti hawt ka daux krax pa caux rhawm mai ka daux krax pa rahsee mai krox jun ka Siyiex maix sijheung heue.
7 Epharem mawh pui pa yuh lai geu mai jiang pie kheem koe ka daux taix nawh, nawh moh ti yuh krax gut kheem heue.
8 Epharem ah nin, aux hoik lih ti koe krax magmi heue. Aux hoik pon krax pa magmi ka son tokaux tix ka daux kaing riang rao aux khankix, kix tak ang yaox ka krax lud pa mawh phimap ka daux aux pie tix ceu kawx heue.
9 Mawh kheu Aux mawh Siyiex, pa mawh Siyiex maix, tom yam kawn ot maix ka daux meung Ejiptux, Aux tak sang baox deeh kieh maix ot ka daux nyiex gox khankix, awm ka daux singaix pawie khan kheu pa hoik tat tix khankix heue.Ref 12:9 Krub 23:39-43
10 Aux hoik sikah ka cao jhai mai hoik baox jhi riang susai tom nie, Aux hoik tawx lox tiag khaing cao jhai khankix tom nie heue.
11 Haktiex Gilat ang koe phimap lie? Kix hoik mawh pa giex going khawmuik. Kix appong ti tan mawie khankix ka daux veng Gilagalax, khu dee tan kix tak sang awm pum nyhee ka daux rawng daux tong kaung khankix heue.
12 Yakop hoik to ti luan ka haktiex Surix, Isarelax hoik yuh kaing son krax pa tak sang pon moeng tix mai son pa sang koe moeng tix nawh hoik liang yung khankix heue.Ref 12:12 Jah 29:1-20.
13 Khaing ka cao jhai Siyiex hoik viex ceu pui Isarelax khankix lih khaing daux meung Ejiptux,Ref 12:13 Lih 12:50-51. mai khaing ka cao jhai, nawh hoik yaox ti pon krax kia ngien heue.
14 Epharem hoik so kaoh ka krax song rhawm pa kied ting Nawh Cao, mawh kheu nan, nham phimap pa kieh nawh lih tak deeh hoek piang nawh, Siyiex tak tawx lox salao pa caw nawh ti kham deeh hoek piang nawh heue.