စံးထီၣ်ပတြၢၤ 15
1 ယွၤဧၢ, မ့ၢ်မတၤကလဲၤနုာ်ဘၣ်ဆူ
နဒဲစီဆှံပူၤတဂၤန့ၣ်လဲၣ်.
မ့ၢ်မတၤကဘူၣ်ထီၣ်ဘါထီၣ်တၢ်လၢစံယိၣ်,
လၢနကစၢၢ်စီဆှံအလိၤတဂၤန့ၣ်လဲၣ်.
2 ပှၤတဖၣ်လၢအစူၢ်ကစၢ်ယွၤလၢတၢ်ခဲလၢာ်အပူၤ,
မၤတၢ်တီတၢ်လိၤထီဘိ,
ဒီးကတိၤတၢ်မ့ၢ်တၢ်တီလၢတၢ်သးတီအပူၤ,
3 ပှၤလၢအတကတိၤခဲၣ်ဘၣ်ပှၤဂၤတဖၣ်န့ၣ်လီၤ.
အဝဲသ့ၣ်တမၤကမၣ်ဘၣ်
အတံၤသကိးသ့ၣ်တဖၣ်ဘၣ်,
ဒီးတဒုၣ်ဒွဲၣ်ကတိၤအၢကတိၤသီ
ပှၤလၢအဃၢၤဘၣ်.
4 အဝဲသ့ၣ်တပာ်ကဲပှၤလၢယွၤညိကွံာ်အီၤတဖၣ်ဘၣ်,
ဘၣ်ဆၣ်ယူးယီၣ်ပှၤတဖၣ်လၢအပျံၤယွၤန့ၣ်လီၤ.
လၢအတၢ်ဆိၣ်လီၤအသးအပူၤ,
တၢ်အၢမ့ၢ်ဘၣ်က့ၤအီၤဒၣ်လဲာ်,
မၤဝဲဒ်အအၢၣ်လီၤဝဲအသိးန့ၣ်လီၤ.
5 အဝဲသ့ၣ်တဒုးလိၢ်လီၤစ့လၢစ့အအ့ၣ်အဂီၢ်ဘၣ်.
ဒီးတဟံးန့ၢ်ခိၣ်ဖးကဘျံးကဘျၣ်ထီဒါ
ပှၤလၢအတၢ်ကမၣ်တအိၣ်န့ၣ်ဘၣ်.
ပှၤလၢအမၤတၢ်ဒ်အံၤသ့ၣ်တဖၣ်
တဟူးတဝးဘၣ်ဝဲနီတဘျီဘၣ်.