စံးထီၣ်ပတြၢၤ 36
1 တၢ်ဒဲးဘးကတိၤတၢ်ဒီး ပှၤတတီတလိၤတဖၣ်
လၢအသးကံၢ်ပူၤလီၤ.
တၢ်ပျံၤကစၢ်ယွၤတအိၣ်ဘၣ်လၢအမဲာ်ညါဘၣ်.
2 အဂ့ၢ်ဒ်အံၤ, အဝဲသ့ၣ်ဆိကမိၣ်ဒိၣ်လီၤက့ၤအသး,
ဆိကမိၣ်ဝဲလၢကစၢ်ယွၤတထံၣ်အတၢ်ဒဲးဘးဒီး
တစံၣ်ညီၣ်အတၢ်ဒဲးဘးဘၣ်န့ၣ်လီၤ.
3 အထးခိၣ်အတၢ်ကတိၤမ့ၢ်
တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ.
အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့
ဒီးတၢ်မၤဂ့ၤတၢ်န့ၣ်လီၤ.
4 ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်,
တၢ်လၢအမၤဝဲန့ၣ်တဂ့ၤနီတမံၤဘၣ်,
ဒီးတညိကွံာ်တၢ်အၢဘၣ်န့ၣ်လီၤ.
5 ယွၤဧၢ, နတၢ်အဲၣ်ဂၢၢ်ကျၢၤ, ထီၣ်ဘးဆူမူခိၣ်,
နတၢ်သးတီန့ၣ်တုၤလၢမူကပိာ်လိၤန့ၣ်လီၤ.
6 နတၢ်တီတၢ်လိၤန့ၣ်လီၤဂာ်ဒီးကစၢၢ်တဖၣ်လၢအအိၣ်ထီၣ်ထီ
နတၢ်စံၣ်ညီၣ်တီတဖၣ်န့ၣ်
လီၤဂာ်ဒီးပီၣ်လဲၣ်အတၢ်ပူၤယိာ်န့ၣ်လီၤ.
ယွၤဧၢ, ပှၤကညီဒီးဆၣ်ဖိကီၢ်ဖိန့ၣ်နကဟုကယာ်အီၤလီၤ.
7 ယွၤဧၢ,
နတၢ်အဲၣ်ဂၢၢ်ကျၢၤအံၤလုၢ်ဒိၣ်ပှ့ၤဒိၣ်ဆံးဒိၣ်လဲၣ်.
ပထံၣ်န့ၢ်တၢ်ကဟုဘံၣ်ကယာ်ဘၢလၢနဒံးဆ့အကဒုအဖီလာ်န့ၣ် လီၤ.
8 ပှၤကိးဂၤဒဲးအီၣ်ဘျဲးအီၣ်ဘျဲးအီတၢ်အီၣ်လၢ နကတဲာ်ကတီၤဒီး
နပျဲဒုးအီပှၤလၢနတၢ်ဂ့ၤတၢ်ဝါအထံကျိန့ၣ်လီၤ.
9 တၢ်မူအထံထီၣ်ပၢၢ်အိၣ်ဒီးနၤ
ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.
10 ပှၤလၢအသ့ၣ်ညါနၤန့ၣ်အဲၣ်ဒံးအီၤဆူညါ,
ဒီးမၤတၢ်ဂ့ၤလၢပှၤတီပှၤလိၤတဖၣ်န့ၣ်တက့ၢ်.
11 တဘၣ်ပျဲပှၤပာ်ထီၣ်ထီအသးထီဒါယၤ,
မ့တမ့ၢ်ပျဲပှၤတတီတလိၤဒုးဃ့ၢ်ကွံာ်ယၤန့ၣ်တဂ့ၤ.
12 ကွၢ်, ပှၤမၤတၢ်အၢတဖၣ်လီၤဃံၤန့ၣ်တက့ၢ်.
အဝဲသ့ၣ်မံလီၤဖဲန့ၣ်, ဂဲၤဆၢထၢၣ်က့ၤဝဲတန့ၢ်လၢၤဘၣ်န့ၣ် လီၤ.