စံးထီၣ်ပတြၢၤ 54
1 ကစၢ်ယွၤဧၢ, အုၣ်က့ၤခီၣ်က့ၤယၤလၢနမံၤ
ဒီးပာ်တီပာ်လိၤယၤလၢနဂံၢ်နဘါန့ၣ်တက့ၢ်.
2 ကစၢ်ယွၤဧၢ, ကနၣ်ယဘါထုကဖၣ်တၢ်,
ဒီးဒိးနနၢ်လၢယထးခိၣ်
အတၢ်ကတိၤတဖၣ်န့ၣ်တက့ၢ်.
3 အဂ့ၢ်ဒ်အံၤ, ပှၤပာ်ထီၣ်ထီအသးတဖၣ်
ဂဲၤဆၢထၢၣ်ထီဒါယၤ,
ပှၤမၤတၢ်အၢတဖၣ်ဃုယသးလီၤ.
အဝဲသ့ၣ်တပာ်ဘၣ်ကစၢ်ယွၤလၢအမဲာ်ညါဘၣ်. စ့လၤ
4 ကွၢ်ကွၢ်, ကစၢ်ယွၤမ့ၢ်ပှၤမၤစၢၤယၤလီၤ.
ကစၢ်ယွၤအိၣ်ဝဲလၢပှၤလၢအစိာ်ထီၣ်
မၤစၢၤယသးတဖၣ်အကျါလီၤ.
5 အဝဲဟ့ၣ်ကၣ်တၢ်အၢလၢယဒုၣ်ယဒါတဖၣ်ဒီး
ယွၤကမၤဟးဂီၤကွံာ်အဝဲသ့ၣ်လၢ
အတၢ်သူၣ်တီသးလိၤအပူၤန့ၣ်လီၤ.
6 ယွၤဧၢ, ယကလုၢ်ထီၣ်နၤတၢ်လုၢ်လၢတၢ်သးခုအပူၤ,
ယကစံးဘျုးနၤမ့ၢ်လၢနမ့ၢ်တၢ်ဂ့ၤအဃိလီၤ.
7 နမၤပူၤဖျဲးတ့ၢ်လံယၤလၢကယဲၢ်
ယတၢ်ကိၢ်တၢ်ဂီၤခဲလၢာ်,
ဒီးယမဲာ်ထံၣ်လံယဒုၣ်ယဒါတဖၣ်
ဘၣ်တၢ်မၤနၢၤအီၤလံန့ၣ်လီၤ.