စံးထီၣ်ပတြၢၤ 4
1 ယတၢ်တီတၢ်လိၤကစၢ်ယွၤဧၢ,
တုၤယကိးထီၣ်နၤဒီးစံးဆၢလၢ်ဘၣ်ယၤတက့ၢ်.
ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်နမၤစၢၤယၤလီၤ.
သူၣ်ကညီၤသးကညီၤယၤဒီး
2 သုဝဲ, ပှၤဂီၢ်မုၢ်ကမၤတရီတပါယၤဆံးယံာ်လဲၣ်.
သုကအဲၣ်တၢ်ကလီကလီ,
ဒီးလူၤဃုတၢ်တတီတလိၤန့ၣ်ဆံးယံာ်လဲၣ်. စ့လၤ
3 သ့ၣ်ညါလၢယွၤပာ်လီၤဆီပှၤအဲၣ်ယွၤပျံၤယွၤ
လၢအဂီၢ်ဒၣ်ဝဲန့ၣ်တက့ၢ်.
တုၤယကိးထီၣ်အီၤဒီးအဝဲဒၣ်နၢ်ဟူယၤလီၤ.
4 ကနိးကစုာ်လၢ တၢ်ပျံၤတၢ်ဖုးဒီးမၤတၢ်ဒဲးဘးလၢၤတဂ့ၤ.
ဖဲသုမံလီၤလၢသုလီၢ်မံပူၤန့ၣ်, ဆိကမိၣ်လီၤက့ၤ
သုသးလၢတၢ်ဘှ့ၣ်တၢ်ဘှီၣ်အပူၤတက့ၢ်.
5 လုၢ်တၢ်လုၢ်အတီအလိၤတဖၣ်,
ဒီးသန့ၤသုသးလၢယွၤတက့ၢ်. စ့လၤ
6 ပှၤအိၣ်ဝဲအါဂၤလၢအစံး, “အိ, မ့ၢ်မတၤကဒုးထံၣ်ပှၤ
လၢတၢ်အဂ့ၤန့ၣ်လဲၣ်. ယွၤဧၢ,
ကွၢ်လီၤပှၤလၢ
တၢ်သူၣ်ကညီၤသးကညီၤအပူၤတက့ၢ်.”
7 တၢ်သးခုလၢနဟ့ၣ်ယၤန့ၣ်, ဒိၣ်န့ၢ်အဝဲသ့ၣ်
အတၢ်သးခုလၢအအိၣ်ဒီးအီၤ
ဖဲအဘုဧိၤဟုဧိၤဒီးအစပံးထံအိၣ်ဝဲ
8 ယကမံလီၤဒီးမံယဲမုာ်မုာ်လီၤ. ယွၤဧၢ,
နမ့ၢ်ပှၤထဲတဂၤဧိၤလၢအကဟုဘံၣ်
ကယာ်ဘၢယၤလၢလၢပှဲၤပှဲၤန့ၣ်လီၤ.