စံးထီၣ်ပတြၢၤ 11
1 ယသန့ၤယသးလၢယွၤလၢတၢ်ပူၤဖျဲးအဂီၢ်န့ၣ်လီၤ.
နမ့ၢ်မးပှၤဟးဂီၤဖိဖဲနစံးဘၣ်ယၤ,
“ယူၤကွံာ်ဒ်ထိၣ်တဘ့ၣ်အသိးဆူကစၢၢ်န့ၣ်တက့ၢ်.
2 ကွၢ်, ပှၤအၢပှၤသီတဖၣ်ဖ့ၣ်ထီၣ်အချံၣ်,
ပညိၣ်ဃီၤအပျၢ်တဖၣ်အခိၣ်လၢချံၣ်အလိၤ,
ဒီးခိးခူသူၣ်တၢ်ဒ်သိးကခး
ပှၤအသူၣ်လိၤသးဘျၢန့ၣ်လီၤ.
3 တၢ်အခီၣ်ထံးသ့ၣ်တဖၣ်မ့ၢ်ဟးဂီၤကွံာ်ဒီး
ပှၤအတီအလိၤမၤတၢ်မနုၤကသ့န့ၣ်လဲၣ်.
4 ယွၤအိၣ်ဝဲလၢအတၢ်လုၢ်ဟံၣ်စီဆှံအပူၤ,
အိၣ်ဒီးအလီၢ်ပစိာ်လၢမူခိၣ်လီၤ.
အဝဲကွၢ်လီၤဝဲပှၤဟီၣ်ခိၣ်ဖိခဲလၢာ်
ဒီးကွၢ်ထံကွၢ်ဆးအတၢ်မၤတဖၣ်န့ၣ်လီၤ.
5 ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး,
ဒီးအဝဲသးဟ့ပှၤလၢအအဲၣ်
တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.
6 အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ
အကဲၤကပျီၤလၢပှၤအၢပှၤသီအဖီခိၣ်
ဒီးသိၣ်ဃီၣ်အဝဲသ့ၣ်လၢ
ကလံၤမုၢ်ကိၢ်လၢအအီၣ်တၢ်န့ၣ်လီၤ.
7 အဂ့ၢ်ဒ်အံၤ, ယွၤန့ၣ်တီဝဲလိၤဝဲ
ဒီးအဲၣ်တၢ်တီတၢ်လိၤအတၢ်မၤတဖၣ်
ဒီးပှၤအသူၣ်လိၤအသးဘျၢတဖၣ်န့ၣ်
ကထံၣ်ဘၣ်ယွၤအမဲာ်လီၤ.