စံးထီၣ်ပတြၢၤ 144
1 ယွၤ, ယလၢၢ်ယလ့,
ပှၤလၢအသိၣ်လိယစုလၢတၢ်ဒုးအဂီၢ်,
ဒီးယစုမုၢ်စုနၢတဖၣ်လၢ
တၢ်ဒုးသုးအဂီၢ်တဂၤန့ၣ်,
မ်အဘၣ်တၢ်စံးထီၣ်ပတြၢၤအီၤတက့ၢ်.
2 အဝဲမ့ၢ်ယလၢၢ်ဒီးယတိာ်, ယတၢးထီၣ်ထီ
ဒီးပှၤမၤပူၤဖျဲးယၤ,
ယကတီၤတဘ့ၣ်ဒီးပှၤလၢယသန့ၤယသးလၢအီၤ,
ပှၤလၢအဆီၣ်လီၤပှၤဂီၢ်မုၢ်တဖၣ်လၢ
3 ယွၤဧၢ, ပှၤကညီလၢနပာ်သူၣ်ပာ်သးလၢအီၤ,
ဒီးပှၤကညီဖိလၢနဆိကမိၣ်လၢအဂ့ၢ်န့ၣ်,
မ့ၢ်မနုၤလဲၣ်.
4 အဝဲလီၤဂာ်ဒ်တၢ်သါတဘီအသိး
ဒီးအမုၢ်နံၤတဖၣ်မၤအသးဒ်တၢ်အကဒုလၢ
5 ယွၤဧၢ, မၤသကူးလီၤနမူခိၣ်ဒီးဟဲလီၤတက့ၢ်.
ထိးကစၢၢ်ကလိတက့ၢ်. ဒီးမ့ၣ်အူလုၣ်ကခုၣ်ထီၣ်ဝဲလီၤ.
6 မၢလီၤလီဝၢ်အဒံး, ဒီးမၤလီၤပြံလီၤပြါနဒုၣ် နဒါတဖၣ်တက့ၢ်.
ခးထီၣ်နပျၢ်တဖၣ်ဒီးဒုးဃ့ၢ်ကွံာ်အဝဲသ့ၣ်န့ၣ်တက့ၢ်.
7 ယူာ်လီၤနစုလၢ တၢ်ထီၣ်ထီ, ထုးထီၣ်ကွံာ်ယၤလၢ
ထံယိာ်ပူၤဒီးမၤပူၤဖျဲးယၤ,
အုၣ်က့ၤခီၣ်က့ၤယၤလၢ ပှၤတခီဘီမုၢ် တဖၣ်အစိကမီၤအပူၤတက့ၢ်.
8 အဝဲသ့ၣ်တတဲတၢ်မ့ၢ်တၢ်တီနီတစုဘၣ်.
မၤကဘျံးကဘျၣ်တၢ်လၢ အဆိၣ်တၢ်အပူၤဒၣ်လဲာ်န့ၣ်လီၤ.
9 ကစၢ်ယွၤဧၢ, ယကသးဝံၣ်ထီၣ်နၤလၢတၢ်သးဝံၣ်အသီ,
ယကဒ့တနၢ်ဒီးသးဝံၣ်ထီၣ်နၤလီၤ.
10 နဟ့ၣ်တၢ်မၤနၢၤဆူစီၤပၤတဖၣ်,
ဒီးမၤပူၤဖျဲးနခ့နပှၤစီၤဒၤဝံးန့ၣ်လီၤ.
11 အုၣ်က့ၤခီၣ်က့ၤယၤလၢယဒုၣ်ယဒါအအၢအသီတဖၣ်,
မၤပူၤဖျဲးယၤလၢပှၤတခီဘီမုၢ်ဖိအစိအကမီၤ,
ပှၤတဖၣ်လၢ တတဲတၢ်မ့ၢ်တၢ်တီနီတစုဒီး
မၤကဘျံးကဘျၣ်ဒၣ်လဲာ်တၢ်လၢ အမၤတၢ် ဆိၣ်အပူၤန့ၣ်တက့ၢ်.
12 မ်ပဖိခွါတဖၣ်လၢအသးစၢ်အကတီၢ်န့ၣ်,
ကလီၤဂာ်ဒီးသ့ၣ်ဖိတဖၣ်လၢ
အဒိၣ်ထီၣ်ပှဲၤဂံၢ်ပှဲၤဘါန့ၣ်တက့ၢ်.
မ်ပဖိမုၣ်တဖၣ်ကမၤအသးဒ်
လၢၢ်နၢၣ်စိးပျၤအသး
လၢပှၤမၤဃံမၤလၤနူၢ်ဧိၤစီၤဧိၤအသိးန့ၣ်တက့ၢ်,
13 မ်ပသိၣ်ဧိၤဖီဧိၤပှဲၤဝဲဒီး
တၤသူတၤသၣ်ကိးကလုာ်ဒဲး
မ်ပသိကဖှံလီၤအဒုအကထိတဖၣ်,
ဒီးအကလးတဖၣ်လၢပပျီပူၤ,
14 မ်ပဂီၤဘုၣ်. ဂီၤဖံးတဖၣ်ကဒၢထီၣ်အါအါကလဲာ်
ဒီးအဖိသုတလီၤတဲာ်နီတဒုတဂ့ၤ.
မ်တၢ်ကိးပသူထီၣ်လၢတၢ်ကိၢ်တၢ်ဂီၤအပူၤ
အသုတအိၣ်ထီၣ်လၢပကျဲတဖၣ်န့ၣ်တဂ့ၤ.
15 ပှၤကလုာ်လၢတၢ်အံၤမ့ၢ်ဝဲတီဝဲလၢ အဂီၢ်န့ၣ်ဘၣ်ဆိၣ်ဂ့ၤဝဲလီၤ.
ပှၤဂီၢ်မုၢ်လၢ ကစၢ်ယွၤမ့ၢ် အယွၤန့ၣ်ဘၣ်ဆိၣ်ဂ့ၤဝဲလီၤ.