17
1 စီၤယဟိၡၤဖးကဲထီၣ်စီၤပၤလၢအပၢ်စီၤအၤစါအလီၢ်ဒီးမၤဂၢၢ် ထီၣ်ကျၢၤထီၣ်အလီၢ်အလၤထီဒါကီၢ်အံၣ်စရ့လးန့ၣ်လီၤ.
2 အဝဲပာ်လီၤအပှၤသုးဖိတဖၣ်လၢကီၢ်ယူဒၤအဝ့ၢ်လၢအအိၣ်ဒီးတိာ် ဧိၤတာ်ဧိၤတဖၣ်အပူၤ, လၢကီၢ်ယူဒၤအဒီခိၣ်အလီၢ်အကျဲတဖၣ်, ဒီးလၢဝ့ၢ်တဖၣ်လၢစီၤအၤစါမၤန့ၢ်တ့ၢ်ဝဲလၢကီၢ်အ့ဖရဲၣ် အလီၢ်ကဝီၤတဖၣ်အပူၤန့ၣ်လီၤ.
3 ယွၤဆိၣ်ဂ့ၤတ့ၢ်စီၤယဟိၡၤဖးမ့ၢ်လၢအပိာ်ထွဲအပၢ်အတၢ်အိၣ်မူ အိၣ်ဂဲၤအခီၣ်ထံးတပတီၢ်အဒိအတဲာ်ဒီးတဘူၣ်ထီၣ်ဘါထီၣ်ဘၣ်ဘဧၤ လးအဃိန့ၣ်လီၤ.
4 အဝဲမၤတ့ၢ်အပၢ်အကစၢ်ယွၤအတၢ်မၤ, စူၢ်ကစၢ်ယွၤအတၢ်မၤလိာ်တဖၣ် ဒီးတမၤဘၣ်ဝဲဒ်ကီၢ်အံၣ်စရ့လးအစီၤပၤတဖၣ်မၤတ့ၢ်ဝဲအသိးန့ၣ်ဘၣ်.
5 ယွၤဟ့ၣ်လီၤစီၤယဟိၡၤဖးလၢတၢ်ပၢဘၣ်ကီၢ်ယူဒၤအဘီအမုၢ်ဂၢၢ် ဂၢၢ်ကျၢၤကျၢၤ, ဒီးကယဲၢ်ပှၤဂီၢ်မုၢ်ခဲလၢာ်ဟဲစိာ်န့ၢ်အီၤတၢ်ဟ့ၣ်တဖၣ်တုၤဒၣ် လဲာ်အဝဲထူးထီၣ်တီၤထီၣ်ဝဲဒီးဘၣ်တၢ်ပာ်လၤပာ်ကပီၤအီၤဒိၣ် ဒိၣ်အါအါန့ၣ်လီၤ.
6 အဝဲပာ်ကဖၢလၢအသးလၢအတၢ်မၤယွၤအတၢ်မၤအပူၤ, ဒီးမၤဟးဂီၤကွံာ်ကယဲၢ်ပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် ယွၤအလီၢ်တဖၣ်ဒီးကစၢ်မုၣ်အၡ့ရၤအတၢ်ပနီၣ်တဖၣ်လၢကီၢ်ယူဒၤ အပူၤန့ၣ်လီၤ.
7 လၢအဝဲပၢတၢ်သၢနံၣ်တနံၣ်အပူၤန့ၣ်, အဝဲဆှၢလီၤပဒိၣ်ပပှၢ်လၢ လာ်တဖၣ်အံၤဒ်သိးကသိၣ်လိတၢ်လၢကီၢ်ယူဒၤအဝ့ၢ်တဖၣ်အပူၤန့ၣ် လီၤ. အဝဲသ့ၣ်တဖၣ်မ့ၢ်ဝဲ, စီၤဘ့ၣ်ဃၤယံလး, စီၤဧိၤဘါဒယၤ, စီၤစကၤရယၤ, စီၤနၤသန့လး, ဒီးစီၤမံၤကါယၤန့ၣ်လီၤ.
8 ပှၤလ့ၤဝံခွံဂၤ, ဒီးပှၤလုၢ်တၢ်အခိၣ်ခံဂၤလဲၤပိာ်အဝဲသ့ၣ် အခံန့ၣ်လီၤ. ပှၤလ့ၤဝံဖိတဖၣ်မ့ၢ်ဝဲစီၤၡမါယၤ, စီၤနသၤနံယၤ, စီၤစဘၤဒယၤ, စီၤဧစၤအ့လး, စီၤၡမံရမိး, စီၤယိနၤသၣ်, စီၤအဒိနံၤယၤ, စီၤတိၤဘံယၤ, ဒီးစီၤတိအဒိၤနံယၤန့ၣ်လီၤ. ဒီးပှၤလုၢ်တၢ်အခိၣ်တဖၣ်မ့ၢ်ဝဲ, စီၤအလံၡမၤဒီးစီၤယဟိရၣ် န့ၣ်လီၤ.
9 အဝဲသ့ၣ်စိာ်ထီၣ်ယူဒၤအတၢ်သိၣ်တၢ်သီလၢယွၤဟ့ၣ်လီၤအီၤအ လံာ်, လဲၤခီဖျိကယဲၢ်ကီၢ်ယူဒၤအဝ့ၢ်ခဲလၢာ်ဒီးသိၣ်လိအီၤဆူပှၤ ဂီၢ်မုၢ်န့ၣ်လီၤ.
10 တၢ်ပျံၤတၢ်ဖုးလၢအဟဲလၢယွၤ, လီၤဘၣ်ကယဲၢ်ဘီမုၢ်အိၣ်ခိၣ်အိၣ် ဃၢၤတဖၣ်အလိၤလၢကလဲၤဒုးတၢ်ထီဒါစီၤယဟိၡၤဖးန့ၣ်လီၤ.
11 ပှၤဖလ့ၡသးဖိတနီၤ, ဟဲစိာ်န့ၢ်စီၤယဟိၡၤဖးလၢစ့အါအါ ဂီၢ်ဂီၢ်ဒီးတၢ်ဟ့ၣ်အဂၤတဖၣ်, ဒီးပှၤဧ့းရ့းဖိတနီၤဟဲစိာ်န့ၢ်အီၤသိအဒုနွံကထိ နွံကယၤဒီးမဲာ်တဲးလဲးအဒုနွံကထိနွံကယၤန့ၣ်လီၤ.
12 လၢတၢ်န့ၣ်အဃိစီၤယဟိၡၤဖးဒိၣ်ထီၣ်ထီထီၣ်ဝဲပှီၢ်ပှီၢ်ဒီး အစိကမီၤဒံးယံာ်ဒံးအါထီၣ်န့ၣ်လီၤ. လၢကီၢ်ယူဒၤဒီကီၢ်ညါအပူၤန့ၣ်, အဝဲဘှီထီၣ်တိာ်ဧိၤတာ်ဧိၤ တဖၣ်ဒီးဝ့ၢ်တဖၣ်,
13 ဖဲတၢ်လၢအလိၣ်ဝဲတဖၣ်ဘၣ်တၢ်ပာ်ဖှိၣ်အီၤအါအါဂီၢ်ဂီၢ်န့ၣ် လီၤ. လၢဝ့ၢ်ယရူၤၡလ့ၣ်အပူၤန့ၣ်, အဝဲပာ်လီၤသုးခိၣ်သုးနၢ်ဖျိးစိ တဖၣ်
14 ဒ်အဒူၣ်ထၢဒၣ်ဝဲအသိးန့ၣ်လီၤ. စီၤဧၤဒနၤမ့ၢ်သုးခိၣ်ကျၢၢ် လၢသုးဖိတဖၣ်အဖီခိၣ်, လၢယူဒၤအဒူၣ်ထၢတဖၣ်အပူၤ, ဒီးအဝဲအိၣ်ဒီးပှၤသုးဖိအဂၤ သၢကလီၢ် လၢအဖီလာ်န့ၣ်လီၤ.
15 သုးခိၣ်ဖးဒိၣ်ခံဂၤတဂၤန့ၣ်မ့ၢ်ဝဲစီၤယိဃၤနၣ်ဒီးအဝဲအိၣ် ဒီးအပှၤသုးဖိအဂၤ ခံကလီၢ်ဃိးကလး,
16 ဒီးသုးခိၣ်ဖးဒိၣ်သၢဂၤတဂၤမ့ၢ်စီၤစံးကရံးအဖိခွါစီၤ ဧမၤစယၤလၢအအိၣ်ဒီးပှၤသုးဖိအဂၤခံကလီၢ် န့ၣ်လီၤ. (စီၤဧမၤစယၤမၤတ့ၢ်ဝဲယွၤအတၢ်မၤလၢတၢ်သးအိၣ်အပူၤန့ၣ် လီၤ.)
17 သုးခိၣ်ကျၢၢ်လၢသုးဖိတဖၣ်လၢဘံၣ်ယၤမံၣ်အဒူၣ်ထၢတဖၣ်အဂီၢ် န့ၣ်မ့ၢ်ဝဲစီၤအလံဒၤ, ပှၤသုးဖိလၢအဖျိးစိတဂၤ, လၢအပၢဆှၢဘၣ်ပှၤအဂၤ ခံကလီၢ်, လၢအကံာ်တူာ်ထီၣ်အသးဒီးကတီၤတဖၣ်ဒီးချံၣ်တဖၣ်န့ၣ် လီၤ.
18 အဝဲအသုးခိၣ်ခံဂၤတဂၤမ့ၢ်ဝဲ, စီၤယဟိစဘးလၢအအိၣ်ဒီးပှၤအ ဂၤတကလီၢ်ဃိးကလး, အိၣ်ကတဲာ်ကတီၤအသးဒီးစုကဝဲၤလၢလၢပှဲၤပှဲၤ လၢတၢ်ဒုးအဂီၢ်န့ၣ်လီၤ.
19 ပှၤတဖၣ်အံၤမၤတ့ၢ်စီၤပၤအတၢ်မၤလၢဝ့ၢ်ယရူၤၡလ့ၣ်အပူၤ, ဒီးအါန့ၢ်အန့ၣ်အဝဲပာ်လီၤပှၤသုးဖိအဂၤတဖၣ်လၢဝ့ၢ်အိၣ်ဒီး တိာ်ဧိၤတာ်ဧိၤအဂၤတဖၣ်အပူၤလၢကီၢ်ယူဒၤန့ၣ်လီၤ.