13
(၂ မူၤ.၆:၁-၁၁)
1 စီၤပၤစီၤဒၤဝံးကူၣ်လိာ်အသးဒီးကယဲၢ်ပှၤသုးဖိတကထိ အခိၣ်တဖၣ်မ့ၢ်ဂ့ၤဒီးပှၤသုးဖိတကယၤအခိၣ်တဖၣ်မ့ၢ်ဂ့ၤန့ၣ် လီၤ.
2 အန့ၣ်ဝံၤဒီးအဝဲဘိးဘၣ်သ့ၣ်ညါကယဲၢ်အံၣ်စရ့လးအပှၤဂီၢ်မုၢ် ခဲလၢာ်, “မ့ၢ်ဘၣ်သူၣ်ဘၣ်သးသု, ဒီးမ့မ့ၢ်ယွၤ, ပကစၢ်ယွၤအတၢ်ဘၣ်အသး ဒီးလဲၤဆူထံဖိကီၢ်ဖိလၢအအိၣ်လီၤတဲာ်တဖၣ်အအိၣ်, ဒီးဆူပှၤလုၢ်တၢ်အခိၣ်တဖၣ်ဒီးပှၤလ့ၤဝံဖိတဖၣ်လၢအအိၣ်လၢ အဝ့ၢ်ဒၣ်ဝဲအပူၤ, ဒီးတဲဘၣ်အဝဲသ့ၣ်လၢကဟဲအိၣ်ဖှိၣ်ရိဖှိၣ်ဃုာ်ဒီးပှၤဖဲအံၤ န့ၣ်တက့ၢ်.
3 အန့ၣ်ဝံၤဒီးပကလဲၤဒီးဟံးန့ၢ်က့ၤကစၢ်ယွၤအတၢ်အၢၣ်လီၤအီၤ လီၤအတလါလၢတဘၣ်တၢ်ကနၣ်ဃုာ်တ့ၢ်အီၤဖဲစီၤစီလူးကဲစီၤပၤ အကတီၢ်န့ၣ်တက့ၢ်.”
4 ပှၤဂီၢ်မုၢ်ဘၣ်သူၣ်ဘၣ်သးလၢတၢ်ဟ့ၣ်ကူၣ်အံၤဒီးအၢၣ်လီၤသကိး ဝဲဒၣ်န့ၣ်လီၤ.
5 လၢတၢ်န့ၣ်အဃိစီၤဒၤဝံးဒုးအိၣ်ဖှိၣ်ရိဖှိၣ်အံၣ်စရ့လးအပှၤ ဂီၢ်မုၢ်လၢထံကီၢ်ဒီတဘ့ၣ်ညါ, စးထီၣ်လၢကီၢ်အဲၤကူပတူးအကီၢ်ဆၢလၢကလံၤထံး, တုၤလၢကျဲလဲၤနုာ်ဆူဝ့ၢ်ဃမါသးလၢကလံၤစိးတခီ, ဒ်သိးကဟဲက့ၤစိာ်တၢ်အၢၣ်လီၤအီလီၤအတလါလၢဝ့ၢ်ကံးရယးယဧၤ ရံၣ်ဆူဝ့ၢ်ယရူၤၡလ့ၣ်န့ၣ်လီၤ.
6 စီၤဒၤဝံးဒီးပှၤဂီၢ်မုၢ်လဲၤဝဲဆူဝ့ၢ်ဘဧၤလၤ, လၢအမ့ၢ်ဝ့ၢ်ကံးရယးယဧၤရံၣ်လၢအအိၣ်လၢယူဒၤအဒူၣ်အလီၢ်ကဝီၤ ပူၤဒ်သိးကဟံးန့ၢ်က့ၤကစၢ်ယွၤအတၢ်အၢၣ်လီၤအီလီၤအတလါလၢတၢ် ကိးအီၤလၢယွၤအမံၤဒီးတၢ်ပာ်ထီၣ်အီၤဖဲခ့ရူာ်အလိၤန့ၣ်လီၤ.
7 ဖဲစီၤအဘံနဒးအဟံၣ်န့ၣ်, အဝဲသ့ၣ်စိာ်ထီၣ်ကွံာ်တၢ်အၢၣ်လီၤအီ လီၤအတလါဒီးပာ်ထီၣ်အီၤလၢလ့ၣ်ကဟၣ်အသီတဆိအလိၤလီၤ.
8 စီၤဧူးစးဒီးစီၤအဃံယိၤဆှၢလ့ၣ်ကဟၣ်ဖဲစီၤဒၤဝံးဒီး ကယဲၢ်အံၣ်စရ့လးအပှၤဂီၢ်မုၢ်ခဲလၢာ်, ဂဲၤကလံာ်လၢအဂံၢ်အဘါခဲလၢာ်လၢကမၤလၤကပီၤကစၢ်ယွၤန့ၣ်လီၤ. အဝဲသ့ၣ်သးဝံၣ်တၢ်အိၣ်ဒီးတၢ်ဒ့တၢ်အူအပီးအလီတဖၣ်လၢအမ့ၢ်, သီတူၢ်တဖၣ်, ဒၢတဖၣ်, စှၢၢ်စှံးတဖၣ်ဒီးကွဲၤတဖၣ်န့ၣ်လီၤ.
9 ဖဲအဝဲသ့ၣ်ဟဲတုၤဃီၤဆူပှၤကြဲၢ်တၢ်အလီၢ်တပူၤဖဲခံဒိၢ်န့ၣ်, စီၤဧူးစၤယူာ်ဃီၤအစုဒီးဖီၣ်ဃီၤတလါစီဆှံမ့ၢ်လၢဂီၤဖံး တဖၣ်အခီၣ်ဘၣ်တိၢ်ဒီးတလါစီဆှံဒ့ခံဝဲအဃိလီၤ.
10 တဘျီဃီ, ယွၤအသးဒိၣ်ထီၣ်ဘၣ်စီၤဧူးစးဒီးမၤသံကွံာ်အီၤ မ့ၢ်လၢအထိးဘၣ်တလါအဃိန့ၣ်လီၤ. အဝဲသံဝဲဖဲန့ၣ်လၢကစၢ်ယွၤအမဲာ်ညါလီၤ.
11 လၢတၢ်န့ၣ်အဃိစးထီၣ်လၢန့ၣ်လံၤလံၤ, တၢ်လီၢ်အဝဲန့ၣ်ဘၣ်တၢ် ကိးအီၤလၢဖ့ရးဧူးစၤန့ၣ်လီၤ. စီၤဒၤဝံးအသးဒိၣ်ထီၣ်နးနးကလဲာ်မ့ၢ်လၢယွၤစံၣ်ညီၣ်စီၤဧူး စၤလၢတၢ်သးထီၣ်အပူၤအဃိန့ၣ်လီၤ.
12 အန့ၣ်တစု, စီၤဒၤဝံးပျံၤဘၣ်ကစၢ်ယွၤဒီးစံးဝဲ, “ခဲကနံၣ်အံၤယက့ၤစိာ်တၢ်အၢၣ်လီၤအီလီၤအတလါဒီးယၤကသ့ဒ် လဲၣ်.”
13 လၢတၢ်န့ၣ်အဃိစီၤဒၤဝံးတက့ၤစိာ်တလါဒီးအီၤဆူဝ့ၢ်ယရူၤ ၡလ့ၣ်ဘၣ်. မ့မ့ၢ်ပာ်တီၢ်ဝဲလၢပှၤကံးတံးဖိစီၤဧိၤဘ့းအ့ဒိၣ်အဟံၣ်လၢ အအိၣ်လၢဝ့ၢ်ကၤသးအပူၤန့ၣ်လီၤ.
14 ဒီးတၢ်အၢၣ်လီၤအီလီၤအတလါအိၣ်ဝဲဖဲစီၤဧိၤဘ့းအ့ဒိၣ်အဟံၣ် ပူၤန့ၣ်သၢလါ, ဒီးယွၤဆိၣ်ဂ့ၤစီၤဧိၤဘ့းအ့ဒိၣ်အပှၤဟံၣ်ဖိ ဃီဖိဒီးကယဲၢ်တၢ်ခဲလၢာ်လၢအမ့ၢ်အတၢ်န့ၣ်လီၤ.