စံးထီၣ်ပတြၢၤ 55
1 ကစၢ်ယွၤဧၢ, ဒိကနၣ်ယတၢ်ထုကဖၣ်တက့ၢ်,
ဒီးပာ်တဒၢနသးလၢယတၢ်ဃ့ကညးန့ၣ်တဂ့ၤ
2 ဒိကနၣ်ယကလုၢ်, ဒီးစံးဆၢလၢ်ယၤတက့ၢ်.
ယဘၣ်တၢ်မၤနၢၤယၤလၢယတၢ်ကိၢ်တၢ်ဂီၤ တဖၣ်န့ၣ်လီၤ.
3 ယသးဒံဝ့ၤဒံဝီၤလၢယဒုၣ်ယဒါအကလုၢ်အဃိ,
ဒီးလၢပှၤတတီတလိၤအတၢ်ဆီၣ်ဘံၣ်ဆီၣ်ဘၢအဃိန့ၣ်လီၤ.
အဂ့ၢ်ဒ်အံၤ, အဝဲသ့ၣ်ဟဲစိာ်တၢ်ကိၢ်တၢ်ဂီၤလၢယဂီၢ်,
ဒီးလၢအတၢ်သးထီၣ်အပူၤ
အဝဲသ့ၣ်သးဟ့ယၤလီၤ.
4 ယသူၣ်ကနိးယသးကနိးလၢယပူၤ,
ဒီးတၢ်သံအတၢ်မၤပျံၤမၤဖုး
လီၤဘၣ်လၢယလိၤလီၤ.
5 တၢ်ပျံၤဒီးတၢ်ကနိးလီၤဘၣ်ယၤ,
ဒီးတၢ်လီၤပျံၤလီၤဖုးလုၣ်ဘၢယၤလီၤ.
6 ဒီးယစံး, မ်ယအိၣ်ဒီးဒံးဆ့ဒ်ထိၣ်လွံၢ်အသိးန့ၣ်တ က့ၢ်.
ယကယူၤထီၣ်ကွံာ်ဒီးအိၣ်ဘှံးအိၣ်သါလီၤ.
7 ကွၢ်ကွၢ်, ယကယူၤဝ့ၤဝီၤလၢအယံၤ,
ယကအိၣ်လၢပှၢ်မုၢ်ကနၢလီၤ. စ့လၤ
8 ယကဃုထံၣ်န့ၢ်တၢ်ပူၤဖျဲးအလီၢ်ချ့ချ့
လၢကလံၤမုၢ်ဒီးလၢကလံၤမုၢ်တွၤန့ၣ်လီၤ.
9 ယွၤဧၢ, မၤဟးဂီၤအတၢ်တိာ်ပာ်
ဒီးမၤသဘံၣ်ဘုၣ်အပျ့ၤတဖၣ်န့ၣ်တက့ၢ်.
အဂ့ၢ်ဒ်အံၤ, ယထံၣ်တၢ်မၤအၢဒီး
တၢ်အ့ၣ်လိာ်ဆိးက့လိာ်လၢဝ့ၢ်ပူၤလီၤ.”
10 လၢမုၢ်ဆါဒီးလၢမုၢ်နၤန့ၣ်
လဲၤဝးတရံးဝဲလၢဝ့ၢ်ခိၣ်ဒူအဖီခိၣ်,
ဒီးတၢ်မၤဟးဂီၤတၢ်ဒီးတၢ်နးတၢ်ဖှီၣ်
အိၣ်ဝဲလၢအပူၤလီၤ.
11 တၢ်ဟးဂူာ်ဟးဂီၤအိၣ်လၢလီၢ်ကိးပူၤဒဲးဒီး
တၢ်မၤအၢတၢ်ဒီးတၢ်လီတၢ်န့ၣ်,
12 တၢ်အံၤတမ့ၢ်ဘၣ်ဒုၣ်ဒါလၢအဒုၣ်ဒွဲၣ်ယၤဘၣ်.
မ့မ့ၢ်ဒ်န့ၣ်ဒီးယတူၢ်ကကဲယဲလီၤ.
တမ့ၢ်ဘၣ်ပှၤလၢအသးဟ့ယၤ
ပာ်ဒိၣ်အသးလၢယဖီခိၣ်ဘၣ်.
မ့မ့ၢ်ဒ်န့ၣ်ဒီးယကပာ်တဒၢယသးလၢအီၤလီၤ.
13 ဘၣ်ဆၣ်ပှၤအံၤမ့ၢ်နၤ, ယတံၤသကိး,
ယတံၤသကိးတံၢ်တံၢ်န့ၣ်လီၤ.
14 ပကတိၤသကိးတၢ်ဘူးဘူးတံၢ်တံၢ်တဂၤဒီးတဂၤ,
ဒီးပဘူၣ်သကိးဘါသကိးတပူၤဃီ လၢယွၤအဟံၣ်ပူၤလီၤ.
15 မ်တၢ်သံလီၤဘၣ်လၢယဒုၣ်ယဒါတဖၣ်အလိၤ တချုးအဆၢကတီၢ်ဘၣ်ဒံးတက့ၢ်.
မ်အလဲၤလီၤမူဒံးဝဲဆူပျုၤပူၤတက့ၢ်,
တၢ်အၢတၢ်သီအိၣ်ဝဲလၢအတၢ်အိၣ်တၢ်ဆိးအလီၢ်
16 ဘၣ်ဆၣ်ယကိးထီၣ်ယွၤ, ကစၢ်ယွၤ
ဒီးယွၤကမၤပူၤမၤဖျဲးယၤလီၤ.
17 မုၢ်ဟါ, ဒီးမုၢ်ဂီၤ, ဒီးလၢမုၢ်ထူၣ်န့ၣ်
ယကအုကစွါဒီးယဟီၣ်ယယၢၤ,
ဒီးအဝဲကနၢ်ဟူယကလုၢ်လီၤ.
18 လၢတၢ်ဒုးတၢ်ယၤအပူၤန့ၣ်,
ကမၤပူၤဖျဲးယသးလၢယဒုၣ်ယဒါအါဂၤအစုပူၤ ဒီးဟ့ၣ်ယၤတၢ်မုာ်တၢ်ခုၣ်န့ၣ်လီၤ.
19 ကစၢ်ယွၤ, လၢအပၢတၢ်လၢတၢ်လီၤထူလီၤယိာ်န့ၣ်
ကနၢ်ဟူယၤဒီးမၤနၢၤအဝဲသ့ၣ်လီၤ.
အဂ့ၢ်ဒ်အံၤ, အဝဲသ့ၣ်တလဲလိာ်အသးဘၣ်
ဒီးအဝဲသ့ၣ်တပျံၤဘၣ်ယွၤဘၣ်. စ့လၤ
20 ယတံၤသကိးယူာ်ထီၣ်အစုထီဒါ
အတံၤသကိးသ့ၣ်တဖၣ်
ဒီးမၤဟးဂီၤအတၢ်အၢၣ်လီၤအီလီၤတဖၣ်န့ၣ်လီၤ.
21 အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ.
မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ.
အတၢ်ကတိၤတဖၣ်စၢ်န့ၢ်သိတက့ၢ်လီၤ,
ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.
22 ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်.
ဒီးအဝဲဒၣ်ကမၤစၢၤနၤလီၤ.
အဝဲတပျဲပှၤတီပှၤလိၤဟူးဝးနီတဘျီဘၣ်.
23 ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ
တၢ်ဟးဂီၤအတၢ်ပူၤလီၤ.
ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ်
အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်.
မ့မ့ၢ်ယဲဒၣ်အံၤယကသန့ၤယသးလၢနၤလီၤ.