စံးထီၣ်ပတြၢၤ 122
1 တုၤပှၤစံးဘၣ်ယၤ,
မ်ပလဲၤထီၣ်သကိးဆူယွၤအဟံၣ်တက့ၢ်န့ၣ်ယသူၣ်ခုယသးခု လီၤ.
2 ယရူၤၡလ့ၣ်ဧၢ,
ပခီၣ်ဆၢထၢၣ်တ့ၢ်လံလၢနပဲတြီတဖၣ်အပူၤလီၤ.
3 ယရူၤၡလ့ၣ်န့ၣ်ဘၣ်တၢ်တ့အီၤ
ဒ်ဝ့ၢ်လၢအဆီလီၤတံၢ်လိာ်အသးအသိးန့ၣ်လီၤ.
4 ပှၤအဒူၣ်, ယွၤအဒူၣ်သ့ၣ်တဖၣ်လဲၤထီၣ်ဖဲန့ၣ်
ဒ်တၢ်မၤလိာ်အံၣ်စရ့လးအသိး,
ဒ်သိးကစံးထီၣ်ပတြၢၤယွၤအမံၤအဂီၢ်န့ၣ်လီၤ.
5 အဂ့ၢ်ဒ်အံၤ, တၢ်စံၣ်ညီၣ်အလီၢ်ပစိာ်တဖၣ်,
စီၤဒၤဝံးအဟံၣ်အလီၢ်ပစိာ်တဖၣ်န့ၣ်
အိၣ်ဝဲဖဲန့ၣ်လီၤ.
6 ဘါထုကဖၣ်န့ၢ်တၢ်လၢ
ယရူၤၡလ့ၣ်အတၢ်ဃူတၢ်ဖိးအဂီၢ်န့ၣ်တက့ၢ်.
ပှၤလၢအအဲၣ်နၤတဖၣ်န့ၣ်
မ်အကဘီၣ်ထီၣ်ညီထီၣ်န့ၣ်တက့ၢ်.
7 မ်တၢ်ဃူတၢ်ဖိးအိၣ်လၢနခိၣ်ဒူအပူၤ
ဒီးတၢ်ဘီၣ်တၢ်ညီအိၣ်လၢ
နစီၤပၤအဟံၣ်ပူၤန့ၣ်တက့ၢ်.”
8 လၢယဒီပုၢ်ဝဲၢ်ဒီးယတံၤသကိးတဖၣ်အဃိန့ၣ်ယကစံးဘၣ်ဝ့ၢ် ယရူၤၡလ့ၣ်
“မ်တၢ်ဃူတၢ်ဖိးအိၣ်လၢနပူၤန့ၣ်တက့ၢ်.”
9 လၢယွၤပကစၢ်အဟံၣ်အဃိန့ၣ်
ယကဃုနတၢ်ဂ့ၤတၢ်ဝါလီၤ.