စံးထီၣ်ပတြၢၤ 69
1 ကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်. အဂ့ၢ်ဒ်အံၤ
ထံတဖၣ်ဟဲထီၣ်ပၢၢ်တုၤလၢယကိာ်န့ၣ်လီၤ.
2 ယလီၤဘျၢလၢကပံာ်ယိာ်အကျါ,
ဒီးဆၢထၢၣ်အလီၢ်တအိၣ်ဘၣ်.
ယဟဲနုာ်တ့ၢ်လၢထံယိာ်အကျါ,
ဒီးထံလုၣ်ဘၢယၤလီၤ.
3 တၢ်ဘှံးယသးလၢယကိးထီၣ်အဃိ,
ဒီးယကိာ်ယူၢ်ဃ့ထီဝဲလီၤ.
ယမဲာ်ယုာ်ဝဲလၢယကွၢ်လၢ်ယကစၢ်ကဟဲ
ဒီးမၤစၢၤယၤအဂီၢ်အဃိန့ၣ်လီၤ.
4 ပှၤလၢအသးဟ့ယၤကလီကလီတဖၣ်န့ၣ်
အိၣ်ဝဲအါန့ၢ်ယခိၣ်သူအဘိတက့ၢ်လီၤ.
ပှၤလၢကမၤဟးဂီၤယၤ, ပှၤလၢအထီဒါယၤ
လၢတၢ်လီတၢ်ဝ့ၤအပူၤတဖၣ်န့ၣ်
အိၣ်ဝဲအါမးန့ၣ်လီၤ.
အဝဲသ့ၣ်မၢ ယဟ့ၣ်ကဒါက့ၤတၢ်လၢ ယတဟုၣ်န့ၢ်အီၤဘၣ်လီၤ.
5 ကစၢ်ယွၤဧၢ, နသ့ၣ်ညါယတၢ်သူၣ်တဆးသးတဆးလီၤ.
ယတၢ်ဒဲးဘးတဖၣ်လၢယမၤတ့ၢ်လံအီၤန့ၣ်
တအိၣ်တဒၢဘၣ်လၢနၤဘၣ်.
6 ယွၤ, တၢ်သုးမုၢ်ဂီၢ်မုၢ်အကစၢ်ယွၤဧၢ,
မ်ပှၤလၢအမုၢ်လၢ်တၢ်လၢနၤတဖၣ်န့ၣ် အသုတ
ဘၣ်တၢ်မၤမဲာ်ဆှးအီၤလၢယဃိန့ၣ်တဂ့ၤ.
အံၣ်စရ့လးအကစၢ်ယွၤဧၢ,
မ်ပှၤလၢအဃုနၤတဖၣ်န့ၣ်အသုတဘၣ်
တၢ်မၤတရီတပါအီၤလၢယဃိန့ၣ်တဂ့ၤ.
7 အဂ့ၢ်ဒ်အံၤ, ယဘၣ်တၢ်ဒုၣ်ဒွဲၣ်လၢနဃိလီၤ.
တၢ်မဲာ်ဆှးလုၣ်ဘၢတ့ၢ်လံယမဲာ်လံ.
8 ယကဲထီၣ်တ့ၢ်လံပှၤသမှံၤလၢယဒီပုၢ်ဝဲၢ် သ့ၣ်တဖၣ်အဂီၢ်,
လီၤဂာ်ဒီးပှၤတခီဘီမုၢ်ဖိလၢယမိၢ်အဖိတဖၣ် အဂီၢ်န့ၣ်လီၤ.
9 အဂ့ၢ်ဒ်အံၤ, ယတၢ်သးဆူၣ်လၢနဟံၣ်အဂီၢ်န့ၣ်
အီၣ်ကွံာ်ယၤဒ်မ့ၣ်အူအသိး
ဒီးပှၤအတၢ်ဒုၣ်ဒွဲၣ်နၤန့ၣ် လီၤဘၣ်လၢယလိၤလီၤ.
10 တုၤယဆီၣ်လီၤယသးလၢတၢ်ဒုၣ်တၢ်အီၣ်န့ၣ်
ကဲထီၣ်က့ၤဝဲလၢတၢ်ဒုၣ်ဒွဲၣ်ယၤန့ၣ်လီၤ.
11 ယသိးထီၣ်တၢ်သးအုးအကူအသိးဒီး
အဝဲသ့ၣ်နံၤဘၣ်ယၤလီၤ.
12 ယကဲထီၣ်တၢ်ဘၣ်ကတိၤအလီၢ်လၢပှၤလၢ
အဆ့ၣ်နီၤလၢပဲတြီဒီး
ပှၤအီမူၤသံးတဖၣ်မၤတၢ်သးဝံၣ်တဖၣ်ဘၣ်ဃး ဒီးယၤလီၤ.
13 ယွၤဧၢ, မ့မ့ၢ်ယဲဒၣ်အံၤ, ယဘါထုကဖၣ်တၢ်ဆူနၤလီၤ.
ကစၢ်ယွၤဧၢ, လၢဆၢကတီၢ်လၢနဃုထၢအီၤ
ဒီးလၢနတၢ်အဲၣ်ဂၢၢ်ကျၢၤလၢလၢပှဲၤပှဲၤအပူၤန့ၣ်
စံးဆၢလၢ်ယၤတက့ၢ်.
အဂ့ၢ်ဒ်အံၤ, နဟံးဃာ်ကျၢၤနတၢ်အၢၣ်လီၤအီလီၤလၢ နကအုၣ်က့ၤခီၣ်က့ၤတၢ်လီၤ.
14 မၤပူၤဖျဲးယၤလၢတၢ်လီၤဘျၢလၢကပံာ်န့ၣ်တက့ၢ်.
မ်ယဘၣ်တၢ်မၤပူၤဖျဲးယၤလၢဒုၣ်ယဒါတဖၣ်
ဒီးလၢထံယိာ်တဖၣ်န့ၣ်တက့ၢ်.
15 မ်ထံသုတလုၣ်ဘၢယၤတဂ့ၤ.
မ်ထံယိာ်အသုတယူၢ်လီၤကွံာ်ယၤတဂ့ၤ.
မ်တၢ်ပူၤအသုတကျၢၢ်ဘၢအကိာ်ပူၤလၢယၤတဂ့ၤ.
16 ယွၤဧၢ, စံးဆၢလၢ်ယၤတက့ၢ်.
အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤမ့ၢ်တၢ်ဂ့ၤလီၤ.
ဃၣ်နသးဆူယအိၣ်ဒ်နတၢ်သးကညီၤ
အလၢအပှဲၤအသိးန့ၣ်တက့ၢ်.
17 ပာ်တဒၢနမဲာ်လၢနခ့နပှၤအအိၣ်န့ၣ်တဂ့ၤ.
အဂ့ၢ်ဒ်အံၤ, ယအိၣ်လၢတၢ်ကိၢ်တၢ်ဂီၤဖးဒိၣ်အပူၤလီၤ.
မၤချ့ချ့လၢနကစံးဆၢယၤန့ၣ်တက့ၢ်.
18 သုးဘူးနသးဆူယအိၣ်တက့ၢ်. ပှ့ၤက့ၤယၤတက့ၢ်.
မၤပူၤဖျဲးယၤလၢယဒုၣ်ယဒါအစုပူၤန့ၣ်တက့ၢ်.
19 နသ့ၣ်ညါယဘၣ်တၢ်ဒုၣ်ဒွဲၣ်ယၤဒ်လဲၣ်,
တၢ်မၤမဲာ်ဆှးဒီး မၤတရီတပါယၤဒ်လဲၣ်,
နထံၣ်ယဒုၣ်ယဒါခဲလၢာ်လီၤ.
20 တၢ်ဒုၣ်ဒွဲၣ်ဒုးသူၣ်ကၢ်သးလီၤတ့ၢ်ယၤ,
တုၤဒၣ်လဲာ်ယအိၣ်လၢ
တၢ်သူၣ်ဟးဂီၤသးဟးဂီၤအပူၤန့ၣ်လီၤ.
ယကွၢ်လၢ်ပှၤလၢအကသးကညီၤတၢ်,
ဘၣ်ဆၣ်တအိၣ်နီတဂၤဘၣ်.
ဒီးပှၤလၢအမၤမုာ်တၢ်တဖၣ်,
ဘၣ်ဆၣ်ယတထံၣ်န့ၢ်နီတဂၤဘၣ်.
21 တုၤတၢ်သၣ်ဝံၤယသးဒီးအဝဲသ့ၣ်ဟ့ၣ်ယၤ
တၢ်အစုၣ်လၢတၢ်အီၣ်အဂီၢ်
ဒီးတုၤတၢ်သူယသးလၢထံဒီးအဝဲသ့ၣ်ဟ့ၣ်ယၤ
တၤဆံၣ်အထံလၢယကအီအဂီၢ်န့ၣ်လီၤ.
22 မ်အစီၢ်နီၤခိၣ်ကဲထီၣ်ထုတဆိလၢအမဲာ်ညါတက့ၢ်.
မ်အတၢ်အီၣ်လုၢ်ထီၣ်ပာ်ထီၣ်တဖၣ်အံၤ
ကဲထီၣ်ပျံၤသကွီၤန့ၣ်တက့ၢ်.
23 မ်အမဲာ်ခံးလီၤဒ်သိးအသုတထံၣ်ဘၣ်
တၢ်တဂ့ၤအဂီၢ်န့ၣ်တက့ၢ်.
ဒီးဒုးကနိးအယီၢ်ဒ့တထံၣ်ဃီန့ၣ်တက့ၢ်.
24 လူလီၤနတၢ်သးထီၣ်လၢအလိၤတက့ၢ်.
ဒီးမ်နတၢ်သးဒိၣ်အတၢ်ကဲၤထီၣ်ချုးန့ၢ်အီၤတက့ၢ်.
25 မ်အအိၣ်အဆိးအလီၢ်အိၣ်သယုၢ်တက့ၢ်.
မ်ပှၤအသုတအိၣ်တဆိးလၢ
အဒဲတဖၣ်အပူၤန့ၣ်တဂ့ၤ.
26 အဂ့ၢ်ဒ်အံၤ, အဝဲသ့ၣ်မၤအၢမၤသီပှၤလၢ
နသိၣ်ဃီၣ်တ့ၢ်အီၤတဖၣ်,
အဝဲသ့ၣ်စံးကတိၤပှၤလၢနမၤဆါတ့ၢ်အီၤ
အတၢ်နးတၢ်ဖှီၣ်အဂ့ၢ်လီၤ.
27 လိာ်ကွီၢ်အဝဲသ့ၣ်လၢ တၢ်ကမၣ်တခါဝံၤတခါဒီး
မ်အသုတဒိးန့ၢ်နတၢ်အုၣ်က့ၤခီၣ်က့ၤနီတမံၤတဂ့ၤ.
28 မ်အမံၤဘၣ်တၢ်တြူာ်ကွံာ်အီၤလၢလံာ်မူအပူၤတက့ၢ်.
မ်အသုတအိၣ်ကွဲးလီၤအသးလၢ
29 မ့မ့ၢ်ယဲဒၣ်အံၤယဘၣ်နးဘၣ်ဖှီၣ်ဒီး
ယအိၣ်လၢတၢ်ဆူးတၢ်ဆါအပူၤလီၤ.
ကစၢ်ယွၤဧၢ, မ်နတၢ်အုၣ်က့ၤခီၣ်က့ၤပာ်ယၤလၢ
30 ယကသးဝံၣ်စံးထီၣ်ပတြၢၤကစၢ်ယွၤအမံၤ လၢတၢ်သးဝံၣ်,
ယကပာ်ဒိၣ်အီၤလၢတၢ်စံးဘျုးစံးဖှိၣ်လီၤ.
31 ဒီးတၢ်အံၤကမၤမုာ်ယွၤအသးအါန့ၢ်ဒံး
တၢ်လုၢ်ထီၣ်ပာ်ထီၣ်ဂီၤဘုၣ်ဂီၤဖံး,
ဒိၣ်န့ၢ်ဒံးတၢ်လုၢ်ထီၣ်ကျီၢ်ဖျါ
တဒုလၢအဒိၣ်တုာ်ခိၣ်ပှဲၤတက့ၢ်န့ၣ်လီၤ.
32 မ်ပှၤလၢအဘၣ်တၢ်မၤအၢအီၤ
ထံၣ်ဒီးသူၣ်ခုသးခုန့ၣ်တက့ၢ်.
ပှၤလၢအဃုကစၢ်ယွၤဧၢ, မ်နသးမူထီၣ်က့ၤတက့ၢ်.
33 အဂ့ၢ်ဒ်အံၤ, ယွၤနၢ်ဟူပှၤဖှီၣ်ဖိယာ်ဖိအကလုၢ်
ဒီးအပှၤလၢအဘၣ်တၢ်စၢဃာ်တဖၣ်န့ၣ်
34 မ်မူခိၣ်ဒီးဟီၣ်ခိၣ်, ပီၣ်လဲၣ်ဒီး
ကယဲၢ်တၢ်လၢအလဲၤလၢအပူၤခဲလၢာ်န့ၣ်,
စံးထီၣ်ပတြၢၤကစၢ်ယွၤတက့ၢ်.
35 အဂ့ၢ်ဒ်အံၤ, ယွၤကအုၣ်က့ၤခီၣ်က့ၤစံယိၣ်,
ဒီးကသူၣ်ထီၣ်က့ၤယူဒၤအဝ့ၢ်တဖၣ်
ဒီးအခ့အပှၤသ့ၣ်တဖၣ်ကအိၣ်ကဆိးဖဲန့ၣ်ဒီး
ကန့ၢ်ဘၣ်ကီၢ်န့ၣ်လီၤ.
36 အခ့အပှၤအဖိတဖၣ်ကန့ၢ်သါဘၣ်ဝဲ,
ဒီးပှၤလၢအအဲၣ်အမံၤတဖၣ်
ကအိၣ်ကဆိးလၢအပူၤလီၤ.