6
1 ဒီးစီၤစၤနဘၤလး, စီၤတိၤဘံယၤ, ပှၤဧ့ရ့းဖိစီၤက့ၤၡ့ၣ်, ဒီးပဒုၣ်ပဒါလၢအအိၣ်လီၤတဲာ်သ့ၣ်တဖၣ်နၢ်ဟူဝဲဒၣ်လၢပသူၣ်ထီၣ် ဝ့ၢ်ခိၣ်ဒူဝံၤဝဲဒီးတၢ်လီၤဟိတအိၣ်ဘၣ်န့ၣ်လီၤ. ဘၣ်ဆၣ်ပတပာ်ထီၣ်ဒံးဘၣ်တြဲၤလၢကျဲလဲၤနုာ်အဂီၢ်ဒံးဘၣ်န့ၣ်လီၤ.
2 ဒီးလၢတၢ်န့ၣ်အဃိစီၤစၤနဘၤလး, ဒီးစီၤက့ၤၡ့ၣ်ဆှၢလီၤန့ၢ် ယၤတၢ်ကစီၣ်လၢယကထံၣ်လိာ်ယသးဒီးအီၤလၢသဝီတဖၣ် အကျါတဖျၢၣ်အိၣ်လၢတၢ်ပၢၤခိၣ်အိနိၤန့ၣ်လီၤ. တၢ်အံၤမ့ၢ်အဝဲသ့ၣ်အတၢ်ကူၣ်တမံၤလၢကမၤအၢယၤန့ၣ်လီၤ.
3 ဒီးယဆှၢလီၤပှၤစိာ်တၢ်ကစီၣ်တဖၣ်လၢကစံးဘၣ်အဝဲသ့ၣ်, “ယမၤတၢ်မၤလၢအကါဒိၣ်ဝဲဒီးယလဲၤလီၤဆူသုအိၣ်တသ့ဘၣ်. ယပျဲတၢ်မၤဆိကတီၢ်အသးဖဲအံၤဒီးလဲၤထံၣ်သုတသ့ဘၣ်.”
4 ဒီးအဝဲသ့ၣ်ဆှၢန့ၢ်ယၤတၢ်ကစီၣ်တမံၤဃီလွံၢ်ဘျီ, ဒီးယစံးဆၢက့ၤအီၤဒ်အလီၢ်လီၢ်အသိးန့ၣ်လီၤ.
5 ဒီးစီၤစၤနဘၤလးမၢလီၤအခ့အပှၤတဂၤဃုာ်ဒီးတၢ်ကစီၣ်ယဲၢ်ဘျီ တဘျီ, ဒီးအအံၤတဘျီမ့ၢ်တၢ်ကွဲးလၢအတအိၣ်ဘၣ်ဒီးတၢ်စဲပနီၣ်ဘၣ်န့ၣ် လီၤ.
6 ဒီးအတၢ်ကွဲးမ့ၢ်ဝဲ,
“စီၤကၤၡမူစံးဝဲဒၣ်လၢတၢ်ကစီၣ်ဟူထီၣ်သါလီၤလၢပှၤကလုာ် အိၣ်ဝးတရံးပှၤအကျါလၢနၤဒီးပှၤယူဒၤဖိသ့ၣ်တဖၣ်အိၣ်ဒီးတၢ် ကူၣ်လၢတၢ်ပူထီၣ်တၢ်အဂီၢ်န့ၣ်လီၤ. ဒီးလၢတၢ်န့ၣ်အဃိနသူၣ်ထီၣ်ကဒါက့ၤဝ့ၢ်ခိၣ်ဒူန့ၣ်လီၤ. အဝဲစံးစ့ၢ်ကီးဝဲဒၣ်လၢနအိၣ်ဒီးတၢ်ကူၣ်လၢနကကဲထီၣ်စီၤပၤ,
7 ဒီးနကတဲာ်ကတီၤတ့ၢ်လံဝံတနီၤလၢကဘိးဘၣ်သ့ၣ်ညါထီၣ်လၢဝ့ၢ် ယရူၤၡလ့ၣ်အပူၤလၢနမ့ၢ်ကီၢ်ယူဒၤအစီၤပၤန့ၣ်လီၤ. စီၤပၤဖးဒိၣ်ကနၢ်ဟူတ့ၢ်လံတၢ်ကစီၣ်အံၤသပှၢ်ကတၢၢ်န့ၣ်လီၤ. လၢတၢ်န့ၣ်အဃိယဟ့ၣ်ကူၣ်နၤလၢ, နၤဒီးယၤပကထံၣ်လိာ်ကတိၤတၢ် ဂ့ၢ်အံၤန့ၣ်လီၤ.”
8 ဒီးယဆှၢလီၤယတၢ်စံးဆၢအအိၣ်ဆူ, “တၢ်လၢနစံးသ့ၣ်တဖၣ်တမ့ၢ် တၢ်အမ့ၢ်အတီနီတမံၤဘၣ်. မ့ၢ်ဒၣ်နကူၣ်ထီၣ်ဒၣ်နတၢ်ဒၣ်နဲလီၤ.”
9 အဝဲသ့ၣ်ဂုာ်ကျဲးစၢးမၤပျံၤပှၤဒ်သိးပကဆိကတီၢ်ကွံာ်တၢ်မၤ န့ၣ်လီၤ. ဒီးယဘါထုကဖၣ်ယဲ, “ကစၢ်ယွၤဧၢ, ခဲကနံၣ်အံၤဒုးဆူၣ်ထီၣ်ယၤတက့ၢ်.”
10 ဒီးလၢဆၢကတီၢ်ဒ်အံၤန့ၣ်ယလဲၤအိၣ်သကိးစီၤၡမါယၤလၢအမ့ၢ် စီၤဒလါယၤအဖိခွါ, စီၤမဟ့တးဘအ့လးအလံၤလၢအဟးထီၣ်လၢအဟံၣ်တသ့ဝဲဒၣ် တဂၤန့ၣ်လီၤ. ဒီးအဝဲစံးဘၣ်ယၤ, “နၤဒီးယၤပကြၢးလဲၤအိၣ်ခူသူၣ်သကိး လၢယွၤအတၢ်လုၢ်ဟံၣ်အတၢ်လီၢ်စီဆှံဒီးကးတံၢ်တြဲၤန့ၣ်လီၤ. အဂ့ၢ်ဒ်အံၤ, အဝဲသ့ၣ်ဟဲလၢကမၤသံကွံာ်နၤလီၤ. အဝဲသ့ၣ်ဟဲဒီးမၤသံနၤလၢမုၢ်နၤတနၤနၤသ့ဝဲဒၣ်န့ၣ်လီၤ.”
11 ဒီးယစံးဆၢအီၤ “ယတမ့ၢ်ပှၤတဂၤလၢအဃ့ၢ်ဒီးအိၣ်ခူသူၣ်န့ၣ်ဘၣ်. မ့ၢ်နဆိကမိၣ်လၢယကဂုာ်ကျဲးစၢးမၤပူၤဖျဲးယသးလၢယတၢ်အိၣ်ခူ သူၣ်လၢယွၤအတၢ်လုၢ်ဟံၣ်အပူၤန့ၣ်ဧါ. ယတမၤတၢ်အံၤဘၣ်.”
12 တုၤယဆိကမိၣ်ထီၣ်တၢ်အံၤဒီးယသ့ၣ်ညါလၢကစၢ်ယွၤ တကတိၤတ့ၢ်တၢ်ဒီးစီၤၡမါယၤဘၣ်. မ့မ့ၢ်စီၤတိၤဘံယၤဒီးစီၤ စၤနဘၤလးဟ့ၣ်အီၣ်ခိၣ်ဖးလာ်ဆှိးလၢကတဲပလီၢ်ယၤတၢ်အံၤန့ၣ် လီၤ.
13 အဝဲသ့ၣ်ဒိးလဲအီၤဒ်သိးကမၤပျံၤမၤဖုးယၤလၢတၢ်မၤတၢ်ဒဲး ဘးအပူၤဒ်သိးကမၤဟးဂီၤယမံၤဒီးမၤတရီတပါယၤန့ၣ်လီၤ.
14 ဒီးယဘါထုကဖၣ်ယဲ, “ကစၢ်ယွၤဧၢသ့ၣ်နီၣ်ထီၣ်က့ၤတၢ်လၢစီၤ တိၤဘံယၤဒီးစီၤစၤနဘၤလးမၤတ့ၢ်ဝဲဒီးစံၣ်ညီၣ်အဝဲသ့ၣ်န့ၣ်တက့ၢ်. ဒီးသ့ၣ်နီၣ်ထီၣ်က့ၤပိာ်မုၣ်တဂၤလၢအမ့ၢ်နီၢ်နိဒယၤဒီးဝံ အဂၤတဖၣ်လၢအကျဲးစၢးမၤပျံၤယၤန့ၣ်တက့ၢ်.”
15 ဒီးလၢတၢ်ဘှီက့ၤအတၢ်မၤယဲၢ်ဆံခံသီအလီၢ်ခံ လါအလူလးခံဆံယဲၢ်သီတသီအနံၤန့ၣ်ဝ့ၢ်ခိၣ်ဒူဝံၤဝဲဒၣ်လၢ လၢပှဲၤပှဲၤန့ၣ်လီၤ.
16 ဒီးတုၤပဒုၣ်ပဒါလၢအအိၣ်ဝးတရံးပှၤလၢအမ့ၢ်ပှၤကလုာ်တဖၣ်နၢ် ဟူတၢ်အံၤန့ၣ်အဝဲသ့ၣ်ထံၣ်သ့ၣ်ညါလီၤက့ၤအသးလၢအမဲာ်သၣ် တအိၣ်လၢၤဘၣ်, ဒီးပှၤခဲလၢာ်သ့ၣ်ညါဝဲဒၣ်လၢတၢ်မၤအံၤဝံၤဝဲဒၣ်လၢ ကစၢ်ယွၤအတၢ်မၤစၢၤအဃိန့ၣ်လီၤ.
17 ဒီးလၢအကတီၢ်ဒီကတီၢ်အံၤန့ၣ်ပှၤယူဒၤဖိခိၣ်နၢ်သ့ၣ်တဖၣ်အိၣ် ဒီးအတၢ်ကွဲးလိာ်သးလံာ်ဒီးစီၤတိၤဘံယၤန့ၣ်လီၤ.
18 ပှၤအါဂၤလၢပှၤယူဒၤဖိအကျါန့ၣ်အိၣ်လၢအအိၣ်တကပၤခီဖျိ အမံၤပှၢ်ပိာ်ခွါပှၤယူဒၤဖိစီၤၡကါနၤလၢအမ့ၢ်စီၤအရၤအဖိခွါ, အဃိန့ၣ်လီၤ. လၢန့ၣ်အမဲာ်ညါအဖိခွါစီၤယိဃၤနၣ်ဒိးတ့ ဒိးဖျီအသးဒီးစီၤဘရ့ကံယၤအဖိခွါလၢအမ့ၢ်စီၤမၡူလၣ်အဖိ မုၣ်န့ၣ်လီၤ.
19 ဒီးပှၤအိၣ်လၢယမဲာ်ညါသ့ၣ်တဖၣ်တဲဘၣ်ယၤလၢတၢ်မၤအဂ့ၤသ့ၣ်တဖၣ် လၢစီၤတိၤဘံယၤမၤတ့ၢ်ဝဲအဂ့ၢ်ဒီးကတဲစ့ၢ်ကီးအီၤလၢတၢ်လၢ ယစံးတ့ၢ်သ့ၣ်တဖၣ်န့ၣ်လီၤ. ဒီးအဝဲဆှၢလီၤလံာ်တဖၣ်လၢကမၤပျံၤမၤဖုးယၤအဂီၢ်န့ၣ်လီၤ.