စံးထီၣ်ပတြၢၤ 16
1 ကစၢ်ယွၤဧၢ, အံးက့ၤကွၢ်က့ၤလၢ်ယၤတက့ၢ်. အဂ့ၢ်ဒ်အံၤ, ယသန့ၤယသးလၢနၤလၢတၢ်ပူၤဖျဲးအဂီၢ်လီၤ.
2 ယစံးဘၣ်ယွၤ, “နမ့ၢ်ယကစၢ်လီၤ.
တၢ်ဂ့ၤလၢအအိၣ်ဒီးယၤခဲလၢာ်န့ၣ်
3 ယွၤအပှၤဂီၢ်မုၢ်လၢအသးတီသ့ၣ်တဖၣ်န့ၣ်
ဂ့ၤဆံးဒိၣ်လဲၣ်.
ယတၢ်သးခုအဒိၣ်ကတၢၢ်န့ၣ်
မ့ၢ်ဝဲယကအိၣ်ဘၣ်ဒီးအဝဲသ့ၣ်န့ၣ်လီၤ.
4 ပှၤလၢအမၤတၢ်ချ့ချ့လၢယွၤအဂၤတဖၣ်အဂီၢ်န့ၣ်,
အတၢ်ကိၢ်တၢ်ဂီၤအါထီၣ်လၢအဂီၢ်ဒၣ်ဝဲလီၤ.
ယတလုၢ်ထီၣ်ပာ်ထီၣ်ဃုာ်တၢ်ဒီး
အဝဲသ့ၣ်ဘၣ်,
ယတကိးထီၣ်စ့ၢ်ကီးအယွၤတဖၣ်အမံၤန့ၣ်ဘၣ်.
5 နဲဒၣ်, ယွၤဧၢ, နမ့ၢ်ယတၢ်န့ၢ်သါ
ဒီးနဟ့ၣ်ယၤတၢ်လၢယလိၣ်ဘၣ်ခဲလၢာ်လီၤ.
ယတၢ်အိၣ်မူဆူညါအိၣ်လၢနစုပူၤလီၤ.
6 နတၢ်ဟ့ၣ်သါယၤသ့ၣ်တဖၣ်အံၤလီၤလးဆံးဒိၣ်လဲၣ်.
7 ယစံးထီၣ်ပတြၢၤယွၤ,
မ့ၢ်လၢအဝဲဒၣ်နဲၣ်လိယၤအဃိလီၤ.
ဒီးလၢမုၢ်နၤန့ၣ်, ယသးလၢအသ့ၣ်ညါဒၣ်တၢ်
ဟ့ၣ်ပလီၢ်ယၤလီၤ.
8 ယသ့ၣ်ညါထီဘိလၢယွၤအိၣ်ဒီးယၤန့ၣ်လီၤ.
အဝဲဒၣ်အိၣ်ဘူးဒီးယၤအဃိ,
တၢ်လၢကမၤဟူးဝးယၤတအိၣ်နီတမံၤဘၣ်.
9 လၢတၢ်န့ၣ်အဃိ, ယသးပှဲၤဒီးတၢ်စံးဘျုးစံးဖှိၣ်
ဒီးယသူၣ်ခုယသးခုယဲလီၤ.
ဒီးယသ့ၣ်ညါလၢယပူၤဖျဲးလၢလၢပှဲၤပှဲၤလံန့ၣ်လီၤ.
10 အဂ့ၢ်ဒ်အံၤ, နကဟုကယာ်ယၤလၢ
တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ,
ဒီးနတစူးကွံာ်ညိကွံာ်ပှၤလၢအအဲၣ်နၤ,
11 နကဒုးနဲၣ်ယၤလၢတၢ်မူအကျဲ,
နတၢ်အိၣ်ဒီးယၤမၤလၢပှဲၤယတၢ်သးခု
ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.