စံးထီၣ်ပတြၢၤ 3
1 ယွၤဧၢ, ယအိၣ်ဒီးယဒုၣ်ယဒါအါမး,
ဒီးပှၤဂဲၤဆၢထၢၣ်ထီဒါယၤအိၣ်အါဂၤလီၤ.
2 အဝဲသ့ၣ်စံးကတိၤယဂ့ၢ်ဒီးစံးဝဲ,
“ကစၢ်ယွၤတမၤစၢၤအီၤဘၣ်.” စ့လၤ
3 မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ
အအိၣ်ဝးတရံးယၤထီဘိလၢ
တၢ်ဘၣ်ယိၣ်ဘၣ်ဘီအကတီၢ်,
နဟ့ၣ်ယၤတၢ်မၤနၢၤ
ဒီးတၢ်သူၣ်ဒူသးဒူန့ၣ်လီၤ.
4 ယကိးထီၣ်ယွၤလၢတၢ်မၤစၢၤအဂီၢ်,
ဒီးအဝဲဒၣ်စံးဆၢယၤလၢ
အကစၢၢ်စီဆှံအလိၤန့ၣ်လီၤ. စ့လၤ
5 ယမံလီၤယဲ, ဒီးယွၤကဟုဘံၣ်ကယာ်ဘၢယၤ
ဒီတနၤညါလၢယတၢ်မံအပူၤလီၤ.
6 ယတပျံၤဘၣ်ယဒုၣ်ယဒါလၢအကလးတဖၣ်,
7 ယွၤဧၢ, ဂဲၤဆၢထၢၣ်တက့ၢ်.
ယကစၢ်ယွၤဧၢ, အုၣ်က့ၤခီၣ်က့ၤယၤတက့ၢ်.
နကျီကွံာ်လံယဒုၣ်ယဒါအခၣ်ဃံခဲလၢာ်လံ.
နမၤပိာ်လံပှၤတတီတလိၤဘၣ်တဖၣ်အမဲလံ.
8 တၢ်မၤပူၤဖျဲးန့ၣ်ဟဲလၢယွၤလီၤ.
မ်နတၢ်ဆိၣ်ဂ့ၤလီၤဘၣ်နပှၤဂီၢ်မုၢ်တက့ၢ်. စ့လၤ