စံးထီၣ်ပတြၢၤ 20
1 မ်ယွၤစံးဆၢနၤလၢ
တၢ်မၤကိၢ်မၤဂီၤအမုၢ်တနံၤတက့ၢ်.
မ်စီၤယၤကိာ်အကစၢ်ယွၤအမံၤ
ကခိးတြီကွံာ်တၢ်အၢလၢနၤတက့ၢ်.
2 မ်အဆှၢလီၤတၢ်မၤစၢၤနၤလၢတၢ်လီၢ်စီဆှံ
ဒီးဟ့ၣ်လီၤနၤတၢ်မၤစၢၤ
လၢကစၢၢ်စံယိၣ်န့ၣ်တက့ၢ်.
3 မ်အသ့ၣ်နီၣ်ထီၣ်က့ၤနတၢ်မၤဘူၣ်ခဲလၢာ်
ဒီးသးခုတူၢ်လိာ်နတၢ်လုၢ်မ့ၣ်အူတဖၣ်န့ၣ်တက့ၢ်. စ့လၤ
4 မ်အဟ့ၣ်နၤလၢနသးအတၢ်ဆၢန့ၢ်,
ဒီးမၤလၢပှဲၤနတၢ်ကူၣ်ထီၣ်ဖးလီၤခဲလၢာ်တက့ၢ်.
5 ဒီးပကကိးပသူထီၣ်လၢတၢ်သးခုလၢနတၢ်မၤနၢၤအဃိ,
ဒီးလၢပကစၢ်ယွၤအမံၤအပူၤ
ဒီးပကဆဲးလီၤပနီၣ်တယၢ်တဖၣ်လီၤ.
မ်ယွၤမၤလၢပှဲၤနတၢ်ဃ့သကွံၢ်ကညး
6 ဒီးခဲအံၤယသ့ၣ်ညါလၢယွၤဟ့ၣ်လီၤတၢ်မၤနၢၤ
လၢအပှၤဒိးဖှူအသး,
စံးဆၢအီၤလၢအမူခိၣ်စီဆှံ ဒီးဟ့ၣ်အီၤ
တၢ်မၤနၢၤဖးဒိၣ်တဖၣ်လၢအစုထွဲန့ၣ်လီၤ.
7 ပှၤတနီၤပာ်ကဖၢလၢအသးလၢ
အလ့ၣ်ကဟၣ်ဒုးသုးတဖၣ်အပူၤ
ဒီးတနီၤလၢအကသ့ၣ်တဖၣ်အဃိ,
ဘၣ်ဆၣ်ပပာ်ကဖၢလၢပသးလၢ
ယွၤပကစၢ်ယွၤအမံၤအဃိန့ၣ်လီၤ.
8 ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ
ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.
9 ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်.
တုၤပကိးထီၣ်နၤဒီးစံးဆၢပှၤတက့ၢ်.