စံးထီၣ်ပတြၢၤ 146
1 စံးထီၣ်ပတြၢၤယွၤတက့ၢ်.
ယသးဧၢ, စံးထီၣ်ပတြၢၤယွၤတက့ၢ်.
2 ယကစံးထီၣ်ပတြၢၤအီၤဖဲယအိၣ်မူဒံးအဖၢမုၢ်,
ယကသးဝံၣ်ထီၣ်အီၤတစိၤဒၣ်ယၤလီၤ.
3 ပဒိၣ်ဖးဒိၣ်သ့ၣ်တဖၣ်ဒီးပှၤကညီဖိလၢ
အမၤစၢၤတၢ်တသ့ဘၣ်တဖၣ်န့ၣ်,
သန့ၤသုသးလၢအီၤတဂ့ၤ.
4 တုၤမ့ၢ်အသးဟးထီၣ်ကွံာ်ဒီးက့ၤက့ၤဝဲဆူအဟီၣ်ခိၣ်,
ဒီးအတၢ်ကူၣ်တၢ်ဖးဟးဂူာ်ဟးဂီၤကွံာ်လၢ
မုၢ်တနံၤဃီဒၣ်လဲာ်န့ၣ်လီၤ.
5 ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ,
ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ်
ဘၣ်ဆိၣ်ဂ့ၤဝဲလီၤ.
6 ယွၤမ့ၢ်ပှၤလၢအတ့လီၤမူခိၣ်, ဟီၣ်ခိၣ်, ဒီးပီၣ်လဲၣ်,
ဒီးကယဲၢ်တၢ်အိၣ်လၢအပူၤ,
လၢအတီဒီး အတၢ်အၢၣ်လီၤအီလီၤ လီၤထူလီၤယိာ်,
7 လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်,
လၢအဟ့ၣ်လီၤတၢ်အီၣ်တၢ်အီလၢ
ပှၤသၣ်ဝံၤအဂီၢ်န့ၣ်,
မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.
8 ယွၤဒုးထံၣ်ထီၣ်က့ၤပှၤမဲာ်ဘျီၣ်,
ယွၤဒုးဆၢထၢၣ်က့ၤပှၤလၢအလီၤဃံၤ,
ယွၤအဲၣ်ပှၤတီပှၤလိၤလီၤ.
9 ယွၤအံးထွဲကွၢ်ထွဲပှၤသမှံၤလၢအအိၣ်ဆိးလၢပကီၢ်ပူၤ,
အဝဲမၤစၢၤပှၤမုၣ်ကမဲတဖၣ်ဒီးပှၤဖိၣ်ဃဲဖိတဖၣ်လီၤ.
မ့မ့ၢ်ပှၤတတီတလိၤအကျဲန့ၣ်ဒုးဟးဂီၤကွံာ်ဝဲလီၤ.
10 ယွၤကဲစီၤပၤလီၤစိၤလီၤထီလီၤ. စံယိၣ်ဧၢ,
နကစၢ်ယွၤကပၢတၢ်အစိၤစိၤအဃၣ်ဃၣ်လီၤ.
စံးထီၣ်ပတြၢၤယွၤတက့ၢ်.