စံးထီၣ်ပတြၢၤ 21
1 ယွၤဧၢ, စီၤပၤသးခုဝဲလၢနဟ့ၣ်အီၤတၢ်ဂံၢ်တၢ်ဘါ,
ဒီးသးဖှံဝဲလၢနဒုးမၤနၢၤအီၤတၢ်အဃိန့ၣ်လီၤ.
2 နဟ့ၣ်တ့ၢ်အီၤတၢ်လၢအသးဆၢန့ၢ်ဘၣ်ဝဲ,
ဒီးတၢ်လၢအထးခိၣ်ဃ့ဝဲန့ၣ် နတတြီဘၣ်အီၤဘၣ်. စ့လၤ
3 နသဂၢၢ်အီၤအိၣ်ဒီးတၢ်ဆိၣ်ဂ့ၤလီၤဆီတဖၣ်
ဒီးနပာ်ခိၣ်သလုးထူလၢအခိၣ်လိၤလီၤ.
4 ဃ့ဝဲတၢ်မူလၢနၤ, ဒီးနဟ့ၣ်အီၤလၢ
တၢ်အိၣ်ကၢအိၣ်ခိး ဒီးတၢ်မူလီၤထူလီၤယိာ်လီၤ.
5 အလၤကပီၤဒိၣ်ဝဲမ့ၢ်လၢနတၢ်မၤစၢၤအဃိ,
နပာ်တၢ်လီၤဘီလီၤမုၢ်ဒီး
တၢ်ကဟုကညီၢ်လၢအလိၤန့ၣ်လီၤ.
6 နတၢ်ဆိၣ်ဂ့ၤတဖၣ်အိၣ်ဒီးအီၤထီဘိ
ဒီးနတၢ်အိၣ်ဒီးအီၤအံၤမၤပှဲၤအီၤလၢတၢ်သးခုလီၤ.
7 အဂ့ၢ်ဒ်အံၤ, စီၤပၤသန့ၤအသးလၢယွၤ, သ့တၢ်လၢာ်ကစၢ်
ဒီးတဟူးတဝးဘၣ်လၢ တၢ်ထီကတၢၢ်ယွၤ
အတၢ်အဲၣ်ဂၢၢ်ကျၢၤအဃိန့ၣ်လီၤ.
8 စီၤပၤအစုကဖီၣ်န့ၢ်အဒုၣ်အဒါခဲလၢာ်,
ဒီးအစုထွဲကဖီၣ်န့ၢ်ပှၤလၢ
အသးဟ့အီၤခဲလၢာ်န့ၣ်လီၤ.
9 တုၤအအိၣ်ဖျါထီၣ်ဒီး ကမၤဟးဂီၤကွံာ်အဝဲသ့ၣ်ဒ်
မ့ၣ်အူအီၣ်ကွံာ်တၢ်အသိးန့ၣ်လီၤ.
ယွၤကမၤဟးဂီၤကွံာ်အဝဲသ့ၣ်လၢအတၢ်သးဒိၣ်အပူၤ
ဒီးမ့ၣ်အူကအီၣ်ကွံာ်အဝဲသ့ၣ်လီၤ.
10 အစၢၤအသွဲၣ်လၢအပူၤဖျဲးတအိၣ်တီၢ်နီတဂၤဘၣ်,
11 အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ,
ဘၣ်ဆၣ်တကဲထီၣ်လိၣ်ထီၣ်ဝဲဘၣ်.
12 အဝဲကခးအဝဲသ့ၣ်လၢပျၢ် တဖၣ်
ဒီးအဝဲသ့ၣ်ကဃၣ်ကွံာ်အသးဒီးဃ့ၢ်ဝဲဒၣ်န့ၣ်လီၤ.
13 ယွၤဧၢ, ပစံးထီၣ်ပတြၢၤနၤ
လၢနဂံၢ်ဆူၣ်နဘါဆူၣ်အဃိ,
ပကသးဝံၣ်ဒီးစံးထီၣ်ပတြၢၤနစိနကမီၤန့ၣ်လီၤ.