25
1 စီၤပၤဒၤဝံးဒီးပှၤလ့ၤဝံဖိအခိၣ်အနၢ်တဖၣ်ဃုထၢထီၣ်ဝဲပှၤ လ့ၤဝံဖိစီၤအၤစာ်,စီၤဟ့မၣ်ဒီးစီၤယဒူသူၣ်အဒူၣ်ထၢတဖၣ် အပှၤခိၣ်ပှၤနၢ်တဖၣ်ဒ်သိးကဆှၢတၢ်ဘူၣ်ထီၣ်ဘါထီၣ်အတၢ်မၤတဖၣ် န့ၣ်လီၤ. အဝဲသ့ၣ်ကဘၣ်ဒုးဟူထီသါလီၤကစၢ်ယွၤအတၢ်ကစီၣ်တဖၣ် အိၣ်ဒီးစှၢၣ်စှံးဒီးသီတူၢ်အတၢ်သူၣ်ဝံၣ်သးဆၢတဖၣ်န့ၣ်လီၤ. အအံၤမ့ၢ်ပှၤဘၣ်တၢ်ဃုထၢဒ်အတၢ်မၤဒၣ်ဝဲအကလုာ်တဖၣ် အတၢ်ကွဲးနီၣ်ကွဲးဃါလၢကဆှၢတၢ်ဘူၣ်ထီၣ်ဘါထီၣ်ယွၤန့ၣ်လီၤ.
2 စီၤအၤစာ်အဖိခွါလွံၢ်ဂၤမ့ၢ်ဝဲစီၤစးကူၢ်, စီၤယိၤသး, စီၤနသၤနံယၤ, ဒီးစီၤအၡၤရ့လးတဖၣ်န့ၣ်လီၤ. အဝဲသ့ၣ်အိၣ်ဝဲလၢစီၤအၤစာ်, ပှၤလၢအဒုးဟူထီသါလီၤကစၢ်ယွၤ အတၢ်ကစီၣ်တဖၣ်ဖဲစီၤပၤမၤလိာ်အီၤတဘျီလၢ်လၢ်, အတၢ်နဲၣ်ကျဲအဖီလာ်န့ၣ်လီၤ.
3 စီၤယဒူသူၣ်အဖိခွါဃုဂၤမ့ၢ်ဝဲစီၤကဒါလယၤ, စီၤစရံၤ, စီၤယၡၤယါ, စီၤၡံမံၤ, စီၤဃၡၤဘယၤဒီးစီၤမး တံၤသယၤတဖၣ်န့ၣ်လီၤ. လၢအပၢ်အတၢ်နဲၣ်ကျဲအဖီလာ်န့ၣ်, ဒုးဟူထီသါလီၤကစၢ်ယွၤအတၢ် ကစီၣ်အိၣ်ဃုာ်ဒီးသီတူၢ်အတၢ်သးဝံၣ်, ဒီးသးဝံၣ်တၢ်စံးထီၣ်ပတြၢၤဒီးတၢ်စံးဘျုးယွၤန့ၣ်လီၤ.
4 စီၤဟ့မၣ်အဖိခွါတဆံလွံၢ်ဂၤမ့ၢ်ဝဲ, စီၤဘူးကံယၤ, စီၤမးတၤနယၤ, စီၤဧူးစံအ့လး, စီၤၡဘူၤအ့လး, စီၤယရံမိး, စီၤဃနၤနယၤ, စီၤဃနၤနံ, စီၤအလံအသၤ, စီၤကံးဒၤလတံၤ, စီၤရိမၣ်တံၤဧ့စ့ၢ်, စီၤယၤၡဘကါၡၤ, စီၤမးလိသံၤ, စီၤဟိသံၤ, ဒီးစီၤမၤဃစံအိးန့ၣ်လီၤ.
5 ကစၢ်ယွၤဟ့ၣ်တ့ၢ်စီၤဟ့မၣ်, စီၤပၤအဝံတဂၤလၢဖိခွါတဆံလွံၢ် ဂၤဒီးဖိမုၣ်သၢဂၤစ့ၢ်ကီးဒ်အအၢၣ်လီၤတ့ၢ်ဝဲမ့ၢ်ဒ်သိးကဟ့ၣ် တၢ်စိတၢ်ကမီၤဆူစီၤဟ့မၣ်န့ၣ်လီၤ.
6 အဖိခွါခဲလၢာ်ဒ့စှၢၣ်စှံးတဖၣ်ဒီးသီတူၢ်တဖၣ်လၢအပၢ်အတၢ် နဲၣ်ကျဲအဖီလာ်, လၢတၢ်မၤဃုာ်သကိးတၢ်လၢတၢ်ဘူၣ်ထီၣ်ဘါထီၣ်ယွၤလၢတၢ်လုၢ်ဟံၣ် ပူၤအဂီၢ်န့ၣ်လီၤ. ဒီးစီၤအၤစာ်, စီၤယဒူသူၣ်ဒီးစီၤဟ့မၣ်တဖၣ်အိၣ်ဝဲလၢစီၤ ပၤအတၢ်မၤလိာ်အဖီလာ်န့ၣ်လီၤ.
7 ကယဲၢ်ပှၤခံဆံလွံၢ်ဂၤလၢာ်အံၤ, မ့ၢ်ပှၤသ့ပှၤဘၣ်လီၤတံၢ်လီၤ ဆဲးတဖၣ်ဒီးပှၤလ့ၤဝံဖိကဒဲကဒဲတဖၣ်, မ့ၢ်ပှၤလၢအဘၣ်တၢ်သိၣ်လိတ့ၢ်အီၤလၢတၢ်သူၣ်ဝံၣ်သးဆၢလီၤတံၢ် လီၤဆဲးန့ၣ်လီၤ. အဝဲသ့ၣ်ခဲလၢာ်အိၣ်ဝဲခံကယၤဃိးဆံဃိးဂၤန့ၣ်လီၤ.
8 လၢတၢ်စံၣ်ညီၣ်နီၤဖးန့ၢ်မူဒါတဖၣ်လၢအဝဲသ့ၣ်ကဟံးန့ၢ်အဂီၢ် န့ၣ်, အဝဲသ့ၣ်ခဲလၢာ်, သးစၢ်မ့ၢ်ဂ့ၤ, သးပှၢ်မ့ၢ်ဂ့ၤ, သ့ဘၣ်လီၤတံၢ်လီၤဆဲးမ့ၢ်ဂ့ၤ, စးထီၣ်မၤသီတၢ်မၤမ့ၢ်ဂ့ၤ, ဘၣ်ဖီၣ်တၢ်ဖးတဖၣ်န့ၣ်လီၤ.
9 ပှၤ ခံကယၤဃိးဆံဃိး ဂၤအံၤဘၣ်တၢ်နီၤလီၤအီၤဒ်အဟံၣ်ဖိဃီဖိတဖၣ် အိၣ်ဝဲအသိးဆူပှၤခံဆံလွံၢ်ဖု, တဖုပှၤတဆံခံဂၤစုာ်စုာ်အိၣ်ဒီးပှၤအခိၣ်တဂၤစုာ်စုာ်လၢ ပှၤတဖုဘၣ်တဖုအဂီၢ်န့ၣ်လီၤ. အဝဲသ့ၣ်အမူအဒါအတၢ်ရဲၣ်လီၤကျဲၤလီၤမ့ၢ်ဒ်လာ်အံၤန့ၣ်လီၤ.
တၢတဖုစီၤယိၤသးလၢစီၤအၤစာ်အဟံၣ်ဖိဃီဖိအကရူၢ်ခံဖုတဖု စီၤကဒါလယၤအကရူၢ်.
10 သၢဖုတဖု, စီၤစးကူၢ်အကရူၢ်.
11-12 လွံၢ်ဖုတဖုလီၤစီၤယံးစရံ, အကရူၢ်. ယဲၢ်ဖုတဖုစီၤနသၤနံယၤ, အအကရူၢ်.
13 ဃုဖုတဖုစီၤဘူးကံယၤ, အကရူၢ်.
14-15 နွံဖုတဖုစီၤယစၤရအ့လး, အကရူၢ်. ဃိးဖုတဖုစီၤယၡါယၤ, အကရူၢ်.
16 ခွံဖုတဖုစီၤမးတၤနယၤ, အကရူၢ်.
17-18 တဆံဖုတဖုစီၤၡံမံၤ, အကရူၢ်. တဆံတၢဖုတဖုစီၤဧၤစရ့လး, အကရူၢ်.
19 တဆံခံဖုတဖုစီၤဃၡၤဘယၤ, အကရူၢ်.
20 တဆံသၢဖုတဖုစီၤၡူဘၤအ့လး, အကရူၢ်.
21-22 တဆံလွံၢ်ဖုတဖုစီၤမးတံၤသယၤ, အကရူၢ်. တဆံယဲၢ်ဖုတဖုစီၤယရံမိး, အကရူၢ်.
23 တဆံဃုဖုတဖုစီၤဃနၤနယၤ, အကရူၢ်.
24 တဆံနွံဖုတဖုစီၤယၤၡဘကါရှၤ, အကရူၢ်.
25 တဆံဃိးဖုတဖုစီၤဃနၤနံ, အကရူၢ်.
26 တဆံခွံဖုတဖုစီၤမးလိသံၤ, အကရူၢ်.
27 ခံဆံဖုတဖုစီၤအလံအသၤ, အကရူၢ်.
28-29 ခံဆံတၢဖုတဖုစီၤဟိသံၤ, အကရူၢ်. ခံဆံခံဖုတဖုစီၤကံးဒၤလတံၤ, အကရူၢ်.
30 ခံဆံသၢဖုတဖုစီၤမၤဃစံအိး, အကရူၢ်.
31 ခံဆံလွံၢ်ဖုတဖုစီၤရိမၣ်တံၤဧ့စ့ၢ်, အကရူၢ်.