စံးထီၣ်ပတြၢၤ 125
1 ပှၤလၢအသန့ၤအသးလၢယွၤန့ၣ်
မၤအသးဒ်ကစၢၢ်စံယိၣ်အသိးန့ၣ်လီၤ.
တဟူးတဝးဘၣ်ဝဲဘၣ်,
ဒီးအိၣ်ဝဲဆိးဝဲလီၤထူလီၤယိာ်လီၤ.
2 ဒ်ကစၢၢ်ကလိတဖၣ်အိၣ်ဝးတရံး
ယရူၤၡလ့ၣ်အသိးန့ၣ်,
ယွၤအိၣ်ဝးတရံးအပှၤဂီၢ်မုၢ်
တုၤအံၤဆူညါအစိၤစိၤအဃၣ်ဃၣ်လီၤ.
3 ပှၤအအၢအသီတဖၣ်တပၢဘၣ်ပှၤအတီအလိၤ
အလီၢ်အိၣ်လီၢ်ဆိးထီဘိဘၣ်.
အဝဲသ့ၣ်မ့ၢ်ပၢဘၣ်ဝဲဒီး
ပှၤတီပှၤလိၤတဖၣ်
ကမၤတၢ်အၢတၢ်သီလၢအကစၢ်ဒၣ်ဝဲလီၤ.
4 ယွၤဧၢ, မၤဂ့ၤပှၤအဂ့ၤအဝါ,
ဒီးပှၤလၢအသးတီဝဲလိၤဝဲတဖၣ်န့ၣ်တက့ၢ်.
5 မ့မ့ၢ်ပှၤလၢ ပိာ်ကျဲအက့ၣ်အကူတဖၣ်န့ၣ်
ယွၤကဟီထီၣ်ကွံာ်အီၤဃုာ်ဒီး
ပှၤမၤတၢ်အၢန့ၣ်လီၤ.
မ်တၢ်ဃူတၢ်ဖိးအိၣ်လၢအံၣ်စရ့လးအပူၤတက့ၢ်.