18
Thiampite ii Tel
1 “Israel ngam sungah thiampi nam ahi Levi te in leitang tel khat zongh nga ngawl tu hi; tuasia taangin amate sia Topa tungah a kipia sumpite le a dang biakpiaknate taw nungta tu uh hi.
2 Nam dangte nei bangin amate in leitang nei ngawl tu hi; Topa kamciamsa bangin amate tel sia Topa ii thiampite a hina sia ahi hi. Ref 18:2 Mi 18:20
3 “Khui ahibuale tuu taw biakpiakna a kivawt simin thiampite tungah a liang, a kha le a ngilpi kipia tu hi.
4 Thiampite in a masabel a kila anpal, sapittui, olive thau le tuumul te nga tu hi.
5 Topa in noma nam theampo sung pan Levi nam sia ama atu thiampi a seam tawntung tu in teal hi.
6 “Levi te ahi khat pawpo Israel ngam khua khat po pan biakna mun khat sia ah a pai nuam sia tua munah seam thei tu a,
7 tualai ah na a seam Levi dangte bangma in, Topa a Pathian ii thiampi na seam thei tu hi.
8 Ama in thiampi dangte ii an nga za ma nga tu a, tuaciang a innkuanpuite ii a thaak pawpo keam thei tu hi.
Doai biate ii Doai sepnaziate pan Kidop natu
9 “ Topa na Pathian ii hong piak tu ngamsung na tum uh ciang, tualai ah a om minamte ii a kiihuai ngamtatnate zui heak vun.
10 Biaknataute tung mei sungah na tate biakpiakna in pia heak vun; na mite in aisaanna, dei ai, bum Ref 18:10 Thiam 19:26; Pu 22:18
11 le phuisamnate zanghsak heak vun a, mithisa ii thaate thu donghsak heak vun. Ref 18:11 Thiam 19:31
12 Hi bangin a kiihuai na a zangh mite Topa na Pathian in huatsa a, tua hu in mailam na manaw uh ciang tua ngamsung pan tuabang minamte hawlkeak tu hi.
13 Topa tungah thumaan tatak vun,” ci hi. Ref 18:13 Mt 5:48
Kamsaang khat Paisak natu Kamciam
14 Tua zawkciang Moses in, “Na laak tu ngam ah mite in aisaan theite le ai toaite thu ngai in a nungzui uh hi, ahizong Topa na Pathian in tuabangte na vawt tu uh hong oai ngawl hi.
15 Tuate taangin ama in kei taw a kibang kamsaang khat na mite sung pan no hong puak tu a, ama thu na ni tu uh hi. Ref 18:15 Sawl 3:22;7:37
16 “Sinai Mual ah note na kikhop ni in Topa hong paupuina aw na zaak kik ngawl natu, ahibuale ama ompuina meikuang na mu nawn ngawl natu in ngen nu hi, banghang ziam cile na thi tu uh lau nu hi.
17 Tua ahiciang Topa in kei tungah, ‘Amate ngetna maan hi.
18 Amate mi sung pan nang taw a kibang kamsaang khat amate ka puak tu hi; a ci tu thute ka son tu a, ka thupiak theampo mipite tungah sonsawn tu hi.
19 Ama in ka min suangin thuson tu a, ama thu a nial peuma daan ka pia tu hi. Ref 18:19 Sawl 3:23
20 Ahizong kamsaang khat pawpo in ka thupiak ngawl thu khat ka min suangin a son ngam le ama thi tu a, pathian dangte min suangin a son kamsaang khat pawpo zongh a thi kul tu hi,’ hong ci hi.
21 “Kamsaang pa ii thuson sia Topa tung pan hong pai ahile ahi ngawl na lungman hun uh om tu hi.
22 Kamsaang khat in Topa min taw thuson a, tua thu hong taangtung buale Topa ii kammal hi ngawl hi. Tua kamsaang pa sia ama uk thu in thuson hi a, ama kiitak tu hi ngawl hi.