27
1 အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤအံၣ်စရ့လးဖိ, အဟံၣ်ဖိဃီဖိအခိၣ်တဖၣ်ဒီးဒူၣ်ထၢအခိၣ်အနၢ်တဖၣ်ဒီး အဝဲသ့ၣ်အပဒိၣ်ပပှၢ်တဖၣ်လၢအပၢဆှၢတ့ၢ်ဘီမုၢ်အတၢ်ဖံးတၢ်မၤန့ၣ်လီၤ. တလါစုာ်စုာ်လၢတနံၣ်အတီၢ်ပူၤန့ၣ်, ပှၤခံကလးလွံၢ်ကထိဂၤ တကရူၢ်စုာ်စုာ်လၢအလီၤဆီလိာ်အသးန့ၣ်, ဘၣ်ဟံးန့ၢ်မူဒါလၢအဝဲန့ၣ်အသုးခိၣ်ဖးဒိၣ်အတၢ်ပၢဆှၢအဖီ လာ်န့ၣ်လီၤ.
2 သုးခိၣ်ဖးဒိၣ်တဖၣ်လၢတလါဘၣ်တလါအတၢ်ရဲၣ်တၢ်ကျဲၤမ့ၢ်ဒ်လာ် အံၤအသိးလီၤ. တၢတလါ, စီၤစးဘဒံၤအ့လးအဖိခွါစီၤယၤၡၤဘၣ်.
3 (အဝဲမ့ၢ်ပှၤတဂၤလၢစီၤဖ့းရ့းအဒူၣ်ထၢပူၤ, ဘၣ်ထွဲဒီးယူဒၤအဒူၣ်န့ၣ်လီၤ.
4 ခံလါတလါပှၤအဃိဃးဖိစီၤဒိဒဲၤ (စီၤမံးကလိးမ့ၢ်သုးခိၣ် ဖးဒိၣ်ခံဂၤတဂၤန့ၣ်လီၤ).
5 သၢလါတလါပှၤလုၢ်တၢ်အခိၣ်စီၤယဟိယဒါအဖိခွါစီၤဘနါယၤ.
6 အဝဲမ့ၢ် ပှၤသၢဆံ အခိၣ်တဂၤန့ၣ်လီၤ. (အဖိခွါစီၤဧၤမံစဘးထီၣ် က့ၤအလီၢ်ဒ်ကရူၢ်အသုးခိၣ်ဖးဒိၣ်န့ၣ်လီၤ).
7 လွံၢ်လါတလါ. စီၤယိၤအာ်အဒီပုၢ်ဝဲၢ်ခွါစီၤဧစၤအ့လး. (အဖိခွါစီၤစဘၤဒယၤထီၣ်က့ၤအလီၢ်န့ၣ်လီၤ).
8-9 ယဲၢ်လါတလါ. ပှၤယံးစရၤဖိစီၤၡၤမူဃူး. ဃုလါတလါ. စီၤဧံက့ၣ်အဖိခွါစီၤဧံရၤလၢဝ့ၢ်တကိၤ.
10 နွံလါတလါ. ပှၤအ့ဖရဲၣ်ဖိလၢဝ့ၢ်ပလိၣ်စီၤဃ့လး.
11 ဃိးလါတလါ. စီၤစံးဘကဲလၢဝ့ၢ်ဃူၡသး. (အဝဲမ့ၢ်ပှၤတဂၤလၢစီၤ စၤရဃးအဒူၣ်ထၢပူၤ, ဘၣ်ဃးဒီးယူဒၤအဒူၣ်န့ၣ်လီၤ.)
12 ခွံလါတလါ. စီၤအဘံၤဧ့စ့ၢ်, ပှၤဧၤနသိးဖိလၢဘံၣ်ယၤမံၣ် အဒူၣ်အလီၢ်ကဝီၤပူၤ.
13 တဆံလါတလါ. စီၤမၤဟရဲၤလၢဝ့ၢ်နတိဖၤသး. (အဝဲမ့ၢ်ပှၤတဂၤလၢစီၤစၤရဃးအဒူၣ်ထၢပူၤန့ၣ်လီၤ).
14 တဆံတၢလါတလါ. ပှၤပံးရသိၣ်ဖိစီၤဘနါယၤအိၣ်လၢအ့ဖရဲၣ် အဒူၣ်အလီၢ်ကဝီၤပူၤ.
15 တဆံခံလါတလါ. ပှၤနတိဖၤသးဖိစီၤဃ့လဒဲၤ. (အဝဲမ့ၢ်ပှၤဟဲလီၤစၢၤလီၤသွဲၣ်လၢစီၤဧီၤသန့လးန့ၣ်လီၤ.)
16 ပှၤပၢဆှၢတၢ်တဖၣ်လၢအံၣ်စရ့လးအဒူၣ်တဖၣ်အဖီခိၣ်မ့ၢ်ဒ်လၢလာ် အသိးအံၤလီၤ. စီၤစံးကရံအဖိခွါစီၤအလၤဧစၢ်, လၢပှၤရူၤဘ့ၣ်ဖိအဒူၣ်အဖီခိၣ်, စီၤမၤကၤအဖိခွါစီၤၡဖးတယၤ, လၢပှၤစူၤမ့းအိၣ်ဖိအဒူၣ်အဖီခိၣ်,
17 စီၤကမူၤအ့လးအဖိခွါစီၤဃၡၤဘယၤ, လၢပှၤလ့ၤဝံဖိ အဒူၣ်အဖီခိၣ်, စီၤစၤဒိး, လၢပှၤအၤဟရိၣ်ဖိအဒူၣ်ထၢအဖီခိၣ်,
18 စီၤဒၤဝံးအဒီပုၢ်ဝဲၢ်အကျါတဂၤစီၤအလံဟူၤ, လၢပှၤယူဒၤဖိ အဒူၣ်အဖီခိၣ်, စီၤမံၤက့လးအဖိခွါစီၤဧိၣ်ရံ, လၢယံးစၣ်ကၢ်ဖိ အဒူၣ်အဖီခိၣ်
19 စီၤဧိၤဘါဒယၤအဖိခွါစီၤယံးၡမၤယၤ, လၢပှၤစဘူလိၣ်ဖိအဒူၣ် အဖီခိၣ်, စီၤဧၤစရံလးအဖိခွါစီၤယရံမိး, လၢပှၤနးသၤလံဖိ အဒူၣ်အဖီခိၣ်,
20 စီၤဧၤစါစယၤအဖိခွါစီၤဟိၤၡ့, လၢပှၤအ့ဖရဲၣ်ဖိအဒူၣ်အဖီ ခိၣ်, စီၤပဒါယၤအဖိခွါစီၤယိၤအ့လး, လၢမုၢ်နုာ်ပှၤမနၤၡ့ၣ်အဒူၣ် အဖီခိၣ်,
21 စီၤစကၤရယၤအဖိခွါစီၤဧံးဒိၤ, လၢမုၢ်ထီၣ်မနၤၡ့ၣ်ဖိအဒူၣ်အဖီခိၣ်, လၢကီၢ်ကံးလဧးအပူၤ, စီၤအဘံန့ၢ်အဖိခွါစီၤယၤစံအ့လး, လၢပှၤဘံၣ်ယၤမံၣ်ဖိအဒူၣ်အဖီခိၣ်,
22 စီၤယရိဃၣ်အဖိခွါစီၤဧစၤရ့လး, လၢပှၤဒၣ်ဖိအဒူၣ်အဖီခိၣ် န့ၣ်လီၤ. အဝဲသ့ၣ်တဖၣ်အံၤမ့ၢ်ပှၤခိၣ်ပှၤနၢ်တဖၣ်လၢအံၣ်စရ့လးအဒူၣ်တဖၣ် အခိၣ်န့ၣ်လီၤ.
23 စီၤပၤစီၤဒၤဝံးတမၤဘၣ်တၢ်ဂံၢ်ဒီးဆဲးလီၤပှၤဂီၢ်မုၢ်အမံၤ တခါလၢပှၤလၢအသးအိၣ်အနံၣ်ခံဆံအဖီလာ်တဖၣ်အဂီၢ်ဘၣ်. အဂ့ၢ်ဒ်အံၤ, ယွၤအိၣ်ဒီးအတၢ်အၢၣ်လီၤလၢကမၤအါထီၣ်အံၣ်စရ့လး အပှၤဂီၢ်မုၢ်အါအါဂီၢ်ဂီၢ်ဒ်ဆၣ်တဖၣ်လၢမူကပိာ်လိၤအသိးန့ၣ်လီၤ.
24 နီၢ်စရူၤယၤအဖိခွါစီၤယိၤအာ်စးထီၣ်မၤတၢ်ဂံၢ်ဒီးဆဲးလီၤ မံၤတခါ, ဘၣ်ဆၣ်တမၤဘၣ်ဝဲတုၤအဝံၤဘၣ်. ကစၢ်ယွၤစံၣ်ညီၣ်အံၣ်စရ့လးလၢတၢ် ဂံၢ်ဒီးဆဲးလီၤမံၤအံၤအဃိ, သတးဒီးလၢစီၤပၤစီၤဒၤဝံးအလံာ်ကွဲးနီၣ်တၢ်တဖၣ်အပူၤန့ၣ်, နီၣ်ဂံၢ်လၢခံကတၢၢ်တဖၣ်တဘၣ်တၢ်ကွဲးနီၣ်ဘၣ်အီၤနီတစုဘၣ်.
25 အအံၤမ့ၢ်တၢ်ကွဲးနီၣ်ဘၣ်ထွဲဒီးပှၤတဖၣ်လၢအပၢဆှၢစီၤပၤအတၢ် စုလီၢ်ခီၣ်ခိၣ်န့ၣ်လီၤ. စီၤဧဒံၤအ့လးအဖိခွါစီၤဧၤစမၤဝ့း, မ့ၢ်ပှၤအခိၣ်အဒိၣ်ကတၢၢ်လၢစီၤပၤအတၢ်ပာ်ဖှိၣ်အဟံၣ်တဖၣ်အဖီခိၣ် န့ၣ်လီၤ. စီၤဧူးစံယၤအဖိခွါစီၤယိနၤသၣ်မ့ၢ်ပှၤအခိၣ်အဒိၣ်ကတၢၢ်လၢ ထံကီၢ်အတၢ်ပာ်ဖှိၣ်အဟံၣ်တဖၣ်လၢအအိၣ်ဝဲလၢ, ကီၢ်ဆၣ်တဖၣ်, ဝ့ၢ်တဖၣ်, ဒူသဝီတဖၣ်ဒီးတိာ်တဖၣ်အဖီခိၣ်အဂီၢ်န့ၣ်လီၤ.
26 စီၤကလူာ်အဖိခွါစီၤဧ့စရံၤမ့ၢ်ပှၤအခိၣ်အဒိၣ်ကတၢၢ်လၢပှၤထူ စံာ်ဖိလၢအထူစံာ်ဧိၤပှဲၤဧိၤတဖၣ်အဖီခိၣ်န့ၣ်လီၤ.
27 စီၤၡံမံၤလၢဝ့ၢ်ရၤမါမ့ၢ်ပှၤအခိၣ်အဒိၣ်ကတၢၢ်, လၢစပံးလီၢ်တဖၣ်အဖီခိၣ်လီၤ. စီၤစးဘဒံၤလၢဝ့ၢ်ၡံးဖမးမ့ၢ် ပှၤအခိၣ်အဒိၣ်ကတၢၢ်လၢတၢ်ပၢၤစပံးသၣ်လၢတၢ်ကထုးထီၣ်စပံးထံ အလီၢ်အဖီခိၣ်န့ၣ်လီၤ.
28 စီၤဘဧၤလးဃနၣ်လၢဝ့ၢ်က့ဒ့ၢ်မ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲသ့ၣ်စၤယံးတဖၣ်, သ့ၣ်သိးဝံာ်ဒၢတဖၣ် (လၢအအိၣ်ဝဲ လၢကစၢၢ်မုၢ်နုာ်အခီၣ်ထံးန့ၣ်လီၤ.) စီၤယိၤအာ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲတၢ်ထုးထီၣ်သ့ၣ် စၤယံးအသိန့ၣ်လီၤ.
29 စီၤၡံးတြဲၤလၢဝ့ၢ်ၡၤရိၣ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲ ဂီၤဘုၣ်ဂီၤဖံးတဖၣ်လၢၡၤရိၣ်အအီၣ်ဆၣ်လီၢ်လါဟ့ပူၤန့ၣ်လီၤ. စီၤဧၤလဒဲအဖိခွါစီၤၡၤဖးမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲဂီၤဘုၣ်ဂီၤဖံးတဖၣ်လၢကစၢၢ်ကဆူးပူၤန့ၣ်လီၤ.
30 စီၤအိၤဘံလၢအမ့ၢ်ပှၤယံးၡမၤဧ့လးဖိတဂၤ, မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲကီၤလၤအူးတဖၣ်န့ၣ်လီၤ. စီၤယ့ဒယၤလၢဝ့ၢ်မၤရိနိၤမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲကသ့ၣ်ယီၤတဖၣ်န့ၣ်လီၤ.
31 စီၤယၤစံးလၢအမ့ၢ်ပှၤဃၤကၢ်ဖိတဂၤမ့ၢ်ပှၤအခိၣ်အဒိၣ်ကတၢၢ်လၢ အကွၢ်ထွဲသိတဖၣ်ဒီးမဲာ်တဲးလဲးတဖၣ်န့ၣ်လီၤ. အဝဲသ့ၣ်ခဲလၢာ်မ့ၢ်ပှၤအခိၣ်အဒိၣ်ကတၢၢ်တဖၣ်လၢစီၤပၤဒၤဝံး အတၢ်စုလီၢ်ခီၣ်ခိၣ်အဂီၢ်န့ၣ်လီၤ.
32 စီၤပၤစီၤဒၤဝံးအဖါတံၢ်စီၤယိၤနၤသၣ်မ့ၢ်တ့ၢ်ပှၤဟ့ၣ်ကူၣ် ဟ့ၣ်ဖးတၢ်သ့ဂ့ၤဒိၣ်မးတဂၤဒီးပှၤသ့လံာ်သ့လဲၢ်ဂ့ၤဂ့ၤ ကလဲာ်တဂၤန့ၣ်လီၤ. အဝဲဒီးစီၤဃၤကမိၣ်အဖိခွါစီၤယဃံအ့လးမ့ၢ်ပှၤအခိၣ်အဒိၣ် ကတၢၢ်လၢအကွၢ်ထွဲစီၤပၤအဖိခွါတဖၣ်အတၢ်မၤလိမၤဒိးန့ၣ်လီၤ.
33 စီၤအဃံအ့လးမ့ၢ်ပှၤဟ့ၣ်ကူၣ်ဟ့ၣ်ဖးစီၤပၤ, ဒီးပှၤအၢ်ကးဖိ စီၤဃူၡဲမ့ၢ်စီၤပၤအတံၤသကိးအပှၤကူၣ်လိာ်တၢ်န့ၣ်လီၤ.
34 ဖဲစီၤအဃံသဖ့ၤလးသံဝံၤအလီၢ်ခံန့ၣ်စီၤအ့ဘယၤသၢ်ဒီးစီၤ ဘနါယၤအဖိခွါစီၤယဟိယဒါကဲထီၣ်ပှၤဟ့ၣ်ကူၣ်ဟ့ၣ်ဖးတၢ်တဖၣ် န့ၣ်လီၤ. စီၤယိၤအာ်မ့ၢ်စီၤပၤအပှၤသုးမုၢ်, သုးခိၣ်ကျၢၢ်န့ၣ်လီၤ.