စံးထီၣ်ပတြၢၤ 123
1 ပှၤလၢအပၢတၢ်လၢမူခိၣ်ဧၢ,
ယကျ့ထီၣ်ယမဲာ်ဆူနၤလီၤ.
2 ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ
အကစၢ်အစုအသိးဒီး
ဒ်အခ့အပှၤပိာ်မုၣ်အမဲာ်ကွၢ်တၢ်ဆူ
အကစၢ်မုၣ်အစုအသိးန့ၣ်,
ပမဲာ်ကွၢ်တၢ်ဆူယွၤပကစၢ်အအိၣ်တုၤ
အသူၣ်ကညီၤသးကညီၤပှၤတစုလီၤ.
3 ယွၤဧၢ, သူၣ်ကညီၤသးကညီၤပှၤ,
သူၣ်ကညီၤသးကညီၤလၢ်ပှၤတက့ၢ်.
အဂ့ၢ်ဒ်အံၤ,
ပဘၣ်တ့ၢ်လံတၢ်မၤတရီတပါနးမးန့ၣ်လီၤ.
4 ပသးပှဲၤဆၢၣ်ကလာ်ဒီး
ပှၤလၢအဘၣ်မုာ်ဘၣ်ခုၣ်တဖၣ်
အတၢ်နံၤဘၣ်ဖၣ်လဲ
ဒီးပှၤလၢအပာ်ထီၣ်ထီအသးတဖၣ်
အတၢ်မၤတရီတပါန့ၣ်လီၤ.