15
1 စီၤၡမူၤအ့လးစံးဘၣ်စီၤစီလူး, “ယမ့ၢ်ပှၤတဂၤလၢယွၤဆှၢ လီၤအီၤဒ်သိးကဖှူနၤဒ်စီၤပၤတဂၤလၢအပှၤဂီၢ်မုၢ်ပှၤအံၣ်စရ့ လးဖိအဂီၢ်လီၤ. ခဲအံၤကနၣ်တၢ်လၢသ့တၢ်လၢာ်ယွၤစံးဝဲန့ၣ်တက့ၢ်.
2 အဝဲကစံၣ်ညီၣ်ကီၢ်ဧမၤလ့းအပှၤဂီၢ်မုၢ်လီၤ. အဂ့ၢ်ဒ်အံၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်ထီဒါပှၤအံၣ် စရ့လးဖိတဖၣ်ဖဲအဝဲသ့ၣ်ဟဲက့ၤလၢကီၢ်အဲၤကူပတူးအခါန့ၣ်လီၤ.
3 လဲၤဒီးဒုးပှၤဧမၤလ့းဖိတဖၣ်ဒီးမၤဟးဂီၤကွံာ်ကယဲၢ်အတၢ် ကိးမံၤလၢအအိၣ်ဒီးအဝဲသ့ၣ်တဖၣ်န့ၣ်တက့ၢ်. ပာ်တ့ၢ်တၢ်နီတမံၤတဂ့ၤ. မၤသံကွံာ်ကယဲၢ်ပှၤပိာ်ခွါကိးဂၤဒဲး, ပိာ်မုၣ်တဖၣ်, ဖိသၣ်တဖၣ်ဒီးဖိသၣ်ဆံးတဖၣ်, ဂီၤဘုၣ်ဂီၤဖံးတဖၣ်, သိတဖၣ်, ကီၤလၤအူးတဖၣ်ဒီးကသ့ၣ်ယီၤတဖၣ်တက့ၢ်.”
4 စီၤစီလူးကိးဖှိၣ်အပှၤသုးမုၢ်သံၣ်ဘိဒီးသမံသမိးအဝဲသ့ၣ် ဖဲဝ့ၢ်တလၤအံၣ်အပူၤလီၤ. ပှၤသုးဖိလၢကီၢ်အံၣ်စရ့လးအိၣ်ဝဲအဂၤခံကလီၢ်ဒီးလၢကီၢ်ယူ ဒၤအပူၤအဂၤတကလးလီၤ.
5 အန့ၣ်ဝံၤဒီးအဝဲဒၣ်ဒီးအပှၤတဖၣ်လဲၤဆူကီၢ်ဧမၤလ့းအဝ့ၢ်ဒီး ခိးခူသူၣ်အဝဲသ့ၣ်လၢကစီၤဒုးအီၤဖဲထံကျိအဃ့ထီတကျိ အကၢၢ်နံၤန့ၣ်လီၤ.
6 အဝဲဆှၢလီၤတၢ်ဟ့ၣ်ပလီၢ်ဆူပှၤက့ၣ်ဖိတဖၣ်, ပှၤလၢအမိၢ်ပၢ်ဖံဖုလၢပျၢၤတဖၣ်သူၣ်အိၣ်သးအိၣ်တ့ၢ်ပှၤ အံၣ်စရ့လးဖိတဖၣ်ဖဲအဝဲသ့ၣ်ဟးက့ၤလၢကီၢ်အဲၤကူပတူးအပူၤဒီးစံးဝဲ, “ဟးထီၣ်ကွံာ်ဒီးပာ်တ့ၢ်ပှၤဧမၤလ့းဖိတဖၣ်ဒ်သိးယသုတမၤသံ ဘၣ်သုဃုာ်ဒီးအဝဲသ့ၣ်တဖၣ်န့ၣ်တက့ၢ်.” မၤသးဒ်န့ၣ်ဒီး, ပှၤက့ၣ်ဖိတဖၣ်ဟးထီၣ်ကွံာ်ဝဲဒၣ်န့ၣ်လီၤ.
7 စီၤစီလူးမၤနၢၤကွံာ်ပှၤဧမၤလ့းဖိတဖၣ်ဒီးဒုးတၢ်ကျဲဒီ ဘိညါစးထီၣ်လၢဝ့ၢ်ဃဝံၤလၤတုၤဆူဝ့ၢ်ၡူၢ်လၢကီၢ်အဲၤကူ ပတူးအမုၢ်ထီၣ်တကပၤန့ၣ်လီၤ.
8 အဝဲဖီၣ်န့ၢ်မူဒံးပှၤဧမၤလ့းဖိအစီၤပၤစီၤအၤကးဒီးမၤသံ ကွံာ်ကယဲၢ်ပှၤဂီၢ်မုၢ်ခဲလၢာ်န့ၣ်လီၤ.
9 ဘၣ်ဆၣ်ဒီးစီၤစီလူးဒီးအပှၤတဖၣ်ပျဲပူၤစီၤအၤကးအသးသမူ ဒီးတမၤသံဘၣ်, သိ, ဂီၤဘုၣ်ဂီၤဖံး, ကျီၢ်သးစၢ်ဒီးသိဖိ သးစၢ်အဂ့ၤကတၢၢ်တဖၣ်မ့ၢ်ဂ့ၤ, တၢ်တမံၤလၢ်လၢ်လၢအဂ့ၤတဖၣ်မ့ၢ်ဂ့ၤန့ၣ်ဘၣ်. အဝဲသ့ၣ်မၤဟးဂီၤကွံာ်ဒၣ်ထဲတၢ်လၢတဂိာ်တသီၣ်ဘၣ်ဒီးအလုၢ် အပှ့ၤတအိၣ်ဘၣ်တဖၣ်န့ၣ်လီၤ.
10 ယွၤစံးဘၣ်စီၤၡမူၤအ့လး,
11 “ယသးအုးလၢယဒုးကဲထီၣ်ဘၣ်စီၤစီလူးလၢစီၤပၤတဂၤအဃိ န့ၣ်လီၤ. အဝဲဃၣ်ကွံာ်အသးလၢယအိၣ်ဒီးတစူၢ်ဘၣ်ယတၢ်မၤလိာ်တဖၣ်ဘၣ်.” စီၤၡမူၤအ့လးအသးဒိၣ်ဝဲဒီးသီတနၤကျၢၤန့ၣ်ဃ့ကညးတၢ်လၢ ယွၤန့ၣ်လီၤ.
12 လၢမုၢ်ဆ့ၣ်ထီၣ်တနံၤဂီၤဂီၤန့ၣ်, အဝဲလဲၤထီၣ်ဒ်သိးကထံၣ်လိာ် စီၤစီလူးန့ၣ်လီၤ. အဝဲနၢ်ဟူဝဲလၢစီၤစီလူးလဲၤဆူဝ့ၢ်ကၢ်မ့ၤလး, ဖဲအတ့ထီၣ်ကစၢ်ဒၣ်ဝဲအဂီၤလၢလၢၢ်ထူၣ်အလီၢ်န့ၣ်, ဝံၤဒီးလဲၤဝဲဆူဝ့ၢ်ကံးလကၤလးန့ၣ်လီၤ.
13 စီၤၡမူၤအ့လးလဲၤဆူစီၤစီလူးအအိၣ်ဒီးစီၤစီလူးသဂၢၢ် အီၤဒီးစံးဝဲ, “စီၤၡမူၤအ့လးဧၢ, မ်ယွၤဆိၣ်ဂ့ၤနၤတက့ၢ်. ယစူၢ်တ့ၢ်ယွၤအတၢ်မၤလိာ်လီၤ.”
14 စီၤၡမူၤအ့လးစံးဆၢဝဲ, “မ့မ့ၢ်ဒ်န့ၣ်ဒီးဘၣ်မနုၤအဃိလၢ ယနၢ်ဟူဘၣ်ဂီၤဘုၣ်ဂီၤဖံးဒီးသိတဖၣ်ကိးအကလုၢ်န့ၣ်လဲၣ်.”
15 စီၤစီလူးစံးဆၢဝဲ, “ယပှၤတဖၣ်ဟံးန့ၢ်အီၤလၢပှၤဧမၤလ့း ဖိတဖၣ်အအိၣ်လီၤ. အဝဲသ့ၣ်ပာ်ဃးသိဒီးဂီၤဘုၣ်ဂီၤဖံးအဂ့ၤ ကတၢၢ်တဖၣ်ဒ်သိးကလုၢ်ထီၣ်အီၤဒ်တၢ်လုၢ်တၢ်ပာ်တမံၤဆူယွၤနကစၢ် ယွၤအအိၣ်ဒီးတၢ်အိၣ်လီၤတဲာ်အဂၤတဖၣ်န့ၣ်ပမၤဟးဂီၤတ့ၢ်ကွံာ် ခဲလၢာ်လီၤ.”
16 စီၤၡမူၤအ့လးထုထီၣ်အကလုၢ်ဒီးစံးဝဲ, “ဆိကတီၢ်တက့ၢ်. ဒီးယကတဲနၤတၢ်လၢယွၤစံးတ့ၢ်ယၤဖဲမနၤကၢာ်န့ၣ်လီၤ.” စီၤစီလူးစံးဝဲ, “တဲဘၣ်ယၤတက့ၢ်.”
17 စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.
18 ဒီးအဝဲဆှၢထီၣ်နၤဃုာ်ဒီးတၢ်မၤလိာ်တဖၣ်လၢနကမၤဟးဂီၤကွံာ် ကီၢ်ဧမၤလ့းအပှၤဂီၢ်မုၢ်လၢအအၢအသီတဖၣ်န့ၣ်လီၤ. အဝဲစံးတ့ၢ်နၤလၢနကဒုးတၢ်တုၤနမၤသံကွံာ်အဝဲသ့ၣ်ကိးဂၤဒဲးလီၤ.
19 ဒီးဘၣ်မနုၤလၢနတစူၢ်အီၤန့ၣ်လဲၣ်. ဘၣ်မနုၤလၢနဃ့ၢ်သဖှိ ဃီၤဒ်သိးနကစှီၤတၢ်ဂုာ်န့ၢ်တဖၣ်ဒီးမၤတၢ်န့ၣ်လၢတၢ်မၤသး အုးယွၤအသးန့ၣ်လဲၣ်.”
20 စီၤစီလူးစံးဆၢဝဲ, “ယစူၢ်တ့ၢ်ယွၤလီၤ. ဒ်အဝဲတဲဘၣ်တ့ၢ်ယၤအသိးယလဲၤထီၣ်တ့ၢ်လၢယကဟဲက့ၤကိးစီၤပၤ စီၤအၤကးဒီးမၤသံကွံာ်ကယဲၢ်ပှၤဧမၤလ့းဖိတဖၣ်န့ၣ်လီၤ.
21 ဘၣ်ဆၣ်ဒီးယပှၤတဖၣ်တမၤသံကွံာ်ဘၣ်သိဒီး ဂီၤဘုၣ်ဂီၤဖံးအဂ့ၤကတၢၢ်လၢအဖီၣ်န့ၢ်ဝဲတဖၣ်န့ၣ်ဘၣ်လီၤ. အခိၣ်တလိာ်, အဝဲသ့ၣ်ဟဲက့ၤစိာ်တၢ်တဖၣ်ဖဲအံၤန့ၣ်ဆူဝ့ၢ်ကံး လကၤလးလၢအကလုၢ်ထီၣ်တၢ်ဒ်တၢ်လုၢ်တၢ်ပာ်တမံၤဆူယွၤ, နကစၢ်ယွၤအအိၣ်န့ၣ်လီၤ.”
22 စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.
23 တၢ်ပူထီၣ်ထီဒါအီၤန့ၣ်အၢထဲသိးဒီးတၢ်ဝံတၢ်နါအတၢ်ဖံးတၢ်မၤတဖၣ် ဒီးတၢ်ပာ်ထီၣ်ထီသးန့ၣ်မ့ၢ်တၢ်ဒဲးဘးပှဲၤသိးသိးဒီး တၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်န့ၣ်လီၤ. မ့ၢ်လၢနဂ့ၢ်လိာ်ယွၤအတၢ်မၤလိာ်တဖၣ်အဃိအဝဲညိကွံာ်နၤဒ်စီၤ ပၤတဂၤအသိးန့ၣ်လီၤ.”
24 စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.
25 ဘၣ်ဆၣ်ဒီးခဲအံၤယဃ့ကညးနၤ, ပျၢ်လၢ်ယတၢ်ဒဲးဘးဒီးက့ၤသကိး ဒီးယၤဆူဝ့ၢ်ကံးလကၤလး, ဒ်သိးယဘူၣ်ထီၣ်ဘါထီၣ်ယွၤကသ့အဂီၢ်တက့ၢ်.”
26 စီၤၡမူၤအ့လးစံးဝဲ, “ယတက့ၤဒီးနၤဘၣ်. နသမၢတ့ၢ်ယွၤအတၢ်မၤလိာ်ဒီးအဝဲညိကွံာ်လံၤနၤဒ်ကီၢ်အံၣ်စရ့ လးအစီၤပၤလံ.”
27 တုၤနုၤတစု, စီၤၡမူၤအ့လးဃၣ်အသးဒ်သိးကဟးထီၣ်ဝဲလီၤ. ဘၣ်ဆၣ်ဒီးစီၤစီလူးဟံးဃာ်အီၤလၢအဆ့ကၤဖးဒိၣ်ဒီးဆ့ကၤ န့ၣ်ယာ်ပြဲးဘၣ်အသးလီၤ.
28 စီၤၡမူၤအ့လးစံးဘၣ်အီၤ, “ယွၤဖှီယာ်ကွံာ်ကီၢ်အံၣ်စရ့လး အဘီအမုၢ်ယံၤဒီးနၤလၢတနံၤအံၤဒီးဟ့ၣ်လီၤအီၤဆူပှၤအဂ့ၤ ဒိၣ်န့ၢ်အါန့ၢ်နၤတဂၤအအိၣ်လီၤ.
29 ကီၢ်အံၣ်စရ့လးအကစၢ်ယွၤလၢအကဟုကညီၢ်ဒိၣ်န့ၣ်တလီတၢ်မ့ၢ်ဂ့ၤ, ဆီတလဲအတၢ်ပာ်သူၣ်ပာ်သးမ့ၢ်ဂ့ၤဘၣ်. အဝဲတမ့ၢ်ပှၤကညီတဂၤ, ဒီးအဝဲတဆီတလဲအတၢ်ပာ်သူၣ်ပာ်သးဘၣ်.”
30 “ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”
31 မၤသးဒ်န့ၣ်ဒီး, စီၤၡမူၤအ့လးက့ၤကဒါက့ၤဃုာ်ဒီးအီၤဆူ ဝ့ၢ်ကံးလကၤလးဒီးစီၤစီလူးဘူၣ်ထီၣ်ဘါထီၣ်ယွၤလီၤ.
32 စီၤၡမူၤအ့လးထုထီၣ်အကလုၢ်စံးဝဲ, “ဟဲစိာ်စီၤပၤစီၤအၤ ကးဖဲအံၤဆူယအိၣ်တက့ၢ်.” စီၤအၤကးဟဲဆူအအိၣ်, ကနိးကစုာ်လၢတၢ်ပျံၤတၢ်ဖုးအဃိဒီးဆိကမိၣ်လီၤအသး, “တၢ်ကဘၣ်သံအံၤမ့ၢ်တၢ်ခၣ်တမံၤလၢအဒိၣ်မးလဲၣ်.”
33 စီၤၡမူၤအ့လးစံးဝဲ, “ဒ်နနးမၤဘၣ်တ့ၢ်မိၢ်အါအါဂီၢ်ဂီၢ် ဒ်သိးအဖိသုတအိၣ်တဂ့ၤအသိးန့ၣ်ခဲအံၤနမိၢ်ကကဲထီၣ် ပှၤလၢအဖိတအိၣ်ဘၣ်တဂၤန့ၣ်လီၤ.” ဒီးအဝဲကျီတဲာ်ကွံာ်စီၤအၤကးတကူာ်တကူာ်လၢတၢ်လုၢ်လီၢ်အိၣ်လၢ ဝ့ၢ်ကံးလကၤလးအမဲာ်ညါန့ၣ်လီၤ.
34 အန့ၣ်ဝံၤဒီးစီၤၡမူၤအ့လးလဲၤဆူဝ့ၢ်ရၤမါဒီးစီၤပၤစီၤစီလူး က့ၤဆူအဟံၣ်အိၣ်လၢဝ့ၢ်ကံးဘဧၤန့ၣ်လီၤ.
35 စီၤၡမူၤအ့လးအသးတစိၤန့ၣ်တထံၣ်ဘၣ်ကဒီးစီၤပၤလၢၤဘၣ်. ဘၣ်ဆၣ်ဒီးအဝဲဒၣ်အသူၣ်အုးသးအုးလၢအဃိလီၤ. ယွၤသူၣ်အုးသးအုးလၢအဒုးကဲထီၣ်ဘၣ်စီၤစီလူးလၢကီၢ်အံၣ်စရ့လး အစီၤပၤအဃိန့ၣ်လီၤ.