23
1 စီၤဒၤဝံးနၢ်ဟူဝဲလၢပှၤလဖ့ၡသးဖိတဖၣ်ဒုးဝ့ၢ်ကံလၤဒီး ဟုၣ်န့ၣ်ဘုဧိၤဟုဧိၤလၢတၢ်ကူးဝံၤတ့ၢ်အီၤသီသီတဖၣ်န့ၣ်လီၤ.
2 မၤသးဒ်န့ၣ်ဒီးအဝဲသံကွၢ်တၢ်လၢယွၤ, “မ့ၢ်ယကဘၣ်လဲၤဒုး ပှၤဖလ့ၡသးဖိတဖၣ်န့ၣ်ဧါ.”
ယွၤစံးဆၢအီၤ, “မ့ၢ်လီၤ, လဲၤဒုးအဝဲသ့ၣ်ဒီးမၤပူၤမၤဖျဲးက့ၤဝ့ၢ်ကံလၤ တက့ၢ်.”
3 ဘၣ်ဆၣ်ဒီးစီၤဒၤဝံးအပှၤတဖၣ်စံးဘၣ်အီၤ, “ပအိၣ်လၢကီၢ်ယူ ဒၤအပူၤအံၤတၢ်ပျံၤတၢ်ဖုးလၢဝဲလၢပဂီၢ်လံ. ပမ့ၢ်လဲၤဆူဝ့ၢ်ကံလၤဒီးဒုးပှၤဖလ့ၡသးဖိအသုးမုၢ်န့ၣ်ကအၢ န့ၢ်အလီၢ်တက့ၢ်လီၤ.”
4 မၤသးဒ်န့ၣ်ဒီး, စီၤဒၤဝံးသံကွၢ်ကဒီးတၢ်လၢကစၢ်ယွၤဒီးယွၤ စံးဘၣ်အီၤ, “လဲၤဒီးဒုးဝ့ၢ်ကံလၤတက့ၢ်. အဂ့ၢ်ဒ်အံၤ, ယဟ့ၣ်လီၤသုတၢ်မၤနၢၤလၢပှၤဖလ့ၡသးဖိတဖၣ်အဖီ ခိၣ်လီၤ.”
5 လၢတၢ်န့ၣ်အဃိ, စီၤဒၤဝံးဒီးအပှၤတဖၣ်လဲၤဆူဝ့ၢ်ကံလၤဒီး ဒုးပှၤဖလ့ၡသးဖိတဖၣ်လီၤ. အဝဲသ့ၣ်မၤသံကွံာ်ပှၤဖလ့ ၡသးဖိအါဂၤဒီးဟဲက့ၤစိာ်အဆၣ်ဖိကီၢ်ဖိ လၢအဘုၣ်ဝဲတဖၣ်န့ၣ်လီၤ. ဒီးစီၤဒၤဝံးမၤပူၤဖျဲးဝ့ၢ်န့ၣ်လီၤ.
6 ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.
7 စီၤစီလူးဘၣ်တၢ်တဲဘၣ်အီၤလၢစီၤဒၤဝံးလဲၤလံဝဲဆူဝ့ၢ်ကံ လၤဒီးအဝဲဒၣ်စံး, “ကစၢ်ယွၤပာ်လီၤအီၤလၢယစိကမီၤအဖီလာ်လံ. စီၤဒၤဝံးပာ်လီၤထုလၢအဂီၢ်ဒၣ်ဝဲခီဖျိအတၢ်လဲၤနုာ်လီၤဆူ ဝ့ၢ်တဝ့ၢ်လၢအအိၣ်ဒီးအခိၣ်ဒူဃုာ်ဒီးတြဲၤအဂၢၢ်အကျၢၤတဖၣ်အဃိ န့ၣ်လီၤ.”
8 မၤသးဒ်န့ၣ်ဒီး, စီၤစီလူးကိးအပှၤသုးဖိတဖၣ်ဆူတၢ်ဒုးလၢ အကလဲၤထီၣ်ထီဒါဝ့ၢ်ကံလၤဒီးကဝီၤဃာ် စီၤဒၤဝံးဒီးအပှၤတဖၣ်အဂီၢ်လီၤ.
9 ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”
10 တုၤနုၤတစုစီၤဒၤဝံးစံးဝဲ, “ယွၤ, ကီၢ်အံၣ်စရ့လးအကစၢ်ယွၤဧၢ, ယနၢ်ဟူလၢစီၤစီလူးကူၣ်ထီၣ်ကျဲၤလီၤတၢ်လၢအကဟဲဆူ ဝ့ၢ်ကံလၤဒီးမၤဟးဂီၤအီၤလၢနခ့နပှၤယၤအံၤအဃိလီၤ.
11 မ့ၢ်ဝ့ၢ်ကံလၤအခူဖိဝ့ၢ်ဖိတဖၣ်ကဟ့ၣ်လီၤကွံာ်ယၤဆူစီၤစီ လူးအစုပူၤဧါ. မ့ၢ်စီၤစီလူးကဟဲသပှၢ်တၢၢ်ဒ်ယနၢ်ဟူတ့ၢ်အသိးဧါ. ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကစံးဆၢယၤ လီၤ.”
ယွၤစံးဆၢဝဲဒၣ်, “စီၤစီလူးကဟဲဝဲဒၣ်လီၤ.”
12 စီၤဒၤဝံးသံကွၢ်ကဒီးဝဲ, “ဒီးမ့ၢ်ဝ့ၢ်ကံလၤအခူဖိဝ့ၢ် ဖိတဖၣ်ကဟ့ၣ်လီၤယၤဒီးယပှၤတဖၣ်ဆူစီၤစီလူးအစုပူၤဧါ.” ယွၤစံးဆၢဝဲဒၣ်, “အဝဲသ့ၣ်ကဟ့ၣ်လီၤဝဲလီၤ.”
13 မၤသးဒ်န့ၣ်ဒီး, စီၤဒၤဝံးဒီးအပှၤခဲလၢာ်အဂၤဃုကယၤဃၣ်ဃၣ်န့ၣ် ဟးထီၣ်လၢဝ့ၢ်ကံလၤအပူၤ တဘျီဃီဒီးလဲၤဆူညါကွ့ၢ်ကွ့ၢ်လီၤ. ဖဲစီၤစီလူးနၢ်ဟူလၢစီၤဒၤဝံးဃ့ၢ်ပူၤဖျဲးကွံာ်လၢဝ့ၢ်ကံလၤ ဒီးအဝဲပာ်တီၢ်ကွံာ်အတၢ်ကူၣ်တၢ်ကျဲၤလီၤ.
14 စီၤဒၤဝံးအိၣ်ခူသူၣ်လၢတၢ်လူၢ်တၢ်တြီၤအထံအကီၢ်ပူၤ လၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ. စီၤစီလူးတခီကျဲးစၢးတဘိယူၢ်ဃီဒ်သိးအကထံၣ်န့ၢ်အီၤန့ၣ်လီၤ. ဘၣ်ဆၣ်ဒီးကစၢ်ယွၤတဟ့ၣ်လီၤကွံာ်အီၤဆူအစုပူၤဘၣ်.
15 စီၤဒၤဝံးထံၣ်လၢစီၤစီလူးဟးထီၣ်ဒ်သိးကမၤသံအီၤအဂီၢ် လီၤ.
စီၤဒၤဝံးအိၣ်ဝဲလၢဃိရဲးလၢပှၢ်မုၢ်ကနၢဘူးဒီးဝ့ၢ်စံဖးန့ၣ်လီၤ.
16 စီၤယိၤနၤသၣ်လဲၤဆူအအိၣ်ဖဲန့ၣ်ဒီးဟ့ၣ်ဂံၢ်ဟ့ၣ်ဘါအီၤလၢ ကစၢ်ယွၤအတၢ်ဒီဒၣ်အိၣ်ပှိၤအီၤသပှၢ်တၢၢ်အဂ့ၢ်န့ၣ်လီၤ.
17 ဒီးစံးဘၣ်အီၤ, “ပျံၤတၢ်တဂ့ၤ. ယပၢ်စီၤစီလူးမၤဆါနၤ တန့ၢ်ဘၣ်. အဝဲသ့ၣ်ညါဝဲဂ့ၤဂ့ၤကလဲာ်လၢနမ့ၢ်ပှၤတဂၤလၢကကဲထီၣ်ကီၢ်အံၣ် စရ့လးအစီၤပၤဒီးယကမ့ၢ်ပှၤအလီၢ်ဖုၣ်န့ၣ်နၤတဂၤလီၤ.”
18 ပှၤခံဂၤန့ၣ်မၤတၢ်ဒီတံၤဒီသကိးလိာ်အတၢ်အၢၣ်လီၤအီလီၤအစီအဆှံတမံၤလီၤ. စီၤဒၤဝံးအိၣ်ဝဲဖဲဃိရဲးဒီးစီၤယိၤနၤသၣ်က့ၤဆူအဟံၣ် လီၤ.
19 ပှၤတနီၤအိၣ်လၢဝ့ၢ်စံဖးလဲၤဆူစီၤစီလူးအအိၣ်လၢဝ့ၢ်ကံ ဘဧၤဒီးစံးဝဲ, “စီၤဒၤဝံးအိၣ်ခူသူၣ်လၢပလီၢ်ကဝီၤအပူၤဖဲဃိရဲးလၢ ကစၢၢ်ဃကံလၤအဒီခိၣ်လၢကီၢ်ယူဒၤအပှၤမုၢ်ကနၢန့ၣ်ကလံၤထံး တကပၤလီၤ.
20 နဲဒၣ်စီၤပၤဖးဒိၣ်ဧၢ, ပသ့ၣ်ညါလၢနအဲၣ်ဒိးဖီၣ်န့ၢ်အီၤနးနးကလဲာ်အဂ့ၢ်န့ၣ်လီၤ. လၢတၢ်န့ၣ်အဃိဟဲဆူပကီၢ်ဒီးပကမၤလီၤတံၢ်န့ၣ်နၤလၢနကဖီၣ်န့ၢ်အီၤ အဂီၢ်လီၤ.”
21 စီၤစီလူးစံးဆၢဝဲဒၣ်, “မ်ယွၤဆိၣ်ဂ့ၤသုလၢသုတၢ်သူၣ်အိၣ်သးအိၣ်ယၤအဃိတက့ၢ်.
22 လဲၤဒီးမၤလီၤတံၢ်ကဒီးလၢခံတဘျီတက့ၢ်. ဃုသ့ၣ်ညါလီၤတံၢ်လၢအိၣ်ဝဲဖဲလဲၣ်ဒီးမတၤထံၣ်အီၤဖဲလဲၣ် န့ၣ်တက့ၢ်. ယနၢ်ဟူလၢအဝဲမ့ၢ်ပှၤကူၣ်တၢ်ကဘျံးကဘျၣ်သ့ ဒိၣ်မးန့ၣ်လီၤ.
23 ဃုထံၣ်တၢ်လီၢ်လၢအအိၣ်ခူသူၣ်ဝဲန့ၣ်လီၤတံၢ်လီၤဆဲးဒီးမၤ လီၤတံၢ်လၢသုကဟဲစိာ်က့ၤတၢ်ပာ်ဖျါက့ၤဆူယအိၣ်တဘျီ ဃီန့ၣ်တက့ၢ်. အန့ၣ်တစု, ယကလဲၤဃုာ်ဒီးသုဒီးအဝဲမ့ၢ်အိၣ်ဒံးဖဲန့ၣ် လၢလီၢ်ကဝီၤန့ၣ်ဒီးယကလဲၤဃုန့ၢ်အီၤဒီးယမ့ၢ်ဘၣ်ဃုန့ၢ်အီၤလၢကီၢ်ယူဒၤဒီကီၢ်ညါဒၣ်လဲာ်န့ၣ်ယကဃုထံၣ်န့ၢ်အီၤလီၤ.”
24 မၤသးဒ်န့ၣ်ဒီး, အဝဲသ့ၣ်ဟးထီၣ်ကွံာ်ဒီးက့ၤကဒါက့ၤဆူ ဝ့ၢ်စံဖးလၢစီၤစီလူးအမဲာ်ညါန့ၣ်လီၤ. စီၤဒၤဝံးဒီးအပှၤတဖၣ်အိၣ်လၢပှၢ်မုၢ်ကနၢမၤဧိၣ်လၢတၢ်တြီၤ တခါလၢအိၣ်လီၤဃီဝဲလၢကီၢ်ယူဒၤအပှၢ်မုၢ်ကနၢအကလံၤထံးတကပၤ န့ၣ်လီၤ.
25 စီၤစီလူးဒီးအပှၤတဖၣ်ဂဲၤဂီၤထီၣ်အသးလၢကလဲၤဃုထံၣ်စီၤဒၤ ဝံးန့ၣ်လီၤ. ဘၣ်ဆၣ်ဒီးအဝဲနၢ်ဟူတၢ်ဂ့ၢ်န့ၣ်ဒီး, အဝဲလဲၤဆူတၢ်လူၢ်ခိၣ်ပှဲၤဒီးလၢၢ်ဧိၤလ့ဧိၤလၢပှၢ်မုၢ်ကနၢ မၤဧိၣ်အပူၤန့ၣ်လီၤ. ဖဲစီၤစီလူးနၢ်ဟူတၢ်ဂ့ၢ်အံၤန့ၣ်အဝဲလူၤထွဲ စီၤဒၤဝံးအခံလီၤ.
26 စီၤစီလူးဒီးအပှၤတဖၣ်အိၣ်ဝဲလၢတၢ်လူၢ်ခိၣ်တကပၤအိၣ်လီၤဖး ဒီးစီၤဒၤဝံးဒီးအပှၤတဖၣ်လၢအအိၣ်လၢတၢ်လူၢ်ခိၣ်အဂၤတကပၤ န့ၣ်လီၤ. အဝဲသ့ၣ်မၤချ့ချ့ဒ်သိးကဟးထီၣ်ကွံာ်လၢစီၤစီလူးဒီးအပှၤ တဖၣ်အအိၣ်လီၤ. အဂ့ၢ်ဒ်အံၤ, ပှၤတဖၣ်န့ၣ်ဘူးထီၣ်ဒီးအဝဲသ့ၣ်ဒီးဘူးကဖီၣ်န့ၢ်အဝဲသ့ၣ်န့ၣ်လီၤ.
27 ဖဲအကတီၢ်န့ၣ်အပူၤ, ပှၤစိာ်တၢ်ကစီၣ်တဂၤဟဲတုၤဒီးစံးဘၣ်စီၤ စီလူး, “ဟဲက့ၤတဘျီဃီတက့ၢ်. ပှၤဖလ့ၡသးဖိတဖၣ်ဟဲနုာ်လီၤဒုးပကီၢ်လံ.”
28 လၢတၢ်န့ၣ်အဃိစီၤစီလူးဆိကတီၢ်အတၢ်လူၤဖီၣ်စီၤဒၤဝံး ဒီးက့ၤက့ၤဝဲဒ်သိးအကဒုးပှၤဖလ့ၡသးဖိတဖၣ်အဂီၢ်န့ၣ်လီၤ. မၤသးဒ်န့ၣ်ဒီး, တၢ်လီၢ်န့ၣ်တၢ်ကိးအီၤလၢ “စ့လၤဟးမၤဃလကိး” အခီပညီတၢ်လူၢ်ခိၣ်အိၣ်လီၤဖးန့ၣ်လီၤ.
29 စီၤဒၤဝံးဟးထီၣ်ကွံာ်ဒီးလဲၤဆူတၢ်ပၢၤခိၣ်ဧ့ၣ်က့ဒံၤအကီၢ် ဒီးအိၣ်ဝဲဖဲန့ၣ်လၢတၢ်ခူသူၣ်အပူၤန့ၣ်လီၤ.