10
(၁ မူၤ.၃၁:၁-၁၃)
1 ဒီးပှၤဖလ့ၡသးဖိဒုးတၢ်ဒီးပှၤအံၣ်စရ့လးဖိလၢကစၢၢ်ကံး လဘိအလိၤန့ၣ်လီၤ. ဒီးပှၤအံၣ်စရ့လးဖိအါဂၤဘၣ်တၢ်မၤသံအီၤဖဲန့ၣ်ဒီးပှၤလၢ အအိၣ်လီၤတဲာ်တဖၣ်, အိၣ်ဃုာ်ဒီးစီၤပၤစီၤစီလူးဒီးအဖိခွါဃ့ၢ်ပူၤဖျဲးကွံာ် ဝဲဒၣ်န့ၣ်လီၤ.
2 ဘၣ်ဆၣ်ပှၤဖလ့ၡသးဖိသ့ၣ်တဖၣ်ဖီၣ်န့ၢ်အဝဲသ့ၣ်ဒီးမၤသံကွံာ် စီၤစီလူးအဖိခွါသၢဂၤ, လၢအမ့ၢ်ဝဲ, စီၤယိနၤသၣ်, စီၤအဘံနဒာ်ဒီးစီၤမးလကံၡူၤသ့ၣ်တဖၣ်န့ၣ်လီၤ.
3 တၢ်ဒုးဆူၣ်ဝဲနးမး, ဝးတရံးစီၤစီလူး, ဒီးအဝဲဘၣ်တၢ်ခး အီၤလၢဒုၣ်ဒါအပျၢ်တဖၣ်ဒီးဘၣ်ဒိဘၣ်ထံးဝဲဒိၣ်မးန့ၣ်လီၤ.
4 အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်, “ထုးထီၣ်နနးဒီးမၤသံကွံာ်ယၤဒ်သိးယကပူၤဖျဲးဒီးပှၤဖလ့ ၡသးဖိလၢတအိၣ်ဘၣ်ဒီးယွၤသ့ၣ်တဖၣ်အံၤအတၢ်သးခုခူသူၣ်ဒီးကွၢ်စူၣ် မၤတရီတပါယၤန့ၣ်တက့ၢ်.” ဘၣ်ဆၣ်ပှၤသးစၢ်အံၤပျံၤတၢ်ဒိၣ်မးလၢကမၤတၢ်အံၤအဂီၢ်န့ၣ်လီၤ. လၢတၢ်န့ၣ်အဃိစီၤစီလူးဟံးထီၣ်အနးဒၣ်ဝဲဒီးထိၣ်လီၤဃံၤ အသးလၢအဖီခိၣ်န့ၣ်လီၤ.
5 ပှၤသးစၢ်န့ၣ်ထံၣ်ဝဲလၢစီၤစီလူးသံလံသတးဒီး, အဝဲစ့ၢ်ကီးထိၣ်လီၤဃံၤအသးလၢအနးဒၣ်ဝဲအလိၤဒီးသံဝဲ ဒၣ်န့ၣ်လီၤ.
6 လၢတၢ်န့ၣ်အဃိ, စီၤစီလူးဒီးအဖိခွါသၢဂၤသံဝဲခဲလၢာ် တပူၤဃီ, ဒီးအစၢၤအသွဲၣ်တဖၣ်တအိၣ်နီတဂၤနီတဘျီလၢကပၢတၢ်ဘၣ်န့ၣ်လီၤ.
7 တုၤပှၤအံၣ်စရ့လးဖိတဖၣ်လၢအအိၣ်ဝဲဆိးဝဲလၢယံးစရ့လး ကစၢၢ်ကဆူးနၢ်ဟူဝဲလၢသုးဖိတဖၣ်ဃ့ၢ်ကွံာ်လံဒီးစီၤစီလူး ဒီးအဖိခွါသၢဂၤသံလံန့ၣ်, အဝဲသ့ၣ်ပာ်တီၢ်ကွံာ်အဝ့ၢ်သ့ၣ်တဖၣ်ဒီးထွးထီၣ်ဃ့ၢ်ကွံာ်န့ၣ် လီၤ. တုၤနုၤတစုပှၤဖလ့ၡသးဖိသ့ၣ်တဖၣ်ဟဲဒီးဟံးန့ၢ်ကွံာ်အတၢ် လီၢ်သ့ၣ်တဖၣ်ဒီးအိၣ်ဝဲဆိးဝဲလၢအပူၤန့ၣ်လီၤ.
8 ဖဲတၢ်ဒုးဝံၤအလီၢ်ခံမုၢ်ဆ့ၣ်ထီၣ်န့ၣ်, ပှၤဖလ့ၡသးဖိတဖၣ်လဲၤ ဒ်သိးကဘ့ၣ်ကွံာ်ဒီးဂုာ်န့ၢ်ပှၤသံတဖၣ်အကူအသိးန့ၣ်လီၤ. အဝဲသ့ၣ်ထံၣ်ဘၣ်စီၤစီလူးဒီးအဖိခွါတဖၣ်အစိၣ်အိၣ်ဒါလီၤ အသးလၢကစၢၢ်ကံးလဘိအလိၤန့ၣ်လီၤ.
9 အဝဲသ့ၣ်ဒီၣ်တဲာ်ကွံာ်စီၤစီလူးအခိၣ်, ဘ့ၣ်လီၤကွံာ်ဝဲအသဃိး ဒီးမၢပှၤစိာ်တၢ်ကစီၣ်တဖၣ်စိာ်ထီၣ်တၢ်သ့ၣ်တဖၣ်န့ၣ်, ဒီးလဲၤဝ့ၤဝီၤတၢ်လၢကီၢ်ဖလ့ၡသးဒီတဘ့ၣ်လၢကတဲဘၣ်တၢ်သးခု ကစီၣ်ဆူအဝဲသ့ၣ်အကစၢ်, တၢ်ဂီၤတၢ်ဖီၣ်တဖၣ်ဒီးပှၤဂီၢ်မုၢ်တဖၣ်န့ၣ်လီၤ.
10 အဝဲသ့ၣ်လဲၤပာ်စီၤစီလူးအစုကဝဲၤတဖၣ်, လၢအကစၢ်တဖၣ်အတၢ်လုၢ်ဟံၣ်အကျါတဖျၢၣ်အပူၤ, ဒီးမ့မ့ၢ်အခိၣ်န့ၣ်, လဲၤဘျးလီၤစဲၤဝဲလၢအကစၢ်ဒၤကိၣ်အတၢ် လုၢ်ဟံၣ်အပူၤန့ၣ်လီၤ.
11 တုၤယၤဘ့ၣ်အပှၤဂီၢ်မုၢ်လၢကီၢ်ကံးလဧးတဖၣ်နၢ်ဟူဝဲ တၢ်လၢပှၤဖလ့ၡသးဖိတဖၣ်မၤဘၣ်တ့ၢ်စီၤစီလူးန့ၣ်,
12 ပှၤကညီအဒူကတၢၢ်တဖၣ်လဲၤဒီးဟံးန့ၢ်စီၤစီလူးဒီးအဖိခွါ တဖၣ်အစိၣ်, ဒီးဟဲက့ၤစိာ်ဝဲဆူဝ့ၢ်ယၤဘ့ၣ်န့ၣ်လီၤ. ဒီးခူၣ်လီၤကွံာ်အဝဲသ့ၣ်ဖဲသ့ထိးဖၣ်တထံးအဖီလာ်ဒီးဒုၣ်တၢ် အီၣ်နွံနံၤန့ၣ်လီၤ.
13 စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.
14 လၢတၢ်န့ၣ်အဃိယွၤမၤသံကွံာ်အီၤဒီးဟ့ၣ်လီၤဝဲတၢ်ပၢဘၣ်ဘီ မုၢ်ဆူစီၤယံးၡဲအဖိခွါစီၤဒၤဝံးအစုပူၤန့ၣ်လီၤ.