24
1 အအံၤမ့ၢ်ကရူၢ်တဖၣ်လၢစီၤအၤဟရိၣ်အစၢၤအသွဲၣ်တဖၣ်ဘၣ်ထွဲဝဲန့ၣ်လီၤ. ဒီးစီၤအၤဟရိၣ်အိၣ်ဒီးအဖိခွါလွံၢ်ဂၤ, စီၤနၤဒာ်, စီၤအဘံဟူၤ, စီၤအလၤဧစၢ်ဒီးစီၤအံသမၢ်န့ၣ်လီၤ.
2 စီၤနၤဒာ်ဒီးစီၤအဘံဟူၤသံတ့ၢ်လၢအပၢ်အမဲာ်ညါဒီးအစၢၤ အသွဲၣ်တအိၣ်ဘၣ်န့ၣ်လီၤ. လၢတၢ်န့ၣ်အဃိအဝဲသ့ၣ်အဒီပုၢ်ဝဲၢ်ခွါစီၤအလၤဧစၢ်ဒီးစီၤအံ သမၢ်ကဲထီၣ်ပှၤလုၢ်တၢ်အခိၣ်တဖၣ်န့ၣ်လီၤ.
3 စီၤဒၤဝံးကရၢကရိထီၣ်စီၤအၤဟရိၣ်အစၢၤအသွဲၣ်တဖၣ်ဆူ ကရူၢ်တဖၣ်, ဒ်အမူအဒါတဖၣ်အိၣ်ဝဲအသိးန့ၣ်လီၤ. အဝဲဘၣ်တၢ်မၤစၢၤအီၤလၢတၢ်မၤအံၤအဂီၢ်လၢစီၤစၤဒိး, စီၤအလၤဧစၢ်အစၢၤအသွဲၣ်တဂၤ, စီၤအဃံၤမ့လ့း, စီၤအံသမၢ်အစၢၤအသွဲၣ်တဂၤန့ၣ်လီၤ.
4 စီၤအလၤဧစၢ်အစၢၤအသွဲၣ်တဖၣ်ဘၣ်တၢ်ကရၢကရိထီၣ်အီၤဆူပှၤတဆံ ဃုကရူၢ်ဒီးစီၤအံသမၢ်အစၢၤအသွဲၣ်တဖၣ်ဘၣ်တၢ်ကရၢကရိထီၣ်အီၤ ဆူပှၤဃိးကရူၢ်န့ၣ်လီၤ. တၢ်အံၤဘၣ်တၢ်မၤအီၤမ့ၢ်လၢဟံၣ်ဖိဃီဖိအခိၣ်ပိာ်ခွါတဖၣ်အိၣ် လၢစီၤအလၤဧစၢ်အစၢၤအသွဲၣ်တဖၣ်အကျါအဃိန့ၣ်လီၤ.
5 မ့ၢ်လၢယွၤအတၢ်လုၢ်ဟံၣ်အပဒိၣ်ပပှၢ်တဖၣ်ဒီးသူၣ်ဂ့ၢ်သးကျိၤ အခိၣ်အနၢ်တဖၣ်, အိၣ်ဝဲလၢစီၤအလၤဧစၢ်မ့ၢ်ဂ့ၤ, စီၤအံသမၢ်မ့ၢ်ဂ့ၤအစၢၤအသွဲၣ်တဖၣ်အကျါအဃိ, မူဒါတဖၣ်ဘၣ်တၢ်ဟ့ၣ်လီၤအီၤခီဖျိတၢ်ဖီၣ်တၢ်ဖးန့ၣ်လီၤ.
6 စီၤအလၤဧစၢ်ဒီးစီၤအံသမၢ်အစၢၤအသွဲၣ်တဖၣ်ဖီၣ်တၢ်ဖးတဖၣ်တဂၤ တဘျီ, တဂၤတဘျီန့ၣ်လီၤ. အန့ၣ်ဝံၤဒီး, အဝဲသ့ၣ်ဘၣ်တၢ်ကွဲးနီၣ်ကွဲးဃါအမံၤလၢစီၤနၤ သန့လးအဖိခွါစီၤၡမါယၤ, ပှၤလ့ၤဝံဖိအပှၤကွဲးလံာ်ဒိၣ်တဂၤန့ၣ်လီၤ. စီၤပၤ, ပဒိၣ်ပပှၢ်တဖၣ်, ပှၤလုၢ်တၢ်အခိၣ်စီၤစၤဒိး, စီၤအ့ဘယၤသၢ်, အဖိခွါစီၤအဃံၤမ့လ့းဒီးပှၤလုၢ်တၢ်အခိၣ် အဟံၣ်ဖိဃီဖိအခိၣ်တဖၣ်, ဒီးပှၤလ့ၤဝံ အဟံၣ်ဖိဃီဖိတဖၣ်, ခဲလၢာ်မ့ၢ်ပှၤအုၣ်အသးတဖၣ်န့ၣ်လီၤ.
7 အအံၤမ့ၢ်, တၢ်မၤအတၢ်ရဲၣ်တၢ်ကျဲၤလၢဟံၣ်ဖိဃီဖိ ခံဆံလွံၢ်ကရူၢ်ဘၣ်တၢ်ဟ့ၣ်လီၤအီၤန့ၣ်လီၤ. တၢ်ဖးအခီၣ်ထံးတမံၤလီၤဘၣ်လၢစီၤယဟိယၤရံာ်အဂီၢ်, ခံမံၤတမံၤလၢစီၤယဒါယၤအဂီၢ်,
8 သၢမံၤတမံၤလၢစီၤဃၤရံၣ်အဂီၢ်, လွံၢ်မံၤတမံၤလၢစီၤစဧိ ရံၣ်အဂီၢ်,
9 ယဲၢ်မံၤတမံၤလၢစီၤမၤလကံယၤအဂီၢ်, ဃုမံၤတမံၤလၢစီၤမံ ယမံၣ်အဂီၢ်
10 နွံမံၤတမံၤလၢစီၤဟးကိးအဂီၢ်, ဃိးမံၤတမံၤလၢစီၤအဘံယၤ အဂီၢ်,
11 ခွံမံၤတမံၤလၢစီၤယ့ၤၡူအဂီၢ်, ဆံဆဲၣ်မံၤတမံၤလၢစီၤၡကါ နယၤအဂီၢ်.
12 တဆံတၢမံၤတမံၤလၢစီၤအ့လယၤၡံာ်အဂီၢ်, တဆံခံမံၤတမံၤလၢ စီၤယၤကံၣ်အဂီၢ်,
13 တဆံသၢမံၤတမံၤလၢစီၤဃူးပၤအဂီၢ်, တဆံလွံၢ်မံၤတမံၤလၢ စီၤယ့ၤၡ့ၤဘအာ်အဂီၢ်.
14 တဆံယဲၢ်မံၤတမံၤလၢစီၤဘံလကၤအဂီၢ်, တဆံဃုမံၤတမံၤလၢစီၤ အံးမ့ၢ်အဂီၢ်
15 တဆံနွံမံၤတမံၤလၢစီၤဃ့စံၢ်အဂီၢ်, တဆံဃိးမံၤတမံၤလၢ စီၤဟဖံးစ့းအဂီၢ်,
16 တဆံခွံမံၤတမံၤလၢစီၤပသၤဃယၤအဂီၢ်, ခံဆံမံၤတမံၤလၢစီၤယဃ့းစက့လးအဂီၢ်,
17 ခံဆံတၢမံၤတမံၤလၢစီၤယၤကံၣ်အဂီၢ်, ခံဆံခံမံၤတမံၤလၢ စီၤကမူလးအဂီၢ်
18 ခံဆံသၢမံၤတမံၤလၢစီၤဒလါယၤအဂီၢ်, ခံဆံလွံၢ်မံၤတမံၤ လၢစီၤမၤဧါစယၤအဂီၢ်န့ၣ်လီၤ.
19 ပှၤတဖၣ်အံၤဘၣ်တၢ်ကွဲးနီၣ်ကွဲးဃါအမံၤဒ်အဝဲသ့ၣ်အမူ အဒါတဖၣ်လၢတၢ်ပာ်လီၤန့ၢ်အီၤ, ဒ်သိးကလဲၤဆူယွၤအတၢ်လုၢ်ဟံၣ် ဒီးစိာ်ထီၣ်မူဒါတဖၣ်လၢအဝဲသ့ၣ်အပၢ်ဖးဒိၣ်လၢပျၢၤစီၤအၤ ဟရိၣ်ပာ်လီၤတ့ၢ်ဝဲ, လၢတၢ်စူၢ်ယွၤ, အံၣ်စရ့လးအကစၢ်ယွၤအတၢ်မၤလိာ်တဖၣ်အဂီၢ်န့ၣ်လီၤ.
20 အအံၤမ့ၢ်ဟံၣ်ဖိဃီဖိခိၣ်နၢ်အဂၤတဖၣ်လၢအဟဲလီၤစၢၤလီၤသွဲၣ် လၢပှၤလ့ၤဝံဖိန့ၣ်လီၤ. စီၤယ့ဒယၤ, စီၤဧၤမရၣ်အစၢၤအသွဲၣ်တဂၤလၢအဟဲခီဖျိစီၤၡူ ဘအ့လး,
21 စီၤယံးၡံယၤ, စီၤရဃါဘယၤအစၢၤအသွဲၣ်တဂၤ,
22 စီၤယၤဃး, စီၤယံးစကၢ်အစၢၤအသွဲၣ်တဂၤလၢအဟဲ ခီဖျိစီၤၡလိမိး,
23 စီၤယရံယၤ, စီၤအမၤရယၤ, စီၤယၤဃစအ့လးဒီးစီၤယကၤမံၣ်လၢ အမ့ၢ်စီၤဃ့ဘြိၣ်အဖိခွါတဖၣ်ဒ်အသးအနံၣ်အလါအပှၢ်အစၢ်အိၣ်ဝဲအသိး,
24 စီၤၡၤမံၣ်, စီၤဧူးစံအ့လးအစၢၤအသွဲၣ်တဂၤလၢအဟဲခီဖျိ စီၤမံၤကါ,
25 စီၤစကၤရယါ, စီၤဧူးစံအ့လးအစၢၤအသွဲၣ်တဂၤလၢအဟဲ ခီဖျိစီၤယံးၡံယၤလၢအမ့ၢ်စီၤမံၤကါအဒီပုၢ်ဝဲၢ်ခွါ,
26 စီၤမးဃလံ, စီၤမူၡံၤ, ဒီးစီၤယဧၤစံယၤ, ပှၤတဖၣ်လၢအဟဲလီၤစၢၤလီၤသွဲၣ်လၢစီၤမရၤရံ,
27 စီၤယဧၤစံယၤအိၣ်ဒီးအဖိခွါသၢဂၤလၢအမ့ၢ်, စီၤၡိဟၣ်, စီၤစးကူၢ်ဒီးစီၤဧ့ဘြၤန့ၣ်လီၤ.
28 စီၤမးဃလံအိၣ်ဒီးအဖိခွါခံဂၤလၢအမ့ၢ်စီၤအလၤဧစၢ်ဒီးစီၤ ကံၣ်န့ၣ်လီၤ. ဒီးစီၤအလၤဧစၢ်အဖိခွါတအိၣ်နီတဂၤဘၣ်.
29 မ့မ့ၢ်စီၤကံၣ်အိၣ်ဒီးအဖိခွါတဂၤလၢအမ့ၢ်ဝဲ, စီၤယရၤဃမအ့လးန့ၣ်လီၤ.
30 စီၤမူၡံၤအိၣ်ဒီးအဖိခွါသၢဂၤလၢအမ့ၢ်, စီၤမးဃလံ, စီၤဧ့စ့ၢ်ဒီးစီၤယရံမိးန့ၣ်လီၤ.
ပှၤတဖၣ်အံၤမ့ၢ်ပှၤလ့ၤဝံဖိအဟံၣ်ဖိဃီဖိတဖၣ်န့ၣ်လီၤ.
31 ဟံၣ်ဖိဃီဖိတဒူၣ်စုာ်စုာ်အခိၣ်ဒီးအဒီပုၢ်ဝဲၢ်ခွါအဆံးတဖၣ် အကျါတဂၤဖီၣ်တၢ်ဖးလၢအဝဲသ့ၣ်အမူအဒါတဖၣ်အဂီၢ်, ဒ်သိးဒၣ်အဝဲသ့ၣ်အဘူးအတံၢ်တဖၣ်, ပှၤလုၢ်တၢ်အခိၣ်တဖၣ်လၢအလီၤ စၢၤလီၤသွဲၣ်လၢစီၤအၤဟရိၣ်မၤတ့ၢ်ဝဲအသိးန့ၣ်လီၤ. စီၤပၤဒၤဝံး, စီၤစၤဒိး, စီၤအဃံၤမ့လ့း, ဒီးပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်အဟံၣ်ဖိ ဃီဖိအခိၣ်တဖၣ်မ့ၢ်ပှၤအုၣ်အသးတဖၣ်န့ၣ်လီၤ.