7
1 ဒီးခဲကနံၣ်အံၤဝ့ၢ်ခိၣ်ဒူဘၣ်တၢ်ဘှီဝံၤတ့ၢ်လံအီၤဒီး, တြဲၤတဖၣ်ဘၣ်တၢ်ပာ်အီၤလၢအလီၢ်ဒၣ်ဝဲ, ပှၤခိးတၢ်လုၢ်ဟံၣ်တဖၣ်, ပှၤသးဝံၣ်တၢ်ဖိတဖၣ်, ဒီးပှၤလ့ၤဝံဖိတဖၣ်ဘၣ်တၢ်ဟ့ၣ်အီၤအမူ အဒါတဖၣ်န့ၣ်လီၤ.
2 ဒီးယပာ်လီၤပှၤခံဂၤလၢကပၢဆှၢဝ့ၢ်ယရူၤၡလ့ၣ်လၢအမ့ၢ်, ယဒီပုၢ်ဝဲၢ်ခွါစီၤဃနၤနံဒီးတိာ်အပဒိၣ်ဖးဒိၣ်စီၤဃနၤနံ ယၤန့ၣ်လီၤ. စီၤဃနၤနံယၤမ့ၢ်ပှၤလၢပှၤနာ်န့ၢ်အီၤသ့ ဒီးမ့ၢ်ပှၤပျံၤယွၤဒိၣ်န့ၢ်ပှၤအဂၤန့ၣ်လီၤ.
3 ဒီးယတဲဘၣ်အဝဲသ့ၣ်လၢအသုတအိးထီၣ်ဝ့ၢ်ယရူၤၡလ့ၣ်အတြဲၤလၢ မုၢ်ဂီၤတချုးလၢမုၢ်ဟဲထီၣ်ဂ့ၤဂ့ၤဒီးကကးတံၢ်က့ၤတချုးပှၤ ခိးတၢ်ဖိအတၢ်မၤဝံၤဖဲမုၢ်ဟါလီၤအကတီၢ်န့ၣ်လီၤ. ဒီးယတဲဘၣ်စ့ၢ်ကီးအဝဲသ့ၣ်လၢကပာ်လီၤပှၤကွၢ်ထွဲတၢ်ဖိလၢ အအိၣ်လၢဝ့ၢ်ယရူၤၡလ့ၣ်အပူၤဒီးကဟ့ၣ်အီၤတၢ်မၤလၢအက ဘၣ်မၤဝဲဒီးတနီၤကခိးတၢ်လၢအဟံၣ်ဒၣ်ဝဲအကပိာ်ကပၤန့ၣ်လီၤ.
(ဧ့.၂:၁-၇၀)
4 ဒီးဝ့ၢ်ယရူၤၡလ့ၣ်မ့ၢ်ဝ့ၢ်အဒိၣ်, ဘၣ်ဆၣ်ပှၤအိၣ်စှၤဝဲဒီးဟံၣ် ဃီတဘၣ်တၢ်သူၣ်ထီၣ်အီၤအါအါဒံးဘၣ်န့ၣ်လီၤ.
5 ဒီးကစၢ်ယွၤထိၣ်ဂဲၤယသးလၢယကဒုးအိၣ်ဖှိၣ်ပှၤဂီၢ်မုၢ်, အခိၣ်အနၢ်တဖၣ်ဒီးအပဒိၣ်တဖၣ်လၢတၢ်မၤနီၣ်အဟံၣ်ဖိဃီဖိ အတၢ်ကွဲးနီၣ်ကွဲးဃါတဖၣ်န့ၣ်အဂီၢ်လီၤ. ဒီးယပာ်လီၤတၢ်ကွဲးနီၣ်ကွဲးဃါဘၣ်ဃးဒီးပှၤလၢအဟဲက့ၤလၢ တၢ်စိာ်မၢကဲကုၢ်သ့ၣ်တဖၣ်အထူအထံးဒီးယထံၣ်န့ၢ်တၢ်ကွဲး အသးလၢအပူၤဒ်အံၤလီၤ.
6 ပှၤလၢအဘၣ်တၢ်စိာ်မၢကဲကုၢ်အီၤအါဂၤဟးထီၣ်ကွံာ်လၢကီၢ်ဘၤ ဘူၤလိၣ်အလီၢ်ကဝီၤဒီးဟဲက့ၤဆူဝ့ၢ်ယရူၤၡလ့ၣ်ဒီးကီၢ်ယူဒၤ ဆူအဝဲသ့ၣ်အဝ့ၢ်ဒၣ်ဝဲစုာ်စုာ်န့ၣ်လီၤ. ဒီးအဒူၣ်ဖိထၢဖိသ့ၣ်တဖၣ်အိၣ်ဆိးတ့ၢ်ဝဲလၢကီၢ်ဘၤဘူၤလိၣ် အပူၤလၢတၢ်စိာ်မၢကဲကုၢ်အလီၢ်ဖဲစီၤပၤနဘူၤကးန့စၢ်စိာ် ကွံာ်အီၤဒ်ပှၤဘၣ်တၢ်စၢဃာ်အသိးန့ၣ်လီၤ.
7 ဒီးအဝဲသ့ၣ်အခိၣ်အနၢ်တဖၣ်န့ၣ်မ့ၢ်ဝဲစီၤစရူၤဘၤဘ့လး, စီၤယိၤၡူ, စီၤနဃ့မယၤ, စီၤဧစၤရယၤ, စီၤရၤမယၤ, စီၤနဃၤမနံ, စီၤမၢ်ဒကဲၤ, စီၤဘံးလၡၣ်, စီၤမံးစပ့ရ့း, စီၤဘံးကဝဲၤ, စီၤရဃူၣ်ဒီးစီၤဘၤနါသ့ၣ်တဖၣ်န့ၣ်လီၤ. အအံၤမ့ၢ်ပှၤအံၣ်စရ့လးဖိအနီၣ်ဂံၢ်တဖၣ်,
8 ပှၤပၤရိာ်ဖိ, ပှၤခံကထိတကယၤနွံဆံခံ ဂၤ,
9 ပှၤၡဖးတယၤဖိသၢကယၤနွံဆံခံ ဂၤ,
10 ပှၤအရၤဖိဃုကယၤယဲၢ်ဆံခံ ဂၤ,
11 ပှၤပၤဃးမိၤအးဖိလၢအလီၤစၢၤလၢစီၤယ့ၤၡူဒီးစီၤယိၤအာ်, ခံကထိဃိးကယၤတဆံဃိး ဂၤ,
12 ပှၤဧ့ၤလၣ်ဖိ, တကထိခံကယၤယဲၢ်ဆံလွံၢ် ဂၤ
13 ပှၤစးတူၤဖိ, ဃိးကယၤလွံၢ်ဆံယဲၢ် ဂၤ,
14 ပှၤစးကဲဖိ, နွံကယၤဃုဆံ ဂၤ
15 ပှၤဘံနူၤဖိ, ဃုကယၤလွံၢ်ဆံဃိး ဂၤ
16 ပှၤဘ့ဘဲၤဖိ, ဃုကယၤခံဆံဃိး ဂၤ
17 ပှၤဧၤစကးဖိ, ခံကထိသၢကယၤခံဆံခံ ဂၤ
18 ပှၤအဒိၤနံကၣ်ဖိ, ဃုကယၤဃုဆံနွံ ဂၤ
19 ပှၤဘံးကဝဲၤဖိ, ခံကထိဃုဆံနွံ ဂၤ
20 ပှၤဧၤဒံၣ်ဖိ, ဃုကယၤယဲၢ်ဆံယဲၢ် ဂၤ
21 ပှၤအ့ၤတၢ်ဖိလၢအလီၤစၢၤလၢစီၤဃံးစကံယၤ, ခွံဆံဃိး ဂၤ
22 ပှၤဃၤၡူၣ်ဖိ, သၢကယၤခံဆံဃိး ဂၤ
23 ပှၤဘ့စဲၤဖိ, သၢကယၤခံဆံလွံၢ် ဂၤ
24 ပှၤဃၤရံာ်ဖိ, တကယၤတဆံခံ ဂၤ
25 ပှၤကံးဘိၣ်ဖိ, ခွံဆံယဲၢ် ဂၤ
26 ပှၤလၢအမိၢ်အပၢ်အဖံအဖုလၢအအိၣ်လၢဝ့ၢ်သ့ၣ်တဖၣ်အံၤစ့ၢ်ကီးဟဲ က့ၤဝဲဒၣ်န့ၣ်လီၤ. ပှၤဘ့ၤသလ့ဃ့ၣ်ဖိဒီးပှၤနတိဖၤဖိ, တကယၤဃိးဆံဃိး ဂၤ
27 ပှၤဧၤနသိးဖိ, တကယၤခံဆံဃိး ဂၤ
28 ပှၤဘ့ၤသဧၤစမၤဝ့းဖိ, လွံၢ်ဆံခံ ဂၤ
29 ပှၤကံးရယးယဧၤရံၣ်ဖိ, ပှၤတဖံရၤဖိ, ဒီးပှၤဘအ့ရိးဖိ, နွံကယၤလွံၢ်ဆံသၢ ဂၤ
30 ပှၤရၤမါဖိဒီးပှၤက့ဘၤဖိ, ဃုကယၤခံဆံတဂၤ
31 ပှၤမံးကမၣ်ဖိ, တကယၤခံဆံခံ ဂၤ
32 ပှၤဘ့ၤသ့လးဖိဒီးပှၤဂဲဖိ, တကယၤခံဆံသၢဂၤ
33 ပှၤနဘိဖိ, ယဲၢ်ဆံခံ ဂၤ
34 ပှၤဧ့ၤလၣ်ဖိ, တကထိခံကယၤယဲၢ်ဆံလွံၢ် ဂၤ
35 ပှၤဃၤရံာ်ဖိ, သၢကယၤခံဆံ ဂၤ
36 ပှၤယရံၤဃိဖိ, သၢကယၤလွံၢ်ဆံယဲၢ် ဂၤ
37 ပှၤလိးဖိ, ပှၤဃၤဒံးဖိဒီးပှၤအိနိၤဖိ, နွံကယၤခံဆံတ ဂၤ
38 ပှၤစနါအၤဖိ, သၢကထိခွံကယၤသၢဆံ ဂၤ
39 ဒီးပှၤလုၢ်တၢ်အခိၣ်တဖၣ်အဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်န့ၣ်မ့ၢ်ဝဲဒၣ်,
စီၤယဒါယၤ (ပှၤဟဲလီၤစၢၤလၢစီၤယ့ၤၡူအဒူၣ်ဖိထၢဖိ) ခွံကယၤနွံဆံသၢ ဂၤ
40 စီၤအံးမ့ၢ်အဒူၣ်ဖိထၢဖိ, တကထိယဲၢ်ဆံခံ ဂၤ
41 စီၤပၤၡဃူၢ်အဒူၣ်ဖိထၢဖိ, တကထိခံကယၤလွံၢ်ဆံနွံ ဂၤ
42 စီၤဃၤရံၣ်အဒူၣ်ဖိထၢဖိ, တကထိတဆံနွံ ဂၤ
43 ပှၤလ့ၤဝံဖိအဒူၣ်ထၢလၢအဟဲက့ၤလၢတၢ်စိာ်မၢကဲကုၢ်အလီၢ်မ့ၢ် ဝဲ
စီၤယ့ၤၡူအဒူၣ်ဖိထၢဖိဒီးစီၤကးမံၤအ့လးအဒူၣ်ဖိထၢဖိ (လၢအဟဲလီၤစၢၤလၢစီၤဟိၤဒၤဝယၤ), နွံဆံလွံၢ် ဂၤ
44 ပှၤသးဝံၣ်တၢ်ဖိလၢတၢ်လုၢ်ဟံၣ် (ပှၤဟဲလီၤစၢၤလၢစီၤအၤစာ်) တကယၤလွံၢ်ဆံဃိး ဂၤ
45 ပှၤခိးတၢ်လုၢ်ဟံၣ် (ပှၤဟဲလီၤစၢၤလၢစီၤၡၤလူၣ်, စီၤအၤတ့ၢ်, စီၤတၤလမိၣ်, စီၤဧးကူာ်, စီၤဃတံတၤ, စီၤၡိဘံၤ), တကယၤသၢဆံဃိး ဂၤ
46 ပှၤမၤတၢ်လၢတၢ်လုၢ်ဟံၣ်လၢအမ့ၢ်ပှၤနသံနးဖိလၢအဟဲ က့ၤလၢတၢ်စိာ်မၢကဲကုၢ်အလီၢ်မ့ၢ်ဝဲ, စီၤစံဃၤအဒူၣ်ဖိထၢဖိ,
47 စီၤဃစူၤဖၤအဒူၣ်ဖိထၢဖိ, စီၤတးဘၤဧိးအဒူၣ်ဖိထၢဖိ, စီၤက့ရိၣ်အဒူၣ်ဖိထၢဖိ, စီၤစံၤဟၤအဒူၣ်ဖိထၢဖိ, စီၤပၤဒိၣ်အဒူၣ်ဖိထၢဖိ,
48 စီၤလဘၤနၤအဒူၣ်ဖိထၢဖိ, စီၤဃၤကဘၤအဒူၣ်ဖိထၢဖိ, စီၤၡၤလမဲအဒူၣ်ဖိထၢဖိ,
49 စီၤဃၤနၣ်အဒူၣ်ဖိထၢဖိ, စီၤကံးဒ့လးအဒူၣ်ဖိထၢဖိ, စီၤကၤဃၢ်အဒူၣ်ဖိထၢဖိ,
50 စီၤရအါယၤအဒူၣ်ဖိထၢဖိ, စီၤရ့စံၣ်အဒူၣ်ဖိထၢဖိ, စီၤနကိဒၤအဒူၣ်ဖိထၢဖိ,
51 စီၤကးစၣ်အဒူၣ်ဖိထၢဖိ, စီၤဧူးစၤအဒူၣ်ဖိထၢဖိ, စီၤပၤစ့ၤအဒူၣ်ဖိထၢဖိ,
52 စီၤဘ့စဲၤအဒူၣ်ဖိထၢဖိ, စီၤမူနးအဒူၣ်ဖိထၢဖိ, စီၤနဖူစံၣ်အဒူၣ်ဖိထၢဖိ,
53 စီၤဘၤကဘူးအဒူၣ်ဖိထၢဖိ, စီၤဃၤကူဖၤအဒူၣ်ဖိထၢဖိ, စီၤဃၢ်ဃူၢ်အဒူၣ်ဖိထၢဖိ,
54 စီၤဘၤစလံးအဒူၣ်ဖိထၢဖိ, စီၤမဃံဒၤအဒူၣ်ဖိထၢဖိ, စီၤဃၤရၡၤအဒူၣ်ဖိထၢဖိ,
55 စီၤဘၢ်ကိၣ်အဒူၣ်ဖိထၢဖိ, စီၤစံစရၤအဒူၣ်ဖိထၢဖိ, စီၤသၤမၤအဒူၣ်ဖိထၢဖိ,
56 စီၤနစံၤအဒူၣ်ဖိထၢဖိ, ဒီးစီၤဃၤတံဖၤအဒူၣ်ဖိထၢဖိတဖၣ် န့ၣ်လီၤ.
57 စီၤၡလိၤမိၤအခ့အပှၤအဒူၣ်ဖိထၢဖိလၢအဟဲက့ၤလၢတၢ်စိာ်မၢ ကဲကုၢ်တဖၣ်မ့ၢ်ဝဲ, စီၤစိတဲၤအဒူၣ်ဖိထၢဖိ,
58 စီၤစိဖ့ၤရ့းအဒူၣ်ဖိထၢဖိ, စီၤပရံဒၤအဒူၣ်ဖိထၢဖိ,
59 စီၤယၤလၤအဒူၣ်ဖိထၢဖိ, စီၤဒၢ်ကိၣ်အဒူၣ်ဖိထၢဖိ, စီၤကံးဒ့လးအဒူၣ်ဖိထၢဖိ, စီၤၡဖးတယၤအဒူၣ်ဖိထၢဖိ, စီၤဃးတံလးအဒူၣ်ဖိထၢဖိ, စီၤဖိၤက့ရ့းအဒူၣ်ထိထၢဖိ ဘၣ်ထွဲဒီးစီၤစဘဲၣ်, ဒီးစီၤအၤမိၣ်အဖိ,
60 ပှၤမၤတၢ်လၢတၢ်လုၢ်ဟံၣ်, ဒီးစီၤၡလိၤမိၤအခ့အပှၤအစၢၤအသွဲၣ် ခဲလၢာ်လၢအဟဲက့ၤလၢတၢ်စိာ်မၢကဲကုၢ်အလီၢ်အတၢ်ဂံၢ်န့ၣ်မ့ၢ် ဝဲပှၤသၢကယၤခွံဆံခံဂၤန့ၣ်လီၤ.
61 ဒီးပှၤဟဲလၢဝ့ၢ်တဖၣ်လၢအမ့ၢ်ဝဲတ့ၤလမ့ၤလၤ, တ့လဃၢ်ၡၤ, ခ့ရူာ်, အးဒၣ်, အံးမ့ၢ်န့ၣ်ပာ်ဖျါထီၣ်အသးဒ်အမ့ၢ်ပှၤလၢအမိၢ် ပၢ်ဖံဖုလၢပျၢၤဟဲလီၤစၢၤလီၤသွဲၣ်လၢပှၤအံၣ်စရ့လးဖိ တသ့ဝဲဘၣ်.
62 အဝဲသ့ၣ်ဟဲလီၤစၢၤလီၤသွဲၣ်လၢစီၤဒလါယၤအဒူၣ်ဖိထၢဖိ, စီၤတိၤဘံယၤအဒူၣ်ဖိထၢဖိ, ဒီးစီၤနကိဒၤအဒူၣ်ဖိထၢဖိ, ပှၤခဲလၢာ်အတၢ်ဂံၢ်အိၣ်ဝဲပှၤဃုကယၤလွံၢ်ဆံခံဂၤလီၤ.
63 ပှၤလုၢ်တၢ်အခိၣ်အဒူၣ်ထၢလၢလာ်တဖၣ်အံၤ, တထံၣ်က့ၤဘၣ်အတၢ်ဟဲလီၤစၢၤလီၤသွဲၣ်အတၢ်ကွဲးနီၣ်ကွဲးဃါဘၣ်. စီၤဃဘါယၤအဒူၣ်ဖိထၢဖိ, စီၤကိးစးအဒူၣ်ဖိထၢဖိဒီးစီၤ ဘၢ်စံးလဲအဒူၣ်ဖိထၢဖိ, (ပှၤလုၢ်တၢ်အခိၣ်စီၤဘၢ်စံးလဲအဒူၣ်ထၢအပၢ်ဖးဒိၣ်လၢပျၢၤဒိး တ့ဒိးဖျီတ့ၢ်အသးဒီးပိာ်မုၣ်တဂၤလၢပှၤကံးလဧးဖိ စီၤဘၢ်စံးလဲအဒူၣ်ထၢပူၤဒီးဟံးန့ၢ်အမံၤပှၢ်ပိာ်ခွါအဒူၣ် ထၢအမံၤလီၤ)
64 မ့ၢ်လၢအဝဲသ့ၣ်ပာ်ဖျါအမိၢ်ပၢ်ဖံဖုလၢပျၢၤတဖၣ်မ့ၢ်မတၤန့ၣ်, တသ့ဝဲအဃိ, အဝဲသ့ၣ်တဘၣ်တၢ်တူၢ်လိာ်အီၤဒ်ပှၤလုၢ်တၢ်အခိၣ်တဖၣ် ဘၣ်.
65 ပှၤယူဒၤဖိအပဒိၣ်ဖးဒိၣ်တဲဘၣ်အဝဲသ့ၣ်လၢတဘၣ်အီၣ်တၢ်အီၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤဘၣ်တုၤလၢပှၤလုၢ်တၢ်အခိၣ်တဂၤ လၢအသူတူရံၣ်ဒီးအူမံၣ်သ့အိၣ်ဝဲ, န့ၣ်လီၤ.
66 ဒီးပှၤလၢအဟဲက့ၤလၢတၢ်စိာ်မၢကဲကုၢ်အနီၣ်ဂံၢ်ခဲလၢာ်မ့ၢ်ဝဲ လွံၢ်ကလးခံကထိသၢကယၤဃုဆံဂၤန့ၣ်လီၤ.
67 ဒီးလၢန့ၣ်အမဲာ်ညါအိၣ်ဝဲဒီးကုၢ်ပိာ်ခွါဒီးကုၢ်ပိာ်မုၣ် နွံကထိသၢကယၤသၢဆံနွံဂၤ, ဒီးပှၤသးဝံၣ်တၢ်ဖိပိာ်ခွါဒီးပိာ်မုၣ်အိၣ်ဝဲ ခံကယၤလွံၢ်ဆံယဲၢ်ဂၤလီၤ.
68 အဝဲသ့ၣ်အိၣ်ဒီးအကသ့ၣ်နွံကယၤသၢဆံဃုဒု, ကသ့ၣ်လၤခံကယၤလွံၢ်ဆံယဲၢ်ဒု,
69 ကီၤလၤအူးလွံၢ်ကယၤသၢဆံယဲၢ်ဒု, ကသ့ၣ်ယီၤဃုကထိနွံကယၤခံ ဆံဒုန့ၣ်လီၤ.
70 ပှၤဂီၢ်မုၢ်အါဂၤဟ့ၣ်လီၤမၤဘူၣ်တ့ၢ်တၢ်လၢတၢ်ဟ့ၣ်ပှဲၤထီၣ်တၢ် ဘှီက့ၤယွၤအတၢ်လုၢ်ဟံၣ်အတၢ်လၢာ်အဂီၢ်န့ၣ်လီၤ. ပဒိၣ်ဖးဒိၣ်ဟ့ၣ်ဝဲ, ထူလီၤတယၢၢ်ဒးရံးတကထိ, သလၢအဖျၢၣ်ယဲၢ်ဆံလၢတၢ်ကသူအီၤလၢတၢ်မၤဘူၣ်အကတီၢ်, ပှၤလုၢ်တၢ်အခိၣ်အဆ့ကၤဖးထီယဲၢ်ကယၤသၢဆံဘ့ၣ်လီၤ.
71 ဒူၣ်ထၢအခိၣ်တဖၣ်အတၢ်ဟ့ၣ်မ့ၢ်ဝဲ, ထူလီၤတယၢၢ်ဒးရံးခံကလး, စ့လီၤတယၢၢ်အမၤနၤခံကထိခံကယၤန့ၣ်လီၤ.
72 တၢ်လၢပှၤဂီၢ်မုၢ်အဂၤဟ့ၣ်ဝဲန့ၣ်မ့ၢ်, ထူလီၤတယၢၢ်ဒးရံးခံကလး, စ့လီၤတယၢၢ်အမၤနၤခံကထိဒီးပှၤလုၢ်တၢ်အခိၣ်အဆ့ကၤဖးထီဃုဆံနွံဘ့ၣ် န့ၣ်လီၤ.
73 ဒီးပှၤလုၢ်တၢ်အခိၣ်, ပှၤလ့ၤဝံဖိ, ပှၤပၢၤပဲတရီဖိ, ပှၤသးဝံၣ်တၢ်ဖိ, ပှၤပတီၢ်မုၢ်ဖိ, ပှၤမၤတၢ်လၢတၢ်လုၢ်ဟံၣ်, ဒီးကယဲၢ်ပှၤအံၣ်စရ့လးဖိခဲလၢာ်သူၣ်လီၤဆီလီၤအတၢ်အိၣ်တၢ် ဆိးအလီၢ်လၢဝ့ၢ်တဖၣ်လၢကီၢ်ယူဒၤအပူၤန့ၣ်လီၤ.