စံးထီၣ်ပတြၢၤ 124
1 မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး
တၢ်ကမၤအသးဒ်လဲၣ် အံၣ်စရ့လးဧၢ, စံးဆၢတက့ၢ်.
2 “မ့တမ့ၢ်ဘၣ်လၢယွၤအိၣ်ဒီးပှၤဘၣ်န့ၣ်ဒီး
တုၤပဒုၣ်ပဒါတဖၣ်ဂဲၤဆၢထၢၣ်ထီဒါပှၤန့ၣ်,
3 အဝဲသ့ၣ်ကယူၢ်လီၤကွံာ်မူဒံးပှၤ
လၢအဝဲသ့ၣ်အတၢ်သးကဲၤထီၣ်ထီဒါပှၤအပူၤ,
4 ဒီးထံဒိၣ်ထီၣ်ကစိာ်ကွံာ်ပှၤ
ဒီးထံကလုၣ်ဘၢပှၤ,
5 ထံဒိၣ်ဖုးလၢအဟဲယွၤလီၤဆူၣ် ကမၤလီၤအုးသံကွံာ်ပှၤလီၤ.”
6 မ်ပစံးဘျုးယွၤလၢအတပျဲပဒုၣ်ပဒါသ့ၣ်တဖၣ်
မၤနၢၤပှၤအဃိန့ၣ်တက့ၢ်.
7 ပထူၣ်ဖျဲးလံဒ်ထိၣ်တဘ့ၣ်လၢ
ပှၤဖီၣ်ထိၣ်အပျံၤသကွီၤအပူၤအသိးန့ၣ်လီၤ.
ပျံၤသကွီၤတဲာ်ကွံာ်လံ,
ဒီးပဝဲဒၣ်အံၤပထူၣ်ဖျဲးတ့ၢ်လံ.
8 တၢ်မၤစၢၤပှၤအိၣ်ဝဲလၢယွၤလၢအတ့လီၤမူခိၣ်ဒီး
ဟီၣ်ခိၣ်တဂၤန့ၣ်အမံၤအပူၤလီၤ.