9
1 ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.
2 ပှၤအဆိကတၢၢ်တဖုလၢအဟဲက့ၤကဒါက့ၤဆူအဝဲသ့ၣ်အတၢ်စုလီၢ်ခီၣ် ခိၣ်အိၣ်အဝ့ၢ်တဖၣ်အကျါန့ၣ်အိၣ်ဃုာ်ဒီးပှၤအံၣ်စရ့လးဖိပတီၢ်မုၢ်တဖၣ်, ပှၤလုၢ်တၢ်အခိၣ်တဖၣ်, ပှၤလ့ၤဝံဖိတဖၣ်ဒီးတၢ်လုၢ်ဟံၣ်အပှၤမၤတၢ်ဖိသ့ၣ်တဖၣ်န့ၣ်လီၤ.
3 ပှၤဂီၢ်မုၢ်လၢပှၤယူဒၤအဒူၣ်, ပှၤဘံၣ်ယၤမံၣ်အဒူၣ်, ပှၤအ့ဖရဲၣ်အဒူၣ်ဒီးပှၤမနၤၡ့ၤအဒူၣ်တဖၣ်လဲၤဝဲဒ်သိးကအိၣ်ဝဲ ဆိးဝဲလၢဝ့ၢ်ယရူၤၡလ့ၣ်အပူၤန့ၣ်လီၤ.
4 ပှၤယူဒၤဖိအဒူၣ်, အဟံၣ်ဒူၣ်ဃီထၢဃုကယၤခွံဆံဒူၣ်အိၣ်ဝဲ ဆိးဝဲဖဲဝ့ၢ်ယရူၤၡလ့ၣ်အပူၤန့ၣ်လီၤ. စီၤယူဒၤအဖိခွါစီၤဖ့ၤရ့းအစၢၤအသွဲၣ်တဖၣ်န့ၣ်အိၣ်ဒီးစီၤ ဧူသဲၤလၢအမ့ၢ်စီၤဧးမံၤဟူးအဖိခွါဒီးစီၤဧိၣ်ရံၤအလံၤဒ် အဝဲသ့ၣ်အပှၤအခိၣ်အသိးန့ၣ်လီၤ.
5 အဝဲအပၢ်ဖးဒိၣ်လၢပျၢၤအဂၤတဖၣ်အကျါန့ၣ်အိၣ်ဃုာ်ဒီးစီၤအံၤမရံ ဒီးစီၤဘၤနံန့ၣ်လီၤ. စီၤယူဒၤအဖိခွါစီၤၡ့လၤအစၢၤ အသွဲၣ်တဖၣ်အိၣ်ဒီးစီၤဧစံယၤလၢအမ့ၢ်အဝဲအခိၣ်, ဒီးအဝဲမ့ၢ်အဟံၣ်ဒူၣ်ဃီထၢဒၣ်ဝဲအခိၣ်န့ၣ်လီၤ.
6 စီၤယူဒၤအဖိခွါစီၤစ့ရၤအစၢၤအသွဲၣ်တဖၣ်အိၣ်ဒီးစီၤယူၤ အ့လးဒ်အဝဲသ့ၣ်အခိၣ်န့ၣ်လီၤ.
7 ပှၤဘံၣ်ယၤမံၣ်အဒူၣ်, အဟံၣ်ဖိဃီဖိလၢလာ်တဖၣ်အံၤအိၣ်ဝဲ ဆိးဝဲလၢဝ့ၢ်ယရူၤၡလ့ၣ်အပူၤန့ၣ်လီၤ. စီၤစၤလူလၢအမ့ၢ်စီၤမၡူလၣ်အဖိခွါ, စီၤမၡူလၣ်မ့ၢ်စီၤဟိဒၤဝယၤအဖိခွါ, ဒီးစီၤဟိဒၤဝယၤမ့ၢ်စီၤဟးစနူအၤအဖိခွါ,
8 စီၤယံးဘနံယၤလၢအမ့ၢ်စီၤယရိဃၣ်အဖိခွါ. စီၤအ့လၤလၢအမ့ၢ်စီၤဧူးစံအဖိခွါဒီးစီၤမံးကြံၤအလံၤခွါ. စီၤမၡူလၣ်လၢအမ့ၢ်စီၤၡဖးတယၤအဖိခွါ, စီၤၡဖးတယၤမ့ၢ်စီၤ ရဧူၤအ့လးအဖိခွါဒီးစီၤရဧူၤအ့လးမ့ၢ်စီၤယံးဘနံယၤအဖိ ခွါန့ၣ်လီၤ.
9 ပှၤအဒူၣ်အံၤအဟံၣ်ဒူၣ်ဃီထၢခွံကယၤယဲၢ်ဆံဃုဒူၣ်အိၣ်ဝဲဆိး ဝဲဖဲန့ၣ်လီၤ. ပှၤပိာ်ခွါလၢအမံၤဘၣ်တၢ်ယၢၤထီၣ်လၢထးတဖၣ်ခဲ လၢာ်, မ့ၢ်ဟံၣ်ဒူၣ်ဃီထၢတဖၣ်အခိၣ်န့ၣ်လီၤ.
10 ပှၤလုၢ်တၢ်အခိၣ်လၢလာ်သ့ၣ်တဖၣ်အံၤအိၣ်ဝဲဆိးဝဲလၢဝ့ၢ်ယရူၤ ၡလ့ၣ်အပူၤန့ၣ်လီၤ. စီၤယဒါယၤ, စီၤယဟိယၤရံာ်ဒီးစီၤယၤကံၣ်.
11 စီၤဧစၤရယၤလၢအမ့ၢ်စီၤဃံးလကံယၤအဖိခွါ (ပဒိၣ်အဒိၣ်ကတၢၢ်လၢ တၢ်လုၢ်ဟံၣ်အပူၤ), လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤမၡူလၣ်, စီၤမရၤယိးဒီးစီၤအဃံးတူာ်န့ၣ်လီၤ.
12 စီၤဧဒါယၤလၢအမ့ၢ်စီၤယရိဃၣ်အဖိခွါ, လၢအပၢ်ဖးဒိၣ်လၢပျၢၤ တဖၣ်အကျါအိၣ်ဃုာ်ဒီးစီၤပၤၡဃူၢ်ဒီးစီၤမၤလကံယၤ, စီၤမၤစဲလၢအမ့ၢ်စီၤဧၤဒံၤအ့လးအဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤယၤကစ့ရၤ, စီၤမၡူလၣ်, စီၤမၡံးလ့မံးဒီးစီၤအံးမ့ၢ်န့ၣ်လီၤ.
13 ပှၤလုၢ်တၢ်အခိၣ်တဖၣ်လၢအမ့ၢ်ဟံၣ်ဒူၣ်ဃီထၢတဖၣ်အခိၣ်ခဲလၢာ်အိၣ် ဝဲတကထိနွံကယၤဃုဆံဂၤန့ၣ်လီၤ. အဝဲသ့ၣ်မ့ၢ်ပှၤသ့ဂ့ၤဂ့ၤဘၣ်ဘၣ်တဖၣ်လၢတၢ်ဖံးတၢ်မၤခဲလၢာ် လၢအဘၣ်တၢ်မၤအီၤလၢတၢ်လုၢ်ဟံၣ်အပူၤန့ၣ်လီၤ.
14 ပှၤလ့ၤဝံဖိလၢလာ်သ့ၣ်တဖၣ်အံၤအိၣ်ဝဲဆိးဝဲလၢဝ့ၢ်ယရူၤ ၡလ့ၣ်အပူၤန့ၣ်လီၤ. စီၤၡမါယၤလၢအမ့ၢ်စီၤဃၤၡူာ်အဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီး စီၤဧးစရံကၣ်ဒီးစီၤဃၡၤဘယၤလၢအဘၣ်ဃး ဒီးပှၤမရၤရံၤအဒူၣ်န့ၣ်လီၤ.
15 စီၤဘးကဘးကၢ်, စီၤဃ့ရ့ၣ်ဒီးစီၤကၤလလး, စီၤမးတၤနယၤလၢအမ့ၢ်စီၤမံၤကါအဖိခွါ, လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤစံးကရံဒီး စီၤအၤစာ်န့ၣ်လီၤ.
16 စီၤဧိၤဘါဒယၤလၢအမ့ၢ်စီၤၡမါယၤအဖိခွါ, လၢအပၢ်ဖးဒိၣ်လၢပျၢၤအကျါအိၣ်ဃုာ်ဒီးစီၤကၤလလးဒီးစီၤယဒူ သူၣ်. စီၤဘ့ရ့ကံယၤလၢအမ့ၢ်စီၤအၤစါအဖိခွါဒီးစီၤအ့လကါနၤ အလံၤခွါလၢအအိၣ်ဝဲဆိးဝဲလၢတၢ်လီၢ်ကဝီၤဘၣ်ထွဲဒီးပှၤနတိ ဖၤဖိအဝ့ၢ်န့ၣ်လီၤ.
17 တၢ်လုၢ်ဟံၣ်အပှၤပၢၤတၢ်ဖိလၢလာ်တဖၣ်အံၤအိၣ်ဝဲဆိးဝဲ လၢဝ့ၢ်ယရူၤၡလ့ၣ်အပူၤန့ၣ်လီၤ. စီၤၡၤလူၣ်, စီၤဧးကူာ်, စီၤတၤလမိၣ်ဒီးစီၤဃံမ့ၣ်န့ၣ်လီၤ. စီၤၡၤလူၣ်မ့ၢ်အဝဲသ့ၣ်အပှၤအခိၣ်န့ၣ်လီၤ.
18 တုၤဃီၤလၢအဆၢကတီၢ်အဝဲန့ၣ်, အဝဲသ့ၣ်အဒူၣ်ထၢတဖၣ်, အဟံၣ်ဖိဃီဖိဘၣ်တၢ်ပာ်လီၤအီၤဖဲတၢ်လုၢ်ဟံၣ်အတြဲၤမုၢ်ထီၣ်, ဖဲစီၤပၤတဖၣ်လဲၤနုာ်ဝဲ, အကျဲစၢၤန့ၣ်လီၤ. လၢညါန့ၣ်အဝဲသ့ၣ်ဆၢထၢၣ်ပၢၤတၢ်ဖဲတြဲၤတဖၣ်လၢပှၤလဲၤနုာ်ဆူ ပှၤလ့ၤဝံဖိတဖၣ်အသူၣ်ဒဲအလီၢ်န့ၣ်လီၤ.
19 စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.
20 စီၤအလၤဧစၢ်အဖိခွါစီၤဖံနဃၣ်မ့ၢ်ပှၤပၢဆှၢကွၢ်ထွဲတ့ၢ်အဝဲ သ့ၣ်တဘျီ, ဒီးအဝဲမ့ၢ်ပှၤလၢယွၤအိၣ်ဒီးအီၤန့ၣ်လီၤ.
21 စီၤမၡ့လ့းမယၤအဖိခွါစီၤစကၤရယၤမ့ၢ်စ့ၢ်ကီးပှၤပၢၤတၢ်ဖိ တဂၤဖဲကျဲစၢၤလၢအလဲၤနုာ်ဆူယွၤအိၣ်ဝဲဆိးဝဲသူၣ်ဒဲ အလီၢ်န့ၣ်လီၤ.
22 ပှၤပိာ်ခွါခဲလၢာ်အိၣ်ဝဲခံကယၤတဆံခံဂၤလၢအဘၣ်တၢ်ဃုထၢ ထီၣ်အီၤဒ်ပှၤပၢၤတၢ်ဖိတဖၣ်အသိးလၢကျဲစၢၤတဖၣ်ဒီးတြဲၤတဖၣ် အဂီၢ်န့ၣ်လီၤ. တၢ်ကွဲးနီၣ်အဝဲသ့ၣ်အမံၤအသၣ်ဒ်သဝီတဖၣ်လၢအဝဲသ့ၣ်အိၣ်ဆိးဝဲ အသိးန့ၣ်လီၤ. ပှၤလၢအပာ်လီၤအဝဲသ့ၣ်အပၢ်ဖးဒိၣ်လၢပျၢၤတဖၣ်လၢမူဒါလီၢ်လၤ တဖၣ်အံၤအဂီၢ်မ့ၢ်စီၤပၤစီၤဒၤဝံးဒီးဝံစီၤၡမူၤအ့လးန့ၣ်လီၤ.
23 အဝဲသ့ၣ်ဒီးအစၢၤအသွဲၣ်တဖၣ်ပၢၤဒံးဒၣ်တြဲၤတဖၣ်လၢပှၤလဲၤနုာ် ဆူတၢ်လုၢ်ဟံၣ်ပူၤန့ၣ်လီၤ.
24 တြဲၤလၢအမဲာ်ကွၢ်ဃီၤဆူမူပၤလွံၢ်ကျိၤ, ကလံၤစိး, ကလံၤထံး, မုၢ်ထီၣ်ဒီးမုၢ်နုာ်အိၣ်တဘ့ၣ်စုာ်စုာ်, ဒီးအပှၤပၢၤတၢ်အဒိၣ်အိၣ်တဂၤစုာ်စုာ်လီၤ.
25 ပှၤပၢၤတၢ်ဖိတဖၣ်အံၤဘၣ်တၢ်မၤစၢၤအီၤလၢအဘူးအတံၢ်တဖၣ်လၢ အအိၣ်ဝဲဆိးဝဲလၢဒူသဝီတဖၣ်အပူၤ, လၢအဟံးန့ၢ်တၢ်ပၢၤတၢ်အမူအဒါတဘျီနွံသီတကတီၢ်ဘၣ်တကတီၢ်စုာ် စုာ်န့ၣ်လီၤ.
26 ပှၤပၢၤတၢ်ဖိအခိၣ်အဒိၣ်ကတၢၢ်လွံၢ်ဂၤ, မ့ၢ်ပှၤလ့ၤဝံဖိတဖၣ် ဒီးမ့ၢ်ပှၤအိၣ်ဒီးမူဒါအဒိၣ်လၢခံကတၢၢ်န့ၣ်လီၤ. အဝဲသ့ၣ်အိၣ်မူအိၣ်ဒါစ့ၢ်ကီးလၢဒၢးတဖၣ်လၢတၢ်လုၢ်ဟံၣ်အပူၤ ဒီးလၢတၢ်လုၢ်ဟံၣ်အတၢ်ပာ်ဖှိၣ်လၢတၢ်ပာ်အီၤဖဲန့ၣ်တဖၣ်အဂီၢ်လီၤ.
27 အဝဲသ့ၣ်အိၣ်ဝဲဆိးဝဲဘူးဒီးတၢ်လုၢ်ဟံၣ်မ့ၢ်လၢအဝဲသ့ၣ်အိၣ်မူ အိၣ်ဒါလၢကပၢၤအီၤဒီးအိးထီၣ်တြဲၤတဖၣ်ကိးမုၢ်ဂီၤဒဲးအဃိန့ၣ်လီၤ.
28 ပှၤလ့ၤဝံဖိအဂၤတဖၣ်အိၣ်မူအိၣ်ဒါလၢတၢ်အဃၢၤအဃိၢ်တဖၣ်လၢ အဘၣ်တၢ်သူအီၤလၢတၢ်ဘူၣ်ထီၣ်ဘါထီၣ်ယွၤအဂီၢ်န့ၣ်လီၤ. အဝဲသ့ၣ်ဘၣ်သမံသမိးတၢ်အဃၢၤအဃိၢ်တဖၣ်အံၤဖဲ တၢ်ထုးထီၣ်သူအီၤအခါမ့ၢ်ဂ့ၤ, တၢ်ဟဲက့ၤပာ်ကဒါက့ၤအီၤအခါ မ့ၢ်ဂ့ၤန့ၣ်လီၤ.
29 ပှၤအဂၤတဖၣ်ဘၣ်ကွၢ်ထွဲတၢ်စီဆှံအပီးအလီတဖၣ်, ဒီးကိၣ်ကမူၣ်, စပံးထံ, သ့ၣ်စၤယံးအသိ, သိနၢမူဒီးတၢ်နၢမူ အဂၤတဖၣ်န့ၣ်လီၤ.
30 ဘၣ်ဆၣ်တၢ်ဃါဃုာ်တၢ်နၢမူတဖၣ်အမူအဒါန့ၣ်ဘၣ်ဃးဒၣ်ဆူ ပှၤလုၢ်တၢ်အခိၣ်တဖၣ်န့ၣ်လီၤ.
31 ပှၤလ့ၤဝံဖိတဂၤလၢအမံၤမ့ၢ်စီၤမးတံးသယၤ, စီၤၡၤလူၣ်အဖိခွါဝဲၢ်ကိ, လၢပှၤကိၤရးဖိအဒူၣ်ထၢပူၤန့ၣ် အိၣ်မူအိၣ်ဒါလၢတၢ်ကတဲာ်ကတီၤတၢ်လုၢ်တၢ်ပာ်လၢတၢ်ကကုၢ်ဃိအီၤ တဖၣ်အဂီၢ်န့ၣ်လီၤ.
32 ပှၤကိၤရးအဒူၣ်ထၢ, အဟံၣ်ဖိဃီဖိတဖၣ်အိၣ်မူအိၣ်ဒါလၢတၢ် ကတဲာ်ကတီၤကိၣ်စီဆှံလၢတၢ်လုၢ်ဟံၣ်အဂီၢ်ကိးမုၢ်အိၣ်ဘှံး အနံၤဒဲးန့ၣ်လီၤ.
33 လ့ၤဝံအဟံၣ်ဒူၣ်ဃီထၢတနီၤအိၣ်မူအိၣ်ဒါလၢတၢ်လုၢ်ဟံၣ်အတၢ် သူၣ်ဝံၣ်သးဆၢအဂီၢ်န့ၣ်လီၤ. ဟံၣ်ဒူၣ်ဃီထၢတဖၣ်အံၤအခိၣ်အိၣ်ဆိးဝဲလၢတၢ်လုၢ်ဟံၣ်အတၢ်သူၣ် ထီၣ်တနီၤအပူၤ, ဒီးအိၣ်ပူၤအိၣ်ဖျဲးဝဲဒီးမူဒါအဂၤတဖၣ်မ့ၢ်လၢ, အဝဲသ့ၣ်ဘၣ်တၢ်ကိးထီၣ်အီၤလၢမုၢ်ဆါဒီးမုၢ်နၤအဃိန့ၣ်လီၤ.
34 ပှၤပိာ်ခွါလၢတၢ်ယၢၤထီၣ်အမံၤလၢထးတဖၣ်အံၤ, မ့ၢ်ပှၤလ့ၤဝံဖိအဟံၣ်ဒူၣ်ဃီထၢတဖၣ်အခိၣ်, ဒ်အပၢ်ဖးဒိၣ်လၢပျၢၤအတၢ်ဟဲလီၤစၢၤအသိးန့ၣ်လီၤ. အဝဲသ့ၣ်မ့ၢ်ခိၣ်နၢ်တဖၣ်လၢအအိၣ်ဆိးဝဲဖဲဝ့ၢ်ယရူၤၡလ့ၣ်အပူၤ န့ၣ်လီၤ.
(၈:၂၉-၃၈)
35 စီၤယဧူၤအ့လးသူၣ်ထီၣ်ဝ့ၢ်ကံးဘိၣ်ဒီးအိၣ်ဝဲဆိးဝဲဖဲန့ၣ် လီၤ. ဒီးအမါန့ၣ်မ့ၢ်ဝဲနီၢ်မၤကၤလီၤ.
36 အဖိခွါဝဲၢ်ကိန့ၣ်မ့ၢ်ဝဲစီၤဧၤဘဒိၣ်ဒီးအဖိခွါအဂၤတဖၣ် န့ၣ်မ့ၢ်ဝဲစီၤစူၢ်, စီၤကံၣ်, စီၤဘဧၤလး, စီၤန့ၢ်, စီၤနၤဒး,
37 စီၤကဒိၢ်, စီၤအဃံယိၤ, စီၤစကၤရယၤဒီးစီၤမံးကလိးလၢအမ့ၢ် စီၤၡံမၣ်အပၢ်န့ၣ်လီၤ.
38 အဝဲသ့ၣ်အစၢၤအသွဲၣ်တဖၣ်အိၣ်ဝဲဆိးဝဲဖဲဝ့ၢ်ယရူၤၡလ့ၣ်အပူၤ ဘူးဒီးအဟံၣ်ဒူၣ်အဂၤတဖၣ်လၢအဒူၣ်ထၢဒၣ်ဝဲန့ၣ်လီၤ.
39 စီၤန့ၢ်ထီၣ်ဖိစီၤကံၣ်, ဒီးစီၤကံၣ်ထီၣ်ဖိစီၤစီလူးန့ၣ်လီၤ. စီၤစီလူးအိၣ်ဒီးအဖိခွါလွံၢ်ဂၤလၢအမ့ၢ်ဝဲ, စီၤယိနၤသၣ်, စီၤမၤလကံၡူၤ, စီၤအဘံနဒာ်ဒီးစီၤအ့ၡလဧၤလး န့ၣ်လီၤ.
40 စီၤယိနၤသၣ်အဖိခွါန့ၣ်မ့ၢ်စီၤမရံးဘဧၤလး, ဒီးစီၤမရံးဘဧၤလးထီၣ်ဖိစီၤမံၤကါန့ၣ်လီၤ.
41 စီၤမံၤကါအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤပံၤသိၣ်, စီၤမ့လ့း, စီၤတၤဃရ့ဒီးစီၤအၤဃးန့ၣ်လီၤ.
42 စီၤအၤဃးထီၣ်ဖိစီၤယၤရ့ၤဒီးစီၤယၤရ့ၤအိၣ်ဒီးအဖိခွါ သၢဂၤလၢအမ့ၢ်ဝဲ, စီၤဧၤလ့မ့း, စီၤဧၤစမၤဝ့းဒီးစီၤစံၣ်ရံၤန့ၣ်လီၤ. ဒီးစီၤစံၣ်ရံၤမ့ၢ်စီၤမိစၤအပၢ်,
43 ဒီးစီၤမိစၤထီၣ်ဖိစီၤဘံးနၤ, ဒီးစီၤဘံးနၤထီၣ်ဖိစီၤရၤဖယၤ, ဒီးစီၤရၤဖယၤထီၣ်ဖိစီၤအ့လၤဧစၤဒီးစီၤအ့လၤဧစၤထီၣ်ဖိ စီၤအၤစ့လးန့ၣ်လီၤ.
44 စီၤအၤစ့လးအိၣ်ဒီးအဖိခွါဃုဂၤလၢအမ့ၢ်ဝဲ, စီၤဧးစရံကၣ်, စီၤဘိကရူၤ, စီၤယံးၡမၤဧ့လး, စီၤၡၤရံယၤ, စီၤဧိၤဘါဒယၤ, ဒီးစီၤဃၤနၣ်န့ၣ်လီၤ.