စံးထီၣ်ပတြၢၤ 37
1 တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ.
တဘၣ်သူၣ်က့ၣ်သးက့ၣ်
ပှၤလၢအမၤကမၣ်တၢ်တဂ့ၤ.
2 အဂ့ၢ်ဒ်အံၤ, တယံာ်ဘၣ်ဒီး
အဝဲသ့ၣ်ကလီၤညွံးကွံာ်ဝဲဒ်တပံၢ်အသိး
ဒီးကဃ့ထီကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.
3 သန့ၤနသးလၢယွၤဒီးမၤတၢ်ဂ့ၤတက့ၢ်.
အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ
ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.
4 ဃုနတၢ်သးခုလၢယွၤအပူၤတက့ၢ်.
ဒီးအဝဲကဟ့ၣ်နၤတၢ်လၢ
5 ဟ့ၣ်လီၤနသးလၢယွၤ,
နာ်အီၤဒီးအဝဲကမၤစၢၤနၤလီၤ.
6 အဝဲကမၤဖျါထီၣ်နတၢ်တီတၢ်လိၤဒ်
မုၢ်ဆ့ၣ်အတၢ်ကပီၤအသိး,
ဒီးနတၢ်စံၣ်ညီၣ်တီ
ဒ်မုၢ်ထူၣ်အတၢ်ကပီၤအသိးန့ၣ်လီၤ.
7 အိၣ်ဃိကလာ်လၢယွၤအမဲာ်ညါ,
ဒီးခိးအီၤလၢတၢ်ဝံသးစူၤအပူၤန့ၣ်တက့ၢ်.
ဘၣ်ကိၢ်ဘၣ်ဂီၤလၢ
ပှၤလၢအဘီၣ်ထီၣ်ညီထီၣ်လၢအကျဲဒၣ်ဝဲ,
မ့တမ့ၢ်ပှၤလၢအမၤန့ၢ်တၢ်လၢ
8 ပၢၤနသးလၢတၢ်သးထီၣ်,
ဒီးညိကွံာ်တၢ်သးဒိၣ်န့ၣ်တက့ၢ်.
ဘၣ်ကိၢ်ဘၣ်ဂီၤတဂ့ၤ.
တၢ်ကိၢ်တၢ်ဂီၤန့ၣ်မ့ၢ်ဒၣ်တၢ်လၢအဆှၢပှၤဆူ
တၢ်အၢတၢ်သီန့ၣ်လီၤ.
9 အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ,
ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်,
ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.
10 တစိၢ်ဖိဒီးပှၤအၢပှၤသီကဟါမၢ်ကွံာ်ဝဲ,
နမ့ၢ်ဃုအီၤဘၣ်ဆၣ်နတထံၣ်န့ၢ်အီၤလၢၤဘၣ်.
11 မ့မ့ၢ်ပှၤလၢအဆီၣ်လီၤအသးတဖၣ်
ကဒိးန့ၢ်ဘၣ်ထံဧိၤကီၢ်ဧိၤ
ဒီးကမုာ်လၤသးခုလၢတၢ်ဘီၣ်တၢ်ညီ
12 ပှၤအၢပှၤသီကူၣ်ထီဒါပှၤအဂ့ၤအဝါ
ဒီးအ့ၣ်စဃံးအမဲလၢအီၤလီၤ.
13 ဘၣ်ဆၣ်ယွၤနံၤဘၣ်ပှၤအၢပှၤသီ,
အဂ့ၢ်မ့ၢ်လၢအဝဲထံၣ်သ့ၣ်ညါဝဲလၢ
14 ပှၤအၢပှၤသီဘီၣ်ထီၣ်အနးတဖၣ်ဒီးဖ့ၣ်ထီၣ်အချံၣ်တဖၣ်
ဒ်သိးကမၤလီၤဃံၤပှၤဖှီၣ်ဖိယာ်ဖိ
ဒီးပှၤလၢအလိၣ်ဘၣ်တၢ်,
ဒ်သိးကမၤသံပှၤလၢအလဲၤတၢ်လၢ
တၢ်တီတၢ်လိၤအပူၤန့ၣ်လီၤ.
15 အနးတဖၣ်ကဆဲးဘၣ်က့ၤအသးဒၣ်ဝဲ
ဒီးအချံၣ်တဖၣ်ကဘၣ်တၢ်မၤကၢ်ကွံာ်အီၤန့ၣ်လီၤ.
16 တၢ်တစဲးဖိလၢအအိၣ်ဝဲဒီးပှၤအဂ့ၤအဝါန့ၣ်,
ဂ့ၤန့ၢ်ဒံးပှၤအၢပှၤသီအတၢ်အိၣ်လၢအိၣ်ပှဲၤ
တက့ၢ်န့ၣ်လီၤ.
17 အဂ့ၢ်ဒ်အံၤ,
ယွၤကဟံးထီၣ်ကွံာ်ပှၤအၢပှၤသီအဂံၢ်အဘါ,
ဘၣ်ဆၣ်မၤစၢၤပှၤအဂ့ၤအဝါန့ၣ်လီၤ.
18 ယွၤကွၢ်ထွဲပှၤလၢအဒိကနၣ်အီၤ,
ဒီးအတၢ်န့ၢ်သါန့ၣ်ကအိၣ်ဝဲလီၤစိၤလီၤထီလီၤ.
19 အဝဲသ့ၣ်တတူၢ်ဘၣ်တၢ်ဖဲ
တၢ်အၢတၢ်သီအကတီၢ်န့ၣ်ဘၣ်.
အဝဲသ့ၣ်ကအီၣ်ကုးအီပှဲၤဖဲ
တၢ်သၣ်ဝံၤလီၤဒိအကတီၢ်န့ၣ်လီၤ.
20 ဘၣ်ဆၣ်ပှၤအၢပှၤသီကသံဝဲလီၤ.
ယွၤအဒုၣ်အဒါတဖၣ်ကလီၤမၢ်ကွံာ်ဒ်
တၢ်အီၣ်ဆၣ်အလီၢ်အတၢ်ဃံတၢ်လၤအသိး,
အဝဲသ့ၣ်ကဟါမၢ်ကွံာ်ဒ်မ့ၣ်အူလုၣ်အသိးန့ၣ်လီၤ.
21 ပှၤအၢပှၤသီန့ၣ်လိၢ်တၢ်ဒီးတလိးက့ၤဝဲနီတဘျီဘၣ်.
ဘၣ်ဆၣ်ပှၤအဂ့ၤအဝါတဖၣ်န့ၣ်
သးကညီၤတၢ်ဒီးဟ့ၣ်ညီတၢ်လီၤ.
22 ပှၤလၢအဘၣ်တၢ်ဆိၣ်ဂ့ၤလၢယွၤန့ၣ်
ကဒိးန့ၢ်ဘၣ်ထံဧိၤကီၢ်ဧိၤ,
ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ်
ကဘၣ်တၢ်ဒီၣ်တဲာ်ကွံာ်အီၤလီၤ.
23 ယွၤနဲၣ်လိပှၤကညီအကျဲလၢကဘၣ်လဲၤဝဲ
ဒီးကဟုဘံၣ်ကယာ်ဘၢပှၤလၢ
အမၤမုာ်အသးန့ၣ်လီၤ.
24 အဝဲသ့ၣ်မ့ၢ်လီၤဃံၤဒၣ်လဲာ်,
တဟးဂီၤတုၤအလၢာ်ဘၣ်.
အဂ့ၢ်ဒ်အံၤ, ယွၤကဟံးအစုဒီးမၤစၢၤအီၤလီၤ.
25 ယမ့ၢ်တ့ၢ်ပှၤသးစၢ်, ဒီးအခဲအံၤယမ့ၢ်ပှၤသးပှၢ်လံ.
ဘၣ်ဆၣ်ပှၤအဂ့ၤအဝါဘၣ်တၢ်ညိကွံာ်အီၤမ့ၢ်ဂ့ၤ,
အဖိအလံၤဃ့အီၣ်တၢ်မ့ၢ်ဂ့ၤန့ၣ်,
ယတထံၣ်နီတဘျီဘၣ်.
26 ထီဘိအဝဲဟ့ၣ်ကလီတၢ်လၢတၢ်သးကညီၤအပူၤ
ဒီးဒုးလိၢ်တၢ်,
ဒီးအဖိအလံၤတဖၣ်ကဘၣ်တၢ်ဆိၣ်ဂ့ၤအီၤလီၤ.
27 ဟးဆှဲးတၢ်အၢ, ဒီးမၤတၢ်ဂ့ၤ,
ဒီးနကအိၣ်နဲဆိးနဲလၢကီၢ်ပူၤလီၤစိၤလီၤထီလီၤ.
28 အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ
ဒီးတလဲၤသဒၣ်အပှၤစီဆှံနီတဘျီဘၣ်.
အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ,
ဘၣ်ဆၣ်ပှၤအၢပှၤသီအဖိအလံၤတဖၣ်
ကဘၣ်တၢ်ဒီၣ်တဲာ်ကွံာ်အီၤလီၤ.
29 ပှၤတီပှၤလိၤကဒိးန့ၢ်ဘၣ်ထံဧိၤကီၢ်ဧိၤ
ဒီးကအိၣ်ဝဲဆိးဝဲလၢအပူၤလီၤစိၤလီၤထီလီၤ.
30 ပှၤအဂ့ၤအဝါအတၢ်ကတိၤန့ၣ်မ့ၢ်တၢ်ကူၣ်သ့
ဒီးအဝဲသ့ၣ်ထီဘိစံးကတိၤတၢ်အမ့ၢ်အတီလီၤ.
31 အဝဲသ့ၣ်ပၢၤဃာ်အကစၢ်ယွၤအတၢ်သိၣ်တၢ်သီ
လၢအသးကံၢ်ပူၤ
ဒီးတဟးဖးလၢယွၤအတၢ်သိၣ်တၢ်သီန့ၣ်
32 ပှၤအၢပှၤသီကွၢ်ဟုၣ်ကွၢ်စုာ်ပှၤအဂ့ၤအဝါ
ဒီးဃုမၤသံအီၤန့ၣ်လီၤ.
33 ယွၤတလဲၤသဒၣ်အီၤလၢအဒုၣ်အဒါ
အတၢ်စိတၢ်ကမီၤအပူၤမ့ၢ်ဂ့ၤ,
တပျဲတၢ်စံၣ်ညီၣ်ဘၣ်အီၤဖဲ
အဘၣ်တၢ်သမံသမိးအီၤ အကတီၢ်မ့ၢ်ဂ့ၤန့ၣ်ဘၣ်လီၤ.
34 မုၢ်လၢ်တၢ်လၢယွၤအပူၤဒီး
ဒိကနၣ်အတၢ်မၤလိာ်တဖၣ်န့ၣ်တက့ၢ်.
အဝဲဒၣ်ကမၤလၤကပီၤနၤခီဖျိ
တၢ်ဟ့ၣ်လီၤနၤထံဧိၤကီၢ်ဧိၤ,
ဒီးနကထံၣ်ပှၤအၢပှၤသီ
ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.
35 ယထံၣ်တ့ၢ်ပှၤအၢပှၤသီတဂၤလၢအမၤနၢၤမၤပ့ၤတၢ်,
ဒီးဂုၤထီၣ်ပသီထီၣ်ဝဲဒ်
လဘၤနိၣ်အသ့ၣ်ဆှိအ့ရ့းအသိးန့ၣ်လီၤ.
36 ဘၣ်ဆၣ်ဖဲယလဲၤခီဂာ်ကဒီးတဘျီန့ၣ်,
အဝဲတအိၣ်ဖဲန့ၣ်လၢၤဘၣ်.
ယဃုအီၤဒၣ်လဲာ်, ယတထံၣ်န့ၢ်အီၤလၢၤဘၣ်.
37 ကွၢ်, ပှၤလၢအတၢ်ကမၣ်တအိၣ်,
ဒီးကွၢ်ပှၤလၢအသူၣ်တီသးလိၤန့ၣ်တက့ၢ်.
အဂ့ၢ်ဒ်အံၤ, ပှၤလၢအမၤဃူမၤဖိးတၢ်န့ၣ်,
အိၣ်ဒီးအတၢ်လီၤစၢၤလီၤသွဲၣ်န့ၣ်လီၤ.
38 ဘၣ်ဆၣ်ပှၤမၤကမၣ်တၢ်တဖၣ်န့ၣ်,
ကဘၣ်တၢ်မၤဟးဂီၤအီၤလၢာ်လၢာ်ဆ့ဆ့လီၤ.
ဒီးပှၤအၢပှၤသီအတၢ်လီၤစၢၤန့ၣ်
ကဘၣ်တၢ်ဒီၣ်တဲာ်ကွံာ်အီၤလီၤ.
39 ပှၤတီပှၤလိၤအတၢ်ပူၤဖျဲးန့ၣ်ဟဲလၢယွၤ
ဒီးယွၤမ့ၢ်အတၢ်အိၣ်တဒၢအလီၢ်
လၢတၢ်မၤကိၢ်မၤဂီၤအကတီၢ်န့ၣ်လီၤ.
40 ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ.
ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ,
အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ်
လၢအပူၤအဃိန့ၣ်လီၤ.