စံးထီၣ်ပတြၢၤ 12
1 ယွၤဧၢ, မၤစၢၤပှၤတက့ၢ်,
ပှၤအဲၣ်ယွၤပျံၤယွၤတအိၣ်နီတဂၤလၢၤဘၣ်.
ပှၤအကလုၢ်တီတဘၣ်တၢ်ထံၣ်န့ၢ်အီၤလၢ
ပှၤဟီၣ်ခိၣ်ဖိအကျါလၢၤဘၣ်.
2 အဝဲသ့ၣ်ခဲလၢာ်လီလိာ်အသးတဂၤဒီးတဂၤ,
လီန့ၢ်လွဲန့ၢ်လိာ်အသးလၢ
3 ယွၤဧၢ, ဒီၣ်တဲာ်ကွံာ်ပျ့ၤလၢ
အအူသဖှိတၢ်တဖၣ်န့ၣ်တက့ၢ်.
ကးတံာ်ဃာ်ပှၤအထးခိၣ်လၢ
အကတိၤတၢ်ကဖၢလၢဒီးစံးဝဲ,
4 “လၢပတၢ်ကတိၤတဖၣ်အဃိ
ပဒိးန့ၢ်ဘၣ်တၢ်လၢပလိၣ်ဘၣ်လီၤ.
ပကစံးတၢ်လၢပသးအိၣ်စံး
ဒီးပှၤတြီပှၤတသ့နီတဂၤဘၣ်လီၤ.”
5 “ဘၣ်ဆၣ်ခဲကနံၣ်အံၤယကဟဲ” ယွၤစံးဝဲဒၣ်,
“အဂ့ၢ်မ့ၢ်လၢပှၤဖှီၣ်ဖိယာ်ဖိတဖၣ်
ဘၣ်တၢ်ဆီၣ်ဘံၣ်ဆီၣ်ဘၢအီၤ,
ဒီးပှၤလၢအလိၣ်ဘၣ်တၢ်မၤစၢၤတဖၣ်
ကအုကစွါထီၣ်ဝဲအဃိလီၤ.
ယကဟ့ၣ်အဝဲသ့ၣ်တၢ်ပူၤဖျဲးလၢ
6 ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့,
ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ
နွံဘျီလၢမ့ၣ်အူပူၤအသိးန့ၣ်လီၤ.
7 ယွၤဧၢ, ကဟုဘံၣ်ကယာ်ဘၢလၢ်ဘၣ်ပှၤတက့ၢ်.
ဒီဒၣ်ပှၤလၢပှၤဒ်သိးအံၤထီဘိတက့ၢ်.
8 ပှၤအၢပှၤသီတဖၣ် အိၣ်လၢတၢ်လီၢ်ကိးပူၤဒဲး,
ဒီးပှၤကိးဂၤဒဲး စံးထီၣ်ပတြၢၤ
တၢ်အၢတၢ်သီန့ၣ်လီၤ.