စံးထီၣ်ပတြၢၤ 47
1 ပှၤဂီၢ်မုၢ်ခဲလၢာ်သ့ၣ်ဧၢ, ဒဲသုစု,
ကိးပသူထီၣ်ဆူကစၢ်ယွၤလၢတၢ်သူၣ်ဖှံသးညီ
အတၢ်သးဝံၣ်တဖၣ်န့ၣ်တက့ၢ်.
2 ယွၤ, တၢ်ထီကတၢၢ်တဂၤအံၤကဘၣ်တၢ်ပျံၤအီၤလီၤ.
အဝဲမ့ၢ်စီၤပၤဖးဒိၣ်တဂၤလၢ
အပၢဟီၣ်ခိၣ်ဒီဘ့ၣ်န့ၣ်လီၤ.
3 အဝဲဟ့ၣ်ပှၤတၢ်မၤနၢၤလၢပှၤဂီၢ်မုၢ်တဖၣ်အဖီခိၣ်,
အဝဲဒုးပၢပှၤ, ပှၤကလုာ်တဖၣ်န့ၣ်လီၤ.
4 အဝဲဃုထၢတ့ၢ်ထံကီၢ်လၢပအိၣ်အလီၢ်အဂီၢ်,
တၢ်န့ၢ်သါလၢအပှၤဂီၢ်မုၢ်
လၢအအဲၣ်ဝဲအဂီၢ်န့ၣ်လီၤ. စ့လၤ
5 ကစၢ်ယွၤက့ၤထီၣ်ဆူအလီၢ်ပစိာ်လီၤ.
တၢ်သူၣ်ဖှံသးညီအတၢ်ကိးထီၣ်တဖၣ်
ဒီးကွဲၤတဖၣ်သီၣ်ထီၣ်ဝဲ
ဖဲယွၤက့ၤထီၣ်ဆူထးန့ၣ်လီၤ.
6 သးဝံၣ်စံးထီၣ်ပတြၢၤကစၢ်ယွၤ,
သးဝံၣ်စံးထီၣ်ပတြၢၤပစီၤပၤတက့ၢ်.
7 ကစၢ်ယွၤမ့ၢ်စီၤပၤလၢဟီၣ်ခိၣ်ဒီဘ့ၣ်ညါလီၤ.
စံးထီၣ်ပတြၢၤအီၤလၢတၢ်သးဝံၣ်တဖၣ်န့ၣ်တက့ၢ်.
8 ကစၢ်ယွၤဆ့ၣ်နီၤလၢအလီၢ်ပစိာ်စီဆှံအဖီခိၣ်ဒီး,
အဝဲပၢဝဲပှၤကလုာ်တဖၣ်န့ၣ်လီၤ.
9 ပှၤပၢတၢ်လၢအပၢပှၤကလုာ်တဖၣ်အိၣ်ဖှိၣ်ရိဖှိၣ်
ဒီးစီၤအၤဘြၤဟၣ်အကစၢ်ယွၤ အပှၤဂီၢ်မုၢ်တဖၣ်န့ၣ်လီၤ.
အဂ့ၢ်ဒ်အံၤ ဟီၣ်ခိၣ်အကတီၤတဖၣ်
ဘၣ်ဃးဒီးယွၤန့ၣ်လီၤ.
အဝဲဘၣ်တၢ်ပာ်ထီၣ်ထီအီၤဒိၣ်မးန့ၣ်လီၤ.