စံးထီၣ်ပတြၢၤ 114
1 တုၤပှၤအံၣ်စရ့လးဖိဟးထီၣ်ကွံာ်လၢအဲၤကူပတူး,
တုၤစီၤယၤကိာ်အစၢၤအသွဲၣ်ဟးထီၣ်ကွံာ်လၢ
ပှၤတခီဘီမုၢ်ဖိအကီၢ်န့ၣ်ဒီး,
2 ယူဒၤကဲထီၣ်ယွၤအပှၤဂီၢ်မုၢ်စီဆှံ,
အံၣ်စရ့လးကဲထီၣ်အတၢ်န့ၢ်သါဒၣ်ဝဲလီၤ.
3 ပီၣ်လဲၣ်ဂီၤကွၢ်ဝဲဒီးဃ့ၢ်ကွံာ်ဝဲ,
ထံကျိယၢ်ဒ့ၣ်တယွၤလီၤလၢၤဘၣ်န့ၣ်လီၤ.
4 ကစၢၢ်တဖၣ်စံၣ်ဖှံသလိးဒ်သိဖါတဖၣ်အသိး
ဒီးတၢ်စိခိၣ်တဖၣ်န့ၣ်စံၣ်ဝဲဒ်
5 ပီၣ်လဲၣ်ဧၢ, ပီၣ်လဲၣ်ဧၢ, တၢ်မနုၤမၤအသးလၢ ကဒုးဃ့ၢ် ကွံာ်နၤလဲၣ်. ဒီးနဲဒၣ်ထံကျိယၢ်ဒ့ၣ်ဧၢ, ဘၣ်မနုၤ
နဆိကတီၢ်ယွၤလီၤလဲၣ်.
ထံကျိယၢ်ဒ့ၣ်ဧၢ, ဘၣ်မနုၤလၢ
နဂုၤက့ၤဆူလီၢ်ခံန့ၣ်လဲၣ်.
6 ကစၢၢ်သ့ၣ်ဧၢ, သုစံၣ်ဖှံသလိးဒ်သိဖါတဖၣ်အသိး,
တၢ်စိခိၣ်သ့ၣ်ဧၢ, သုစံၣ်တၢ်ဒ်
သိဖိတဖၣ်အသိးန့ၣ်ဘၣ်မနုၤလဲၣ်.
7 ဟီၣ်ခိၣ်ဧၢ, ကနိးကစုာ် လၢယွၤအမဲာ်ညါဖဲအဝဲဟဲ
လၢစီၤယၤကိာ်အကစၢ်ယွၤမဲာ်ညါ,
8 ပှၤတဂၤလၢအလဲလိာ်ကွံာ်လၢၢ်တဖၣ်ဆူ
ထံနိၣ်တဖၣ်, ဒီးလ့ကဘျၣ်အကိၤဆူ
ထံထီၣ်ပၢၢ်လၢအယွၤလီၤဝဲ, အမဲာ်ညါန့ၣ်တက့ၢ်.