5
1 တုၤစီၤပၤၡလိၤမိၤမၤဝံၤကယဲၢ်တၢ်မၤဘၣ်ဃးဒီးယွၤအတၢ်လုၢ် ဟံၣ်န့ၣ်, အဝဲဒၢနုာ်လီၤကယဲၢ်တၢ်တဖၣ်ခဲလၢာ်လၢအပၢ်စီၤဒၤဝံးပာ်စီ ဆှံတ့ၢ်အီၤဆူယွၤ, လၢအမ့ၢ်ဝဲ, စ့, ထူဒီးတၢ်ပီးတၢ်လီအဂၤတဖၣ်, ဆူယွၤအတၢ်လုၢ်ဟံၣ်အတၢ်ပာ်ဖှိၣ်အဒၢးတဖၣ်အပူၤန့ၣ်လီၤ.
(၁စီၤပၤ ၈:၁-၉ )
2 အန့ၣ်ဝံၤဒီး, စီၤပၤၡလိၤမိၤကိးဖှိၣ်ကယဲၢ်ပှၤခိၣ်ပှၤနၢ်တဖၣ် လၢအံၣ်စရ့လးအဒူၣ်တဖၣ်ဒီးဒူၣ်ထၢတဖၣ်အပူၤလၢကဟဲပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ်အပူၤ, ဒ်သိးကလဲၤဟံးန့ၢ်ယွၤအတၢ်အၢၣ်လီၤအီလီၤအတလါလၢစံယိၣ်, စီၤဒၤဝံးအဝ့ၢ်, ဒီးဟဲက့ၤစိာ်အီၤဆူယွၤအတၢ်လုၢ်ဟံၣ်ပူၤ အဂီၢ်န့ၣ်လီၤ.
3 အဝဲသ့ၣ်ခဲလၢာ်အိၣ်ဖှိၣ်ရိဖှိၣ်ဝဲဒၣ်ဖဲလါနွံလါတလါတၢ် မၤ, ဘူၣ်ဒဲအကတီၢ်န့ၣ်လီၤ.
4 ဖဲကယဲၢ်ပှၤခိၣ်ပှၤနၢ်ခဲလၢာ်ပာ်ဖှိၣ်ထီၣ်အသးဝံၤန့ၣ်, ပှၤလ့ၤဝံဖိတဖၣ်စိာ်ထီၣ်ယွၤအတၢ်အၢၣ်လီၤအီလီၤအတလါ, ဒီးလဲၤစိာ်ဝဲဆူယွၤအတၢ်လုၢ်ဟံၣ်န့ၣ်လီၤ.
5 ပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်စ့ၢ်ကီး, စိာ်ဃီၤဝဲယွၤအဒဲစီဆှံလၢအိၣ်ဝဲဆိးဝဲဒီးကယဲၢ်တၢ်အပီး အလီခဲလၢာ်ဆူယွၤအတၢ်လုၢ်ဟံၣ်န့ၣ်လီၤ.
6 စီၤပၤၡလိၤမိၤဒီးကယဲၢ်အံၣ်စရ့လးအပှၤဂီၢ်မုၢ်အိၣ်ဖှိၣ်ရိ ဖှိၣ်ဖဲယွၤအတၢ်အၢၣ်လီၤအီလီၤအတလါအမဲာ်ညါဒီးလုၢ်ထီၣ်ပာ်ထီၣ်သိ ဒီးဂီၤဖံးအါအါဂီၢ်ဂီၢ်တုၤဒၣ်လဲာ်တၢ်ဂံၢ်အီၤတသ့ဘၣ်န့ၣ်လီၤ.
7 အန့ၣ်ဝံၤဒီး, ပှၤလုၢ်တၢ်အခိၣ်တဖၣ်စိာ်ထီၣ်ဝဲယွၤအတၢ်အၢၣ်လီၤ အီလီၤအတလါဆူယွၤအတၢ်လုၢ်ဟံၣ်အပူၤဒီးပာ်ဝဲလၢတၢ်လီၢ်စီ ဆှံကတၢၢ်အပူၤဖဲခ့ရူာ်တဖၣ်အခီၣ်ထံးန့ၣ်လီၤ.
8 အဝဲသ့ၣ်အဒံးဆ့လၢအသလၣ်ထီၣ်အသးတဖၣ်, ကျၢၢ်ဘၢယွၤအတလါဒီးအနီၣ်ယိးဘိတဖၣ်လၢတၢ်စိာ်အီၤန့ၣ်လီၤ.
9 နီၣ်ယိးဘိအထိးနါတဖၣ်ဘၣ်တၢ်ထံၣ်အီၤသ့လၢကယဲၢ်ပှၤတဂၤလၢ်လၢ် လၢအဆၢထၢၣ်ဖဲတၢ်လီၢ်စီဆှံကတၢၢ်အမဲာ်ညါလိၤလိၤ, မ့မ့ၢ်ပှၤဆၢထၢၣ်လၢတၢ်လီၢ်အဂၤတဖၣ်ထံၣ်အီၤတသ့ဘၣ်. (နီၣ်ယိးဘိတဖၣ်အိၣ်ဒံးဝဲဖဲန့ၣ်, တုၤမုၢ်မဆါတနံၤအံၤန့ၣ်လီၤ.)
10 လၢတၢ်အၢၣ်လီၤအီလီၤအတလါအပူၤန့ၣ်, တၢ်ဂုၤတၢ်ဂၤတအိၣ်ဘၣ်နီတမံၤဘၣ်. တၢ်လၢအအိၣ်မ့ၢ်ဒၣ်ထဲလၢၢ် ဘ့ၣ်ဘၣ်ခံဘ့ၣ်လၢစီၤမိၤၡ့ဒၢနုာ်တ့ၢ်အီၤဖဲန့ၣ်, လၢကစၢၢ်စံၤနါအလိၤ, ဖဲယွၤမၤတ့ၢ်တၢ်အၢၣ်လီၤအီလီၤတမံၤဒီးအံၣ်စရ့လးအပှၤဂီၢ်မုၢ်, ဖဲအဝဲသ့ၣ်ဟးထီၣ်လၢကီၢ်အဲၤကူပတူးအခါန့ၣ်လီၤ.
11 အန့ၣ်တစု, ပှၤလုၢ်တၢ်အခိၣ်လၢအအိၣ်ဖဲန့ၣ်ခဲလၢာ်ဟးထီၣ်ကွံာ် လၢတၢ်အလီၢ်စီဆှံအပူၤန့ၣ်လီၤ. အဝဲသ့ၣ်ခဲလၢာ်လၢအအိၣ်ဖဲန့ၣ်, မ့ၢ်လီၤဆီလိာ်အသးလၢမူဒါအတီၤဘၣ်ဆၣ်, ပာ်စီဆှံထီၣ်အသးတပူၤဃီခဲလၢာ်လီၤ.
12 ကယဲၢ်ပှၤသးဝံၣ်တၢ်ဖိ, ပှၤလ့ၤဝံဖိလၢအမ့ၢ်, စီၤအၤစာ်, စီၤဟ့ၤမၣ်ဒီးစီၤယဒူသူၣ်, ဒီးပှၤလၢအဝဲသ့ၣ်အဒူၣ်ထၢပူၤတ ဖၣ်, ကူသိးဝဲဒီးဖှီဝါကဆှၣ်လီၤ. ပှၤလ့ၤဝံဖိတဖၣ်အံၤဆၢထၢၣ်ဝဲဘူးဒီးတၢ်လုၢ်လီၢ်အမုၢ်ထီၣ် တကပၤ, အိၣ်ဒီးစှၢၣ်စှံးတဖၣ်ဒီးသီတူၢ်တဖၣ်, ဒီးဃုာ်ဒီးအဝဲသ့ၣ် န့ၣ်ပှၤလုၢ်တၢ်အခိၣ်လၢအအူကွဲၤတဖၣ်အိၣ်ဝဲတကယၤခံဆံဂၤန့ၣ် လီၤ.
13 ပှၤသးဝံၣ်တၢ်ဖိတဖၣ်သးဝံၣ်တၢ်အိၣ်ဒီးတၢ်ဃူဃီၣ်လီၤပလိာ်အလၢ အပှဲၤလၢအမုာ်မးဘၣ်လိာ်ဖိးဒ့လိာ်အသးဒီးကွဲၤတဖၣ်, စှၢၣ်စှံးတဖၣ်ဒီးတၢ်ဒ့တၢ်အူအပိးအလီအဂၤတဖၣ်အသီၣ်, ဖဲအဝဲသ့ၣ်သးဝံၣ်စံးထီၣ်ပတြၢၤယွၤဒီးစံး, “စံးထီၣ်ပတြၢၤယွၤတက့ၢ်. အဂ့ၢ်ဒ်အံၤ, အဝဲဒၣ်န့ၣ်ဂ့ၤဝဲလီၤ. ဒီးအဝဲအတၢ်အဲၣ်န့ၣ်မ့ၢ်တၢ်အဲၣ်အထူ အယိာ်လီၤ.” သတူၢ်ကလာ်တၢ်လုၢ်ဟံၣ်န့ၣ်ဘၣ်တၢ်မၤပှဲၤအီၤဒီးတၢ် အၢၣ်လၢအကပီၤဝဲဒီးယွၤအတၢ်အိၣ်ဝဲအတၢ်ကပြုၢ်ကပြီၤန့ၣ်လီၤ.
14 သတးဒီးပှၤလုၢ်တၢ်အခိၣ်တဖၣ်, မၤတၢ်ဘူၣ်ထီၣ်ဘါထီၣ်ယွၤအတၢ် ရဲၣ်တၢ်ကျဲၤတသ့လၢၤဘၣ်လၢတၢ်အၢၣ်အဃိန့ၣ်လီၤ.